ساعدووني احس اني هامله عمري
من تسوي لي جدول اسبوعي
حق تنظيف البشره وحق تبييض البشره
وتنظيف المناطق الحساسه وتبيضها
وحتى حق العنايه بشعري صاير جاااف
وكل كل كل شئ انا متزوجه واحس عمري هامله نفسي وااااااااااااااايد
لاني مش عارفه شنو اسوي ؟؟؟؟؟؟
صايره الوع الجبد
يا ريت اللي يعرف رابط الموضوع اللي تكلمت عنه
الاخت ام الصيصان يدرجه لي
وبكون شاكره لكم
شوفي سوي تنظيف بشره كل شهر بعد الدوره طبعا مع الحف لكل الجسم وبانسبه لتنظيف البشره انا اسويه كل شهرلان بشرتي دهنيه بالمره ولو اخليها شهرين ما اتحمل نفسي واذا بغيتي روحي للصالون وانا قالت لي الكوفيره المفروض تروحين للصالون تسوين تنظيف بشره كل 6شهور والباقي في البيت وانا اسوي كذا اشتري الصنفره من محلات نزيه عنده انواع كثير انتي خذي النوع الي يناسب بشرتك انا استخدم الي بالتوت البري حلو وناسبني وخذي بعد ماسك للبشره برضو على حسب نوع بشرتك وخذي تونك واما الطريقه1_ امسحي وجهك بماء الورد لتنظيف البشره من الدهون والاوساخ.
2_بعدين سوي الصنفره ضعي قليل منها على وجهك واعملي تدليك للوجه من تحت للفوق عشان ما تترهل البشرهواذا بغيتي الرقبه بعد.
3_ازيلي الصنفره بقطن مبلل بماء دافئ او اغسلي وجهك بماء دافئ.واعملي للوجه بخار سواء كان في الة البخارللوجهه او اغلي ماء وضعيه في قدر ضيق ثم احني وجهك على القدر وغطي راسك بفوطه لكي يتبخرالبخار جيدا ويفتح مسام وجهك .
4-وبعده قومي بتنظيف البشره من الزيوان اي الرؤس السوداء والدهون باصبعك بلطف لكي لا تتأثرلبشره .
5_بعدها امسحيها بماء الورد ثم ضعي الماسك واتركيه الى ان يجف ويشد البشره مع عدم الكلام والضحك
6_وثم اشطفيه بماء دافئ وضعي التونك بقطن ومسحه على الوجهه.
وبعد كذا راح تشوفين الفرق وتحصلين على بشره مشرقه وجميله وانتعاش رائع .
ولا تنسين جسمك من التظيف والدعك والصنفره والرغوات الحلوه المعطره ولو تدعكي جسمك بقليل من السكر مع زيت زيتون وليمون قبل السبوح ثم اسبحي وسترين الفرق
وبالنسبه لشعرك لا اعرف بصراحه بخلطات او زيوت للشعر كثير
ولكن اعتني بمظهر بالتجديد بقص الشعر وتغير الوك والون .
واما بانسبه لتبيض البشره استعملي الجوليسوليد الاحمر ممتازمره والطريقه هي
علبة جوليسوليد وسط
جلسرين سايل من الصيدليه
ماء ورد
نشا
ليمون والطريقه اخلطي الجوليسوليد كله مع نص من الجلسرين واربع حبات عصير ليمون وفنجال من النشاء وفنجال ماء ورد واذا اردتي بدل النشاء ضعي خل التفاح لكن له ريحه كريحه والنشا يغني عنه وافضل وانا مجربتها تبيض وتشد الجسم وتعطيك نعومه مثل نعومة جسم البيبي وتصلح تستخدم للمناطق الحساسه تبيضها
والله يوفقك ويجملك وان شاء الله اكون افدتك
http://www.3roos.com/forums/t180262.html
فتفوته مشكوره ع الرد
