شلونكم بنااات؟؟!..()
قبل جم سنة مريت مستشفى الاحمدي على اساس بسوي رجييم لان انا صغيييرة بالعمر ويومها كنت آآآفة أمشي وأكل ومحد ماسكني…
فجأة قلت STOP ..لازم أغير حياتي كل البنات الي بسني يلبسووون يتزقرتوون ويطلعون وانا ضغااط الشباب مافتكيت منه والسبة سمنتي الي يقولي يالعيووز " كنت البس نظارة "..والتعليقات الي مالها لزمة..وكان ذاك الوقت عمري 13-14 سنة
المهم دشيت عند الدكتووووور وكان طيب وحييلو وحبوووب وكل شوي يقوولي يبا..( )
يعني كلش معاه ما حسيت اني بنحرم من الأكل بس العتب علي ناسية اسمه
المهم يا بنات يت اللحظة الحاسمة وركبت عالميزان ولا انصدددددددم
تخيلوو بنت عمرها 13 – 14 سنة وزنها 78 و طولها 162 ..انا كنت متوقعة اني متينة بس مو لي هالدررجة
وطبعا سويت تحليل دم وطلع فيني نسبة الاملاح زايدة " أحب الملح "
وعطاني نظام وما كان راضي يقولي جم انقص وانا كنت ابي انقص بسرعة بس امي زفتني
لان فقدان الوزن بشكل سريع يؤدي الى زيادة الوزن دبلات وبشكل أسرع..بس الدكتوور الله يعافيه ما قصر حقق من رغبتي شوي وشويات..
و لي الحين صارلي 3 سنين مستمرة برجيمه بس ساعات اخربط وارد اصعد بس برد اسويه مرة ثانية…
وهالرجيم حق الي بعمري أكثر لان احنا اجسمانا تحرق أكثر من اجسام الي فوق الـ 25 سنة
المهم هذا النظام :
الريووق:
1. 2 توست اسمر + جبن قليل الدسم + خضروات " طماط او خيار او زيتون " + حليب خالي او قليل الدسم
2. نصف خبز لبناني " العادي من الجمعية " أسمر مع بيضة مفيوحة او مقلية بقفشة شاي زيت زيتون + حليب خالي او قليل الدسم
3. نصف خبز لبناني الاسمر + 4 ملاعق " فول او حمص او نخي او باجيلا " + حليب خالي او قليل الدسم
الضحى :
شابورة ونص مالت الرجيم + عصير برتقاال
الغدا :
1. 6 ملاعق عيش + نصف كف من " اللحم " او ربع دياي منزوعة الجلد مشوية او مفيوحة او سمجه متوسطه الحجم + كوب لبن خالي او قليل الدسم
2. 3 ملاعق عيش + بطاطة صغيرة مفيوحة او مشوية + 4 قفاش لحم مفروم + سلطة بملعقة بليمون وشوية ملح
3. كوب شوربة عدس + سلطة + بيضتين مفيوحة
المغرب
فاكهة " برتقال + تفاح +جريب فوت + اناناس + كيوي "
العشا :
1. عصير اناناس وكيوي + 2 توست اسمر + جبن قليل الدسم + خضروات " طمام و زيتون وخيار "
2. صحن سلطة كبيــــــــــــــــــر مع ليمون وشوي ملح + عصير برتقال
3. حبتين نقانق مشوية + سلطة + عصير برتقال
ملاحظات :
– كثرو شرب المااااي قبل كل وجبة شربو قلاصين وقبل النوم قلاصين
– اذا يعتو اكلو " أناناس طازج مو معلب أو برتقالة أو خس "
– كثرو الملفوف بالسلطة لان يساعد على عملية حرق الدهون
-الدكتور وصاني بالرياضة بس انا ماني خلق..()..فما كنت اسوي بس الحين قمت العب عالاوربتراك لمدة 20 دقيقة لان مسوية رجيم وابي اوصل الوزن المثالي بالنسبة لي 55 ..بس انصحكم بالرياضة عشان تتفادون الترهل..انا ما صار فيني ترهل قوي لان انا اساسا كنت وايد اروح وايي و عندي مدرسة فشي طبيعي راح اتحرك
-لكم وجبة بالاسبووع مفتوحة تطلبين من بره ولا تسوين بالبيت كيفج بس بالحدود المعقولة " يعني مو تطلبين وجبتين عساس انها وجبة مفتوحة " ولج بعد كاكاو واحد بالاسبوع
فآنا خليت الكاكاو والوجبة بيوم واحد فـ يصير جنه يوم مفتووح
طبعا أول اسبوع بتلاحظين انج وااايد تروحين الحمام .. عادي هاذي السوائل الزايدة قاعدة تنزل..خصوصا لي كثرتي شرب الماااي راح تنزلين بسررررررعة..()..طبعا هالرجيم ناسب جسمي ونقصني بس مادري اذا يناسب جسم غيري وينقصهم ولا لاء
و بث..~
ويااارب ننقص بصحة وعااافية يااارب وكل وحدة يصير جسمها سمبتييكة
(()) .. ~
منقول لعيونكم…
فجعتيني قلت معقوله رهوفه دبه
في الاخير منقول لاتكوني انتي بس يادبه سمينه
وصوله…ههههههههه لاياعمري مو انااااااااا…
انا عندي… كم كيلو زياده بس عن الطبيعي…تقريبا 7 كيلو لو انزلهم واااااااو…..
دعواااتك يارب اخسرهم من غير شر….
هذا الرجيم حلو
