شعر ولدي<<< عطوني حل 2024.

يا بنات عندي ولد عمره سنه و3 شهور كل مااوديه الحلاق يصرخ ويصيح ومايخليهم يحلقون شعره ونرد البيت مثل ما رحنا والله يابنات شعره مب حلو ويبيله ترتيب شوي و اتمنى انكم تساعدوني ارجوكم ردوا علي:sad:

مرحباااا
خذيله لعبه يلعبها يلتهيبه لين مايخلصون حلاقته جربي هالطريقه وانشالله تنفع

تسلمين اختي علي الرد بس حتي الالعاب ماتنفع معاه ولاشي يتم يصرخ وخايف 🙁

أحسن شي وهو نايم مشطي شعرة ثم أمسكي خصاة بين أصبعينك السبابة و الوسطى وبالطول الي تبينة يكون تحت الاصابع و قصي الي فوق حتى تمرين على كل شعرة
ثم حددي الجوانب فوق الاذن و تحت الرقبة و إذا موواثقة وديه لصالون بس وهو نايم و تستخدمي موية عشان ما يصحى

تصدقين انة عمر ابنك مثل عمر ابني ونفس المشكلة بالضبط

تصدقين انة عمر ابنك مثل عمر ابني ونفس المشكلة بالضبط

هلا وغلا اختي عسكريم اسمك لذيذ

بالنسبه لمشكلتك انا اذكر اخوي العنقود كان يسوي لنا فضيحه والله العظيم تخنقني العبره منه
المهم ابوي فديته صار يجيب لنا الحلاق للبيت والحمدلله ماعاد بكى
واذا قدرتي خلي ابوه يروح وياكم ويقعده بحظنه انا شفت عند الحلاق كذا
او ودي حد من سنه حق الحلاق عشان يتشجع
والله يوفق

الله يعين بس خوفتيني ولدي عمره سنه ونصف ونفس المشكله اختي تقول ولدها رابع مره يروح الحلاق خلاص ماعاد صاح وكان عمره سنه وثلاث شهور
ولدي يصيح وابوه يتضايق ويخاف عليه جربت عمامه الصغار راحو معه ونفس الشي رجعوا ماكملوا الحلاقه
وديته انا وكان نايم وعندنا في الاحساء ماتدخل الحرمه هالاماكن بس عدت صاح مومثل كل مره اخف بكثير واخذته فرصه حلقته على الرقم 3:clap:

هلا اختي الغالية,,,

اذا كان يخاف من صوت ماكينه الحلاقة,,,

حاولي في البيت تبين الماكينة وتشغلينها وتحطينها مرة على شعرك ومرة وعلى شعر ابوه,,,

أو مسكي المقص وسوي نفس الطريقة,,,

فبيعرف انه هالشي عادي وا شا الله ما بيخاف,,,

انا جربتها مع ولدي ونجحت,,

بس في طريقة ثانية انه ابوه ياخذه معاه الحلاق كذا مرة لين ما يتعود,,,