وكل عام وانتوا بألف خير وصحه وسلامه يارب…:15: وان شاء الله تكون سنه خير وسعاده عليكم يارب
طبعاً احب كل مره انزل لكم شي جديد سمعتوا عنه او ماسمعتوا من تجاربي الشخصيه…(y)
وعطر اليوم اهووو عطر عجيب وفضيع جدا مع الدخووون وريحته خباااااااااااال وماتروووح لمده 4 ايام …:wink:
الا وهو عطر عجبه من الشايع للعطور بالكويت ..:15:
وسعره بس بس بس
7 دنانير لاكنه جداً فضيع زوجي ربي يحفظه يحبه فيني حيل وليمن اتبخر واتعطر منه دووووم يمدح في ريحتي وانا منه حبيته :15: ومن بعدها شفت الناس ليمن تشم ريحتي تسألني عنه …
وهم عطر قطره احبه وعلى طووول بالشنطه حقتي بس عجبه غير غير
هذا مخلط السيف هم ماستغنى عنه والخلطه الفضيه امي تحبه وحببتني اكثر فيه ..
دلمون هم كانت كثير حلوووة بس للاسف حاليا مافي منها قطوعها
دانتيل حق السرير والغرفه وثوب الصلاة شي مو طبيعي
جربووووهم حبيباتي وانا مابي لكم الا كل خير وعطوني رايكم انتظركم واهي شي الي اهي ساس الموضوع عطر عجبه…
جزاك الله خير
بس المشكلة انا ما أتحمل العطور القوية لأن عندي حساسية بالجيوب الأنفية
فقط أستخدم العطور الفرنسية الخفييييفة
عطورك أحس انهم روعة بتعالج وبجرب
بس موجود بالسعوديه؟؟
بس موجود بالسعوديه؟؟
وانشاء الله بيربهن
كل عام وانتوا بألف خير
انشاء الله تكون
سنة 2024
سنة خير عليكم يارب
اما بالنسبة للعطور جزاك الله ألف خير حبيبتى عشوقة على النصيحة ومشكورة ، وانا عن نفسى اؤيد أمج برأيها فى الخلطة الفضية بصراحة عجييييييييبة مو طبيعية مجربتها تينن وايد حلوة والله ان اذا حطيتيها ماتروح من الملابس نوع عطرها عطر الحريم الكبار يعنى فيها عبق الماضى:wink: ( حلوة كلمة عبق الماضى كثرى منها لووووووول) انشاء الله حبيبتى راح أجرب عجبة وباجى الخلطات وأرد عليج
الله يرزقك ويحقق لك كل أمانيك يا لغلاااااااا
