حبيت انقللكم صور و خط سير رحلتي حول اوروبـــا الصيف اللي طاف .. و كانت الفتره من 13-8-2007 لين 15-9-2007 .. و رحلتي بديتها من لندن و نهيتها في فرنســـا
و نبدا مع لندن و هذي بعض الصور الملتقطه في الهايد بارك
وهاي يسمونها النافوره اللإيطاليه Italian fountain
اما هالصورتين فعند حديقة الملكه فكتوريا (عند كينسينغتون بالاس) Kensington palace
وهنيه هالسنجاب اللي طلع عيوني لين ماصورته ههههههه
وهنيه صوب ثاني من الحديقه
وهاي صوره لجسر لندن الشهير London bridge
وهاي صوره لمسرح في Covent garden و حضرت فيه عرض للمسرحيه الشهيره Grease و كاااااانت رووووووووووووعه .. و مسرحيه ثانيه حضرتها بس ماصورت المسرح لأني نسيت كيمرتي ههه و هي Lord of the ring و كانت بعد خياليه و تجنن
نكتفي بهلصور ماريد اطول لأنه الصور وااااااايده ……
بعد ماخلصنا من لندن طلعنا بالباص لين المينا عشان نطلع بيخت كبير يتكون من 8 طوابق فيه المولات و المطاعم و رووووعه و سرنا صوب فرنسا بس عشان ننتقل بالباص من فرنسا لبلجيكا
وهنيه المينا اللي طلعنا منه Dover
وهنيه و نحن في الباص و نوقفه في السفينه عشان كل سفرتنا كانت في هالباص العزيز هههههه
وهذي هي السفينه
وهنيه فوق السفينه نودع بريطانيا هههههه
وهنيه تصوير لمنطقه مرينا عليها و نحن طالعين
و هنيه صور لأول مدينه وصلناها في بلجيكا اسمها brugge
وها الفندق اللي سكناه هناك
وعقب سرنا عاصمة بلجيكا بروكسل Brussels is the capital of Belgium …
و بلجيكا مشهوره بالدنتيل الراقي و من احسن خامات الدنتيل الي يتسوى باليد ووايد محلات تبيعه
وها الفندق اللي في بروكسل
و عقبه سرنا هولندا و اول شي سرنا عاصمتها أمستردام
و ركبنا الباص النهري عسب انشوف المدينه عدل و يقولون امستردام عسب الواحد يشوفها عدل لابد يشوفها من هالباص و يدور فيها لأنها مبنايه على بحر
وسرنا مصنع الألماس المشهور GASAN DIAMOND رووعه من انقى الألماس و اجوده و رونا انواع الألماس و كيف نعرف الزين منه و مميزات الألماس النقي و طريقة فحصه و صغله .. وكان شرح مفيييييييييد
وهنيه غرفة الفندق في امستردام
بعد ماخلصنا من هولندا سرنا المانيا و سرنا كذا منطقه فيها مثل مانهن _هيدلبرغ_كولن و كذا منطقه مرينا عليهن
وهنيه كنيسه كولن الشهيره اكبر ثالث كنيسه في العالم
و عقب ركبنا العباره و مشينا في نهر الدوده الشريطيه لأنه متعرج وايد Cruising the Rhine River in Germany
وهنيه اخر منطقه نزلتنا فيها العباره
و سرنا هنيه لقلعة هيدلبرغ المشهوره
وهنيه منظر للمدينه من فوق القلعه
وهاي منطقه في ألمانيا و اقرب منطقه لسويسرا اسمها Black Forest الغابة السوداء مثل اسم الكيكه المشهورة هههه وفيها Clock House اشهر ساعه في المانيه
و سرنا سويسرا … و بالتحديد لــــــــــــوزان و ياعيني على لوزان وعلى فكره لوزان مدينة بابا زايد الله يرحمه المفضــــلة
وها الشلال
ومقتطفات
ها الأسد قصته قصه ههههه و هو رمز لمدينه لوزان ..منحوت في الجبل ..
