عيوني كبيرة و طويلة .. عندما أحاول أن أضع أي ظلال للعيون تظهر أكبر وأخوف ..!!!!
لاأعلم ماذا أفعل كي يظهر الظلال رائع وتظهر عيوني صغيرة …..
رجاءءءءءءءءء ساعدوني ..
انا اعرف ان اللي يبون يصغرون عيونهم يحطون ظلال غامقه خصوصاً
اللون الأسود وفعلا تجي عيونهم حلوة 
بس حطيه بطريقه صح عشان يظبط معاك اوكي؟
انشاء الله تكون النتيجه مناسبه لك
اذا كانت عيونج من النوع الواسع فانا انصحج انج ما تحطين الالوان الغامقة واااايد مثل الاسود والكحلي لانهم بيخلون عيونج كأنهم طالعين للخارج وبيصيرون مو حلوين..
وانا اقولج هالكلام لان عيوني وساع ..
وياأخت مغرورة ايش هو لون الظلال الا راح يناسب عيوني .. والاانتي بعد تستخدميه …
ومشكورة …
لو كانت عيونك وساع وطالعين لبرى:shy: ….. اتبعي الآتي
1- لا تخطين الآي لينر من بداية العين ولا توصلينه لنهايتها إلا بخط رفيع
يعني اعملي زي التمويه …. بحيث يبدي الخط من ببعد الربع الأول للزاويه الداخليه ولما توصلين إلى الربع الأخير حاولي يكون الخط دقيق لحتى ما يبرز الحجم الكامل
2- لما تحطين كريم الأساس والبودرة خلي محيط العين فاتح كثيير … ( تحكمي هنا بالكونسيلر ) يعني تحت العين والمنطقة اللي بين العين والأنف أما فوق العين فخليه أبيض وهذا بيعطيك ارتخاء بالعين كأنك نعسانه … وهنا بيظهر الجمال لأن عينك من أصلها واسعه
3- المنطقة بين العين والحاجب احرصي إنها تكون كبيره عن طريق رسم الحاجب بدقه ( واحذري النمص ) ووضع البودره اللامعة البيضاء تحته
4- تحت منطقة البورده اللامعة حطي ظل بلون غامق يناسب درجات اللون اللي انت مستخدمته
5- بعد ما تحطين الآي لاينر حاولي تمدينه لكن لا تبتعدين عن الزايه الخارجيه بل كوني بحدودها لحتى ما توسع عينك زياده … ولما تمددينه اخذيه على فوق بحيث يكون تحت اللون الغامق اللي استخدمتيه في رقم 4 …
5- حددي الأنف ولكن ليس بصوره واضحه لأن تحديده بوضوح يعطي العين مزيد من الجحوض
اتمنى عزيزتي إنك تستفيدين من نصايحي وأي استفسار انا حاضره … وآسفه إني ما أقدر احط لك صوره لأني ما أعرف:o
ممكن تعطوني طريقة
ترى محد راضي عن حالة
الحمدلله
عزيزتي … عيونك طويله حلو … بس تحتاجين بعض اللمسات لحتى تبينينها أكبر … واتعي الأتي
1- بدايه … لا تكثرين الكونسيلر تحت العين مباشره … بل اتركي مساحه لحتى تدرجين الظل تحت العين كما هو فوقها
2- المساحة بين العين والأنف خليها بيضا وكذلك تحت الحاجب
3- اتبعي طريقة الظل المدرج … بس لا تزيدين عن لونين غامق ولون افتح منه …. وغطي باللون الغامق منطقة الجفن المتحرك بكاملها من البداية ( الزاويه الداخليه للعين ) وخففيه عند النهايه لحتى ما تطول عينك زياده وتبين اضوق
4- لا تستخدمين الآيلاينر من قوف العين واكتفي بمسكرا ثقيله بس لا تبدينها من جذور الرموش لأن هالطريقه تصغر العين …. غطي بها الأطراف بس
5- من تحت العين ….. ارسمي تحت خط جذور الرموش خط بالكحل الأبيض .. ومن تحته خط بالكحل الأسود وبعدها شويه شدو غامق وآخر شي شدو فاتح …. وهم لا توصلينه إلى الزواية الخارجه … إلا بخط بسييييط لحتى ما يبان الشغل مقطوع …
وجربي عزيزتي …. وإن شاء الله تكونين الأروع
وأي سؤال أنا حاضره
ممكن تستخدمين ثلاثه ألوان لو تبسي تدخلين الأسود ضمن أول الشدو … وعلى فكه بيطلع حلوووووووو بعد
أتمنى أن أستفيد من نصائحك …
وشكرا..
