اغلب البنات يعرفون اننا فاعدين نجهز حق عرس اخوي الكبير والوحيد
اللي بيكون ان شاء الله تاريخ 26-6-2008
نحن العمانيين عندنا مناسبة ايام العرس اسمها الحق
وهي ان اهل العريس ياخذون المهر والهدايا والذهب مع الحلوى العمانية والحلويات الى بيت العروسة وهناك يتجمعن الحريم علشان يشوفوا الهدايا والذهب
وطبعا ناخذ معانا حرمة تكون خبرة في هذي الامور علشان تنادي بالذهب والمهر والاطقم بعدين تروح دار ما داير الحريم يشوفونه
اكيد اهل الخليج كلكم عندكم هذي العادة بس باسماء وطقوس مختلفة
المهم امس انا وامي واخوي المعرس رحنا واشترينا الذهب واليوم اخذته على محل الورود يغلفلي اياه
ان شاء الله يوم الخميس راح ناخذ المهر لبيت العروسة
هذي الصور مع الشرح
هذا الصندوق الفضي اخذته من دبي علشان نحط فيه الاطقم
هذي الصينية من الفضة الخالصة طلبناها من الهند
هذا الطقم الاول باسم اختي الصغيرة
لو تلاحظوا هذا الطقم الوحيد اللي بدون اسورة فامي طلبت من الصايغ يسويلها اسورة
والصايغ قال انها بتجهز بعد 10 ايام
هذا الطقم الثاني ذهب بحريني من عند اخوي
هذا الطقم نفس الشيء ذهب بحريني من عند اخوي
هذا الطقم ذهب بحريني بس جاي طويل من عند امي الغاليه
هذا الطقم نقش تقليدي من عند ابوي الله يحفظه
وهذا الطقم من عندي
لو تلاحظوا هو الوحيد اللي فرق عن الغير يمكن لان ذوقي غير شوي
هذي العطور
ماكس مارا الجديد
جيرلان الجديد2
وهرمس
هذي الاطقم الخمسة مغلفة بشرايط مع الصندوق
وهذي الصينية مع الطقم الرئيسي والعطور
طبعا راح ناخذ معاها الحلوى العمانية بالزعفران يم يم
وصينية من باتشي
وصينية من بتيل
بس ما صورتهم لاننا ما شريناهم للحين
اتمنى انكم حبيتوا الاطقم
وادعوا لاخوي بالزواج السعيد والزوجة الصالحة
ما شاء الله عليكم بالعافية و الله يتمم على خير
والله يتمم عليهم ويسعدهم انشاءالله …
ماشاء الله نيالها العروس..ان شاء الله يتهنوا…
وتسلمين على المجموعه الحلوووه…..
ما شاء الله رهيب الذهب ..
الله يوفق اخوك ويسعده ..
تسلمين اختي ..
ربي يحفظك ^^
:
كثير حلووو الله يتمم بالخير
تقبلي مروري
