في موضوع يدور في ذهني واذهان العديد من البنات ومسبب لي ضغط!!
كيف تهيء العروس نفسها في يوم زفافها فكما تعلمون جميعا ان العروس بمجرد ما ان يقترب موعد زفافها وهي تبدأفي العد التنازلي فمهما استعدت من الملابس الى البشره الى كل شي……………..الخ)..
احس انها لازم تكون مرتبكه ما ادري ليش مع العلم انها مجهزه كل شي لذلك كيف نهيء العروس بشكل بحيث انها تبدو طبيعيه في يوم زفافها احلى يوم في العمر؟؟حرام يضيع في خجل وارتباك؟؟بس المشكله اذا العروس خوافه وماعندها ثقه بنفسها صدقوني في بنات كثير كذااااااا:confused:انا عني الله يستر لازم اكبر اي موضوع يعني لو استعد بكل شي احس اني هذاك اليوم باكون مرتبكه جدااا جداا اللي عندها نصائح رجااء تتفضل
الله يكون في العون
زواجي بعد شهر تقريباً
واغراضي جاهزة
لاكن والله خايفة ومتوتره
ودائماً معصبة (u)
ساعدوني شسوي !!!!!!!!
صحيح انه عرسي في اقل عن شهرين.. بس الحمدالله لين الحين تمام.. مب خايفه..
وباذن الله بكون اوكي..
بس انا ادري يوم بدش القاعه بتيني رجفه وبخاف.. لاني في الملجه بغيت اموت.. هههههههه بعيد عنكم يعني..
يله نشوف خبرات المتزوجات.. اذا ممكن
ما أدري شبسوي يوم الزفاف مع إنه قريب الله يعين 😮
انا عرسي عقب اسبوعين وكل شي تمام بس احس اني يوم بدخل القاعه بيغمى عليه من الخووف…
:confused:
ياحليلكم
عاادي خليك عادي
وحطي كذا شيء ببالك
انك مهما تاخرتي الناس الي بالقاعه كلهم جايين علشانك انتي بس فخذي راحتك ولا تخبصين عمرك
ثاني شيء .. اذا فيه شيء ماضبط او نسيتيه وماتذكرتيه الا وقت الزواج ابتسمي وقولي الحمدالله الشيء هذا ماكنت متوقعته وطلع يجنن وهذا خطير والطقاقه صوتها يجنن والاكل طعمه انشالله حلو يعني اذا شيء خرب فيه اشياء كثير بتغطى عليه ولا اني ولا احد من اهلك بيقدر يصلحه باهلحظه فاسترخي واضحكي
بالنسبه لي يوم الشبكه كنت مرره خافيه وارتجف وموقادره امشي خصوصا وقت الزفه .. بس الزواج كنت مره مرتاحه وقبل الزواج باسبوع وانا اقول لامي واهلي اذا فيه شيء طلع مو كويس ولا نسيناه منتبهناله مو مشكله فيه اشياء ثانيه سوينها حلوه وببتغطى عليه ومافي بالدنيا شيء كامل ..
ووقت الزفه طبعا اللمبات مطفيه والاضائه مركزه على فموباين كاني قاعده امشي الحالي وكنت اقر قران والحمدالله كان زواجي مره حلو وانبسطت مره هذاك اليوم لاني كنت مره مرتاحه
وعلشان ارتاح اكثر كلمت صاحباتي يجون بدري جو مره بدري قبل لايجي احد بعد المغرب بشوي .. وبعدين اهلهم جو بالليل
تحياتي
لك روحي
عيوني متنفخة وحولها هالات،خصوصا ان كان عندنا حفلة في البيت البارحة..الحمدلله أموري مخلصة بس غلطتي الكبرى اني سويت حمام مغربي واليوم اللي بعده "تنظيف" واللي بعده تقشير!! طبعا النتيجة تسلخ الجلد في الذراعين، رحمة الله فيه ان الطرحة ممكن تغطي… هذي من الاشياء اللي ممكن وايد تخرب عليج اذا ما رتبتيها صح..طبعا ما قدرت اتحنى مثل ما كنت ابغي وشكل ذراعي :confused:
بحاول اروح القاعة الحين عشان انام ويرتاح وجهي لين الليل..أدعو لي!!
اذا ماقدرتي تنامين خذي حبه منومه ونامي .. بس احسن شيء نامي بالبيت ولا تروحين الا قبل صلاه المغرب واهلك يكونون هناك .. او تروحين العصر اذا عندك شغل بتسوينه
لان الكوافيرات ماراح يبدون فيك قبل الساعه سبع ونص ثمنيه
وخليك طوول اليوم مبتسمه ومرتاحه .. استرخي
وممكن قبل لاتحطين المكياج غسلي وجهك بمويه ورد تنعشك وتشيل شوي من اثار التعب ..
تحياتي
لك روحي
