خواتي كثير اللي يسألون عن طريقة صنع الدخون .وانا وحده من اللي طلبت احد يعلمني ومحد عبرني.المهم ما يأست وتميت اسأل واتعلم لين ضبطته وهذي الخلطه بسيطه وهي كانت اول درس اخذه من حرمه اسمها ام مشعل في جمعية النهضه بدبي وهي كانت الاساس.والحين الحمدلله ابيع احسن الانواع
انا منزلتها بمنتدى ثاني بنفس الاسم
خللي قياسج فنجان القهوه
2فنجان سحالة العود (منخوله مرتين )
1فنجان مسك مطحون ناعم
1فنجان سكر مطحون ناعم
3ملاعق طعام دهن ورد مذاب فيه عمبر قطع (خذي علبه دهن ورد من اجمل وحطي فيها قطعة عمبر قد اصبعج الصغيرة وخلليها تذوب فيها لمدة ايام بس لازم ترجينها)
1توله مسك سايل
2توله عطر (مثل عطر ليزا ينفع تستعملينه بروحه لانه قوي مايحتاج تدعمينه بعطر ثاني )
-ماء ورد
الطريقه:اخلطي المواد الجافه مع بعض .رشي خلطة السحال بما ورد رش خفيف بس للترطيب لاتخلينه يعجن .
اسكبي دهن الوردعلى السحال وقلبيه مع بعض بعدين اضيفي عطر ليزا وخلطي واخر شي ضيفي المسك السايل واخلطي لو شفتي الخلطه سايله اضيفي شوية سحال .قرصيه وصفيه في صينيه وخليه لمدة ثلاث ساعات وبعدين عبيه في الغرش .
طلبي تقولون امين
يارب ادم علينا الصحه والعافيه واسترنا في الدنيا والاخره وادم علينا الامن والامان يارب العالمين
اما بخصوص السكر فيعمل على ربط المواد مع بعض .وبعض الحريم اللي يصنعون الدخون يستخدمون التمر بديل عنه
بس اريد اعرف صح الدخون يعني البخور
لأن ممتأكدة
يارب ادم علينا الصحه والعافيه واسترنا في الدنيا والاخره وادم علينا الامن والامان يارب العالمين
اللـهـــم آآآمـــين
يعطيك العــــافيــــه ع الموضوع
تحياتي و تقديري
اختي الدخون هو البخور المعمول المكور
