صدقوني اليوم طاااايره من الفرح .
..بشرتي ماشاءالله عليها منوره اليوم اكثر من اي مره ماضيه سويت الها تقشير 
انا اول شي بخبركم بالتفصيل الممل تجاربي 
بس طولو بالكم علي…
انا بشرتي بفتره من الفترات كانت دهنيه وحاليا مختلطه وعندي مشكله الرووس السودا عالانف ومشكله مسامات … ودايما اجرب خلطات وتعطي نتيجه حلوه ماشي حالها …بس والله مثل حلات هالمقشر ماشفت … مع اني قرات عنه من فتره طويله بس كنت متخوفه من استعماله لانه يحتوي ع بيكينج صودا واللي ماتعرف البيكينج صودا تدور عليه بجوجل ..
اللي سويته كالتالي :
خلطت ربع ملعقه صغيره مع كم قطره فقط من الماي لغايه ماصارت عندي مو سائل ولا متماسك بالاول خفت لاني شفت فوران وشي يفور وصوت مثل يوم تفورون مشروب فيتامين سي هههههه
بس توكلت ع رب العالمين وفردت المكون ع وجهي وبعدت عن محيط العيون وفركت حركات دائريه شوي شوي بدون دعك يابنات انتبهو هاي بشره وجه مو قاع رجول هههههههههههههههههه
واتركيه لغايه يجف وارجعي طبقي بعد مره واتركيه عالبشره 5 دقايق تقريبا وانا بالاول حسيت بلسع خفيف … وغسلت وجهي بماي بارد وبس خلصت حمام مررت مكعب ماء ورد ع بشرتي وحسيت صايره متهيجه ومحمره … ومن الخوف رجعت دهنت وجهي بكريم جليسوليد وبعدها بساعتين يوم توضيت غسلت وجهي بس بماي ورجعت مررت مكعب ماي ورد … ويوم اجيت انام مسحت وجهي بقطرتين زيت جنين القمح لانه كان بعده متحسس ومحمر …بس اليوم الصبح يوم صحيت حسيت وجهي بيلمع وحلو ونظيف وتقريبا باقي رووس سودا بس شي خفيف وبسيط ..بس للمانه اطراف الفم شوي نشفت وفيها تقشير …. والصبح غسلت وجهي بماي بارد وحطيت كريم مرطب وتقريبا التقشير راح وااله والله والله انه من احلى المقشرات اللي استعملتها انصح الكل يجربه …
بس اللي بشرتها حساسه تنتبه وانا مابتحمل المسووليه …ترى مو كلنا نفس البشره يعني ممكن تخففو عيار البيكينج صودا وتعملو خفيف وماتفركو البشره ..يعني كل وحده وحسب بشرتها ….جربو واحكولي نتائجكم ..انا راح اعتمده كل 10 ايام اسويه مره …..حتى راح ازيد الكميه المره الجايه واجربه ع كل جسمي … بس صار عندي هو مقشر وسنفره رقم 1 
يا ريت لو كان الموضوع مدعم بصور وتنسيق للموضوع ..
