السلام عليكم
اليوم جايبة لكم طبخة حلوة وخفيفة وسهلة جدا حق الغدا
محموص ربيان يابس
طبعا كلكم تعرفون الربيان اليابس اللي يجي ميبس وهاذي صورته
وطبعا المقادير معروفة
انا سويت لشخصين بس
4 اكواب رز مغسول ومنقوع في الماي
ربع كيس ربيان يابس
بصلتان
2 طماط
ربع فلفل رومي بارد
فلفل حار
بهارات وملح
هذا الربيان بعد ما غسلته ونقعته في الماي
في البداية قطعت البصل وحمصته لين ما صار غامق بهاللون
وتقدريت تخلينه اكثر اذا تبين اللون يصير غامق اكثر
وبعدين حطيت الربيان والطماط والفلفل وخلطتهم مع بعض في القدر
نسيت اصور يوم حطيت الربيان:cool::cool:
بس المهم حطيته
وخلطتهم وحطيت عليهم البهارات والملح
وبعدين حطيت عليهم تقريبا 3 كاسات ماي لين ما صار بهالشكل
وخليته يطبخ تقريبا ربع ساعة
وبعدين حطيت الرز
وخليته يتشرب الماي مثل هالصورة
وهني بعد ما تشرب الماي تقريبا استوى بس نخليه جم دقيقة يتنشف
وهذا وهو مستوي
وهذا غدانا مع السلطة تفضلو
وعوافي على قلوبكم(a)(a)
واي استفسار انا جاهزة:wink:
وتسلم ايديك
ما شاء الله شكله لذيذ…
عليكم بألف عافية (f)
الله يعافيكي اختي ام نجود ويسلمك يا عيوني
مشكورة مشرفتنا الحلوة daisy ash
الله يسلمك ويعافيكي
تسلم هالايادي وعليكم بالف عافية
الله يسلمج ام صادق ويعافيش ياااا رب
تسلم ايدش على المحموص الحلو ….
تسلم الأيادي
تسلم الايادي
شكله مشهي..
ما يصير البصل مر اذا انحمص بهالسواد؟ كله اخاف يصير مر.. 😮
