اخباركم حبوبات
امممم انا ام بكريه لي اسبوعين والده ولله الحمد
وبغيت استشيركم و استفيد منكم بتجهيز بنتي بعد النفاس
انا اساسا ماشريت كثير قبل الولاده تقريبا طقم فيه 6 لبسات
وشريت داخلي (شبحيات)
يعني ماكثرت علشانه توها صغيره وبس باللفه
واهلنا مايهدون ملابس اغلبيتهم فلوس
اذا طلعت الاربعين ان شاءالله كم اشتري له لبسه و بجامه ؟ وشنو المقاسات
مابي اشتري و نص اللبس ماينلبس تكبر عليه
ومابي اقلل بنفس الوقت
وشنو الاشياء اللي المفروض اشتريها وراح احتاجها بعمر شهرين وثلاثه << غير الصيدليه طبعاً
ياليت تفيدوني من خلال تجربتكم
وخذي له مهاد أو مدس
اهم شي البربدوزات لوقت النوم عشان تطمني انه الطفل مو بردان وقت النوم وخصوصا انه حر وفاتحين مكيفات ..خذي سبعه على عدد ايام الأسبوع كحد اقصى عشان يصير الغسيل كل اسبوع مرة ..
بالنهار لبسيها اللي تحبيه فساتين مع سراويل تبعها
_لبس كامل علاقي او بكم زي كذا
..عشان حر واذا فيه مكيفات لفيها والمدس راح يساعدك ..وافضل شي تآخذي لها 7 لبسات ..3 للخروج و4 للبيت قطنيات وترا المحلات العادية راح تلاقي فيها قطنيات حلوة للبيت ..عندك الهرم لو انتي بالرياض فيه حاجات ظريفة للبيت وبربدوزات حلوة كمان ..
عندك بسنتر بوينت بيبي شوب راح تلاقي كل حاجات الأطفال ومذركير
من تجربتي اهم شي الشباحات وتاخذينهم من عمر 0-3 لان بتستخدمينهم اكيد اما الثياب الباقية قليل ان تلاقين مقاس يناسب هالعمر وبعد ال3 شهور تقدرين تنوعين لان اولاا بيطلع احلى على البيبي وهوو قادر على انه يمسك راسه شوي وتقدرين تلبسينه وثانيا سهلة التلبيسة …
فـ اكثر شي محتاجهم البيبي لعمر 3 شهور هو الشباحات والقماط و الحين حرر بالتالي يكثر تشغيل المكيف يعني لازم تاخذين له شبك يكون يده طويله ومسكر من صوب الرجايل على اساس وقت النوم يدفى ( في اللولو هايبر لقيت تشكيلات رووعه وسعرها حلوو ) ,,, امممم بعد اللي احتجت له هوو عدة تقليم الاظافر , عدة الاستحمام , قفاز لليد عشان ماتشمخ روحها الكتكوته , زيت زيتون للترطيب , مراضع , شفاطة حليب طبعا اذا ترضعين طبيعي عشان تتجنبين ارتفاع الحرارة , خرخشانه ( لعمر بين 2 – 4 شهور ) على اساس تلعبين معاها وتساعدينها على التفهم شوي شوي ( مكتوب عليها انها لهالعمر) , جهاز لقياس درجة الحرارة مهم خصوصي لبعد تطعيم بوو شهرين , مرقدوش وماي حندبان ونباته وماي حلووة ( ضرورين لان بعد الاربعين تزيد حالات المغص والامساك او الاسهال ) … حاليا هذا اللي ببالي واذا تذكرت شي بكتبه لك وبالتوفيق ان شاء الله ومبروووووووك ماجاااكم ويتربى بعزكم ان شاء الله ..
مافي احسن عنها للبيبي
وانا من رائي لا تكثري ومافي أحلى وارتب شئ للبيبي الاوفر
والحمد الله ع سبامتج ومبروك ماجاكم تربه بعزكم بارب