وهنيه المحلات
وعقب سرنا احلا المناطق Engelbirg رووووعه بمعنى الكلمه وهي عاليبل و سكنا هناك
وهالمنظر من غرفتي واااااااااااااااااو صدق راحه
وعقب ركبنا قطار لين نص الجبل و عقب ركبنا التليفريك و رحنا اعلى قمه
و عقب سرنا عاصمتها فينـــــــا
وهالفيو من دريشة الغرفه و هي مطله على نهر الدوفــــــر
و هنيه سيلزبرغ
وبعده سرنا أيطاليا و سرنا مناطق واااايده فيها … و اول المناطق سرنا…سيده على مدينة العشاق فينيســــا … رووووعه و قمة الرومانسيه
وبعد هالمنطقه الحلوه سرت منطقه أثريه اسمها بامبيه وهي المدينه اللي ثار فيها البركان عام 75 قبل الميلاد و حول كل سكانها إلى رمــــــــــــــــــاد في اقل من ثواني (سبحان الله ) و حافضوا عليهم و صاروا آيه و عبره
عقب سرنا روما … العاصمه و ياعيني عالإيطالييييييييين ههههه
وهنيه اول ماوصلنا سرنا ساحه المطاعم و المحلات …وهناك شفنا موقف الله لايرويكم …. قصف و ضرب من قبل التحريات على اليباعين اللي يبيعون شنط تقليد و نظارات ههههه والله كسروا خاطري هههه
وهنيه الشحات واقف ولا همه و محوطينه البياعين و يبون ينخشون عن الشرطه و استوا امسك ماتمسك ههه و سيارت الشرطه دوووس وراهم حتى الرصيف ركبووووه هههههه اسميني مت من الضحك
شرطي إيطالي
عقب سرنا المتحف الكثيديرالي و شفنا سقف الكنيسه اللي رسمه مايكل انجلوا كان ممنوع التصوير بس سرقت كم صوره و اسمحولي على جودتها لأنها مال زيقه ههههههه
وهذا قبر مايكل انجلو بس صورته فى فلورنس
وهنيه الحرس السويسري عند بوابة المتحف صوب الكنيسه اللي تعتبر اكبر ثانـــي كنيسه في العالم
عقب سرنا لعجائب الدنيا الجديده ( المدرج اليوناني) الكالسيوم و كان وااااايد عرايس يتصورن هناك يمكن في ساعتين فوق العشر هههههههه
و سرنا فلورنس بعد ووااااااااايد حلوه و انا هناك انشغلت بالشوبنغ لأنه صح الصح هههه و ماصورت
و عقب سرنا ثاني عجائب الدنيا و هو برج بيزا المائل
وهذا كازينو مونت كارلو Mont Carlo
و من عقبه سرنا لنيــــــــــس و روووووعه نيــــس تخبل
وهنيه الريفيــــــــرا …..
وسرنا كان بس بسرعه و حطيت كيمرتي في الباص ههههههههه
وهنيه منطقه اسمها Avigon وعليها سور كبير أثري من جميع الجهات مشهوره بورد اللافندلر وهي قبل leon
خلالالالالالالاص آخر محطاتنا ………باريـــــــــــــــــــــــــــــس
ههههههه طبعا روووعه …. و اول محطه فيها برج ايفل
وهنيه من فوق البرج …طبعا احسن View يكون في الطابق الثاني ……
وعقب سرنا حديقه سار عن بالي اسمها
وهذا كان بيت جاك شيراك الحين بيت COCO CHANEL
هنيه في متحف اللوفر
وهنيه صورت الموناليزا الشهيره سوري الجوده مب لين هناك لأنه مال بسرعه الناس ضرابه عندها ههههه
وهنيه اول موميــــــــا مكشوف عنهـــــــــــــا بدون درع ذهبي سارقينها من مصر هههههه
وهنيه شارع الشانزليزيه او بأختصار ( الشانز )
واااااااااااااااااااااااااو وهنيه عوقي ههههههه محل لويس فيتو …..مب محلاتنا هههههههه
وهنيه غرفتي في الفندق الراااااااااقي هههههه
و عقب الشوبنغ و المرح ……………….أنتهت الرحله خخخخخخخخخ
و هنيه في المطار قبل ركوب الطائره (مطار شارل ديغول إلى مطار دبـــــــي الدولــــي )
و شكـــــرا على المتابعه و لأي استفسار حاضرين و اتمنى اني امتعتكم و اسمحولي كل هذا حاولت اسويه في يوم خخخخخخ
باي باي على امل لقاء في رحله قريبه
Megastore
وتسلمي حبيبتي عالمتعه[/SIZE]
تسلميلي حبيبتي على الرد و ماقصرتي
و اسعدني ان الصور نالوا استحساااااااااانج
على ما اهديتي اعيننا من مناظر ما خلق الرحمـن
تستحقيـن التميز من أنسانه متميزه
الله يوفقك ولا تحرمينا من رحلاتك المبدعه
في حفظ الرحمن
