بنات شنو الفرق بين البودره المضغوطه وبودرة الاساس المضغوطه والبودره السائبه مادري بعد اذا فيه غيرهم شنو الفرق بينهم ومتى نستخدمهم ؟؟ شنو افضل بودره تناسب البشره الجافه وتغني عن كريم الاساس ماتتكتل وتدوووووم
حبيت ادخل وما ارد
لاني انا استعمل اللي يناسب لون بشرتي
فما تفرق معى مضغوطة او لا
انتظر البقيه
لي رجعة إن شاء الله 
،
وعليكم السلام <<< نست ترد السلام في ردها الأول !!! ،
بالنسبة لأنواع البودرات ،
راح أقولهم لج ، بس لاحظي إن الأنواع تختلف من ماركة لي ماركة ،
يعني ممكن تلاقين كل الأنواع في ماركة وحدة ، وممكن ما تلاقينها بعدة ماركات ،
– الـ compact powder
وهذه البودرة المضغوطة العادية وفيه منها نوعين ، ومو كل الماركات عندهم هالنوعين !! ،
النوع الأول : تتوافر بعدة ألوان على حسب لون بشرتج واللون اللي يناسبج ، وهذا النوع تلاقينه بكل الماركات بس ،
والنوع الثاني : شفاف ،، يعني بدون لون ، ووظيفته تثبيت الأساس وإضفاء مظهر مطفي على الوجه !! ،
وهذا النوع لقيته عند كانيبو وما أدري إذا يتوافر بكل الماركات أو لاااا ،
– الـ loose powder
هذه البودرة السائبة ، وفيه منها عدة أنواع ،
النوع الأول : تكون بودرة سائبة مطفية وبعدة درجات وألوان ممكن تختارين اللون اللي يناسبج ، وهذا تلاقينه بكل الماركات ،
النوع الثاني : تكون بدون لون يعني شفافة وبتلاحظين هالكلمة على العلبة Translucent وهذا النوع تلاقينه في ماركات معينة مو بكل الماركات ،
مهمتها تثبيت الأساس أو ممكن تحطينها تحت العين عند وضع الشادة لإلتقاط المتساقط من الشادوو
أو وضعها في المرحلة الأخيرة من المكياج لإضفاء مظهر مطفي على الوجه ،
النوع الثالث : بودرة سائبة بلمعة ، ويوجد منها نوعين بعد !! ،
النوع الأول : تكون لمعة + لون واللمعة تختلف من ماركة لي ماركة ،
فيه بودرات سائبة بلمعات جليتر قوية واللمعة تكون واضحة جداً ،
وفيه بودرات لمعتهم تكون راقية وبنفس الوقت ما هي قوية ،
والنوع الثاني : لمعة شفافة ، مجرد إضفاء لمعة بدون لون ،،
– compact foundation ،
هذه البودرة عبارة عن أساس + بودرة ، تغطيتها تكون أقوى وأحلى ، وممكن تستخدمينها لوحدها
بدون أساس ، يعني تكتفين بـ المرطب وتحطينها ،
وممكن تحطينها فوق الأساس إذا أردت تغطية قوية ،،
طبعاً أحلى أنواع هالبودرة ، هي بودرتين
ديفينورا الذهبية من جيرلان ،
والـ توتال فنش من كانيبو ،،
وإذا تبين صور للأنواع اللي ذكرتهم فقوليلي حتى أحطهم لج ،،
أتمنى أكون أفدتج ،
(f)
يعطيها العافيه
مجد الله يعطيك الف عااافيه ماقصرتي
