وضيفوا عليه انشين من شعري عند المنبت ولونه بني غامق طبيعي
وحابه اصبغه هاللون
اي صبغه واي درجه استخدم ؟؟
اخاف احط لون يصبغ النص اللي من قبل مصبوغ والانشين اللي طالعين (لون شعري الطبيعي ) مايصبغ أو يصير العكس …قمة راسي لونها افتح من لون الشعر المصبوغ
مع العلم ان كنت صابغه شعري لون بني شوكولاه غامق وعقب شهر استخدمت ماده تزيل الصبغ من الشعر وتخليه يرجع للون الطبيعي الاصلي بس مارجع لونه طبيعي وصار مثل الصوره الاولى يعني شوي محومر لونه وايد حلو بس عاجبني اللي في الصوره الثانيه وابي اصبغه هاللون شلون؟ :whistling:
واعتذر للبنات اللي خذت منهم هالصور من مواضيعهم
والله مادري بالضبط وش اللون اللي تستخدمينه
عشان يطلع مثله بالضبط بس احسه لون شوكولا متوسط
وفيه خصل في الاسفل رماديه..
ان شاء الله الخبيرين يفيدونك اكثر حبيبتي
شكرا اختي على الافاده بس انا شعري غامق شوي ومب حابه فيه درجة البرتقالي اللي فيه ابي اشيله ابيه يصير على اشقر او بيج فاهمه اللي اقصده انا؟
يعني فيه بني متوسط جاي لون ه على برتقالي وهذا االي مااحبه وكلما اصبغ لون يصيردرجته على برتقالي
وفيه بني متوسط الحبو اللي فيه لمعة البيج الغامق
انتظر من الخبيرات المساعده
ســــــــلامــ
استخدمت ابروكسيد العلبة الصغيرة من ويلا وخلطتها مع شوية نساكفية يعني ملعقة كبيرة ممسوحة وملعقتين صبغة الاكل بس لونها اخمر على فراولة تجي بعلبة مثل علبة صفار الزعفران وطلع اللون بني حلوووووووووو
ان شاء الله على السنة الجديدة باصبغ شعري مثلها..
امنيه
كستنائي ذهبي هو لون الصبغه الثانيه =)
و ربي يوفقج
تسلمين عالرد اختي ..بصراحه انا وضعي لاني فغربه صعب شوي اروح الصالون ..خبرج الصالونات رجاليه ونسائيه ومفتوحه ..وحتى لو حصلت غرف خاصه مااحس بالراحه ..فعلشان جذيه ادور شي اقدر اسويه فالبيت..
امنيه
شكلها صبغه عجيييييبه بس انا اخاف اجازف واسويها طلع شعري بني محومر من صبغة الاكل الحمرا اول مره اسمع عنها وانا ماابي اي درجه من الاحمر واو البرتقالي ..وهذي طريقه ثابته ماتطير ولا تضر من صبغ الاكل الاحمر؟؟ اذا زينه بجربها
mS.BanTooTa
بحط فبالي المره الجايه اذا طلعت ادور كستنائي ذهبي ابي اشوف درجته عالقوطي ويسلمووو عالمساعده
black jewel
عيونج الحلوه اختي..انا بعد اشوفه حلو بس مليت من كثر ما أصبغ لو تطلع لمعته او في درجة الاحمر او جاي عالبرتقالي ابي اغيييير شوي
خلوني اشرحلكم تاريخ صبغاتي وشلون وصلت لها اللون !!
قبل خمس ست شهور صبغت هايلايت وكان شعري بني متوسط
وقبل عيد الفطر صبغت عليه لون بني غامق وغمج شعربي سواه قريب الاسود وراح الهايلايت
وقبل اسبوع حصلت في الصيدليه علبة مكتوب عليها
color oops وهذي الماده بدون امونيا وبدون مواد تشقير مثل ماهو مكتوب عالعلبه بس ريحته قووووويه
وهذا يرجع لون الشعر الى اللون الاصلي بس انا يوم حطيته مارجع لون شعري الاصلي صار لونه كأني صابغته صبغه جديده وصار مثل اللي في الصوره وبينوا الهايلايت اللي كنت مسويتهم في من ست شهور ..وكان لونه رهييب بس اللي مخرب عليه اللون البرتقالي او اللمعه البرتقاليه ..انا كنت متوقعه من استخدم هاي بينعدم شعري من ريحته القويه بس ماتصدقون صار شعري انعم من قبل احس ان الصبغات اللي كانت فيه راحت وتعدل شعري
وصار شعري مثل هالصوره
فما حبيت الدرجه البرتقاليه اللي فيه
فقلت اسألكم يمكن اتدلوني على حل
وانا في نفس الوقت دورت ودورت في الصيدليه عن لون يشيل اللون الاورانجي
لقيت من كلارول
وهاذي ماتغير لون الشعر هذي وظيفتها تشيل اللون البرتقالي من الشعر يعني مثل حالتي
مثلا اذا وحده كل ماتصبغ لون اشقر مايطلع لها اشقر مثل اللي عالقوطي هاي فيطلع على برتقالي فبينفعها هاي لانه بيشيل بس اللون البرتقالي
وهو بدون امونيا ومو صبغه دائمه يعني بعد 28 غسله بالشامبو بيطير اللون
وفيه منه حق الشعر البني الفاتح والغامق وفيه حق الشعر الاشقر الفاتح 4 درجات انا حطيت دارك بلوند
وبعدها حطيت من نفس الماركه shine happy
ووظيفته يعطي لمممعه رهيييبه للشعر وبسسس
والنتيجه
درجتين اغمج من اللي في الصوره هذي
وصار شعري وااااااااااااو ويللللمع
والاغراض هذي مو متفره عندنا في البحرين الا جان في صيدليات ثانية غير الي اروحها(صيدلية جعفر برويان)
