بنتي عمرها شهرين وعشرة ايام من كملت شهرين وهي رافضه الطبيعي
وانا اعطيها صناعي احيانا والحين ماتبي صدري واحس اني متكدره نفسيا ليش ماتبيه وادا غصبتها :mad:تبكي بقوه فاتركه ولا اقدر اقطها من الصناعي وسمعت عن الحلمه الصناعيه بس يقولون تعور لاتقولون شفطي في الرضاعه حاولت ماقدرت تكفون عطوني حل ريحوني تعبت نفسيتي مرررررررره :tears:لاني ماودي تترك الطبيعي بدري مررررررره فيه بعض الاطفال يتركون حليب الام بلا سبب
لاني والده قيصريه وتميت بدونها كم يوم
وتعلمت على الصناعي لاتكدرين روحج اختي رضعيها صناعي وتوكلي على الله
الحلمه الصناعيه ولا تعور ولاشي أنا ما نفعتني لأن صدري مافيه حليب
أذا الحليب كميته كويسه أن شاءالله تنفعك
جربتها مع بنتي وعمرها اسبوع واستمريت عليها
بعدين قطعتها عنها ورضعت مني ..
عادتاً الطفل يترك صدر الام لاني الرضاعة الصناعية اسهل على الطفل مافيها تعب بالمص
فا الطفل يميل لها
والله مادري شقولج يمكن الافضل انج ماتعطنها صناعي كلش اذلا ناوية تكملين رضاعتها فترة اطول
و انا طبعاً انصحج تقطعي الصناعي و ترضعينها طبيعي فقط و اذا بنتج جاعت راح تضطر ترضع منج
و ترا الحليب الصناعي مليان مواد كيماوية و خرابيط عكس حليب الام
اتنصحج تكملين بالطبيعي و اذا بتطلعين شفطي لها من شفاط ماركة ميديلا احس ماركة و معروفه
واكلي رهش واشربي حلبه عشان يكثر الحليب في صدرج
حاولي طول مانتي في البيت صناعي مااااااااااااافي
والله يعينج
لا تيأيسين من رحمة ربش…اللي رزقش الطفلة يرزقش حليب طبيعي اياه …ودائما ثقي بالله سبحانة و تعالى بأن يرزقها حليبها من صدرش..
لا تتكدرين ولا تيأسين …ترى حالش مريت به في بتي و ولدي ايضا ….فشلت في الأولى و الحمد لله كانت تجربة و نجحت في الثانيه(y) و رضعت ولدي و الحمد لله طبيعي…..
حاولي و حاولي و كرري المحاولات حتى لو تعبتين و مردها بترضع طبيعي اذا ما تنازلتين …
و كثري من السوائل و الحليب الساخن شربي عصير برتقال طبيعي ..و كلي بروتينات و الخضروات الورقية الخضره مثل البقدونس و البقل ……
اذا تقدرين على الحلبه شربي منقوعها ..(y)….و في شاي خاص للمرضعات علشان يزيد الحليب ..بس ما أعرفه و قريت عنه هني في المنتدى…سوي بحث عن هالشاي …أن شاء الله تحصلينه و تلاقين منه الفايده..
ربي يحفظ كتكوتش و ترضع طبيعي آمين
