حابة اعرف اذا في أحدسافر على كندا أو البرازيل يعطينا معلومات أو صور(p)نستفيد منها
ولكم الشكر سلفا:flower:
بنت خالتي راحت كندا تقول دولة تجنن وسياحية جدا وشعبها مريح
انا مغتربه في كندا
و تجننننننننن
و بالمختصر اهم الاشياء الي لازم تزورينها
اولا : شلالات نياجارا ((اكبر شلالات العالم )) …مكان في قمته الروعه لاااااااااااااااااااايوصف..و بنفس المكان فيه مرينالاد (حديقه الحياه البحريه)) يعني تشوفين حيتان و عروض الدلافين ..و في حديقه الفراشات ..حديقه الطيور ..تحتاجين تقريبا من يومين الي 3 ايام فيها علشان تقدرين تغطين على الفعاليات الي فيها
تورنتو : مدينه حديثه اهم شي فيها برج CN اطول برج في العالم سابقا ((احم احم برج دبي حطم رقمه القياسي )). حلو المنظر من القمه .تشوفين فيها تونتو كلها ..
.و في حديقه ملاهي و حديقه حيوانات ((سفاري )) لكني لين الحين ما زرتها للاسف..و تورنتو ما تحتاجين غير ليومين فيها
اوتاوا: العاصمه مدينه هااااااااااااادئه جدا اهم شي فيها البرلمان تاخذين فيه جوله ..و في متحف التاريخ الكندي حلو تشوفين اشياء تخص الاسكيمو و الهنود الحمر و غيره …و في متحف الطبيعه عن الديناصورات و الماموث و حيوانات العصر الجليدي روووعه للاطفال و للكبار الي يحبون هذي الاشياء ..يوم واحد اتوقع يكفيها
مونتريال : مدينه بطابع اوروبي قديم جمييييييله ..اهم شي فيها الميناء القديم و المونتريال القديمه ..و حديقه الزهور حلوه و في منتجع قريب حلو بكل فصول السنه مونتريال نفس الشي يومين يكفيها ..
مدينه كيبيك: ما زرتها للاسف لكنها شبيه بمنتريال هذا الي سمعت عنه و بالاضافه الي رحله للبحر تشوفين الحيتان في موطنها الطبيعي..ما زرتها ما اعرف كم يوم يكفيها علشان تشوفين معالمها
اوتاوا تبعد عن مونتريال ساعه و نص بالسياره …يعني ممكن تسكنين في مونتريال و تروحين لوتاوا و ترجعين ..بدل ما تاخذين فندق في مكانين ..و المنتجع بيعد عن مونتريال ساعه نقريبا بعد تروحين و ترجعين احسن لج
و نياجرا و تورنتو نفس الشي …بس اتوقع تسكنين في نياجرا اروع من انج تسكنين في تورنتو ..و ممكن تروحين لتورنتو و ترجعين بالسياره و خاصه ان مافيها وايد فعاليات
هذا بالمختصر …وللتفاصيل راجعي ردودي بالرابط التالي …تعبت من كثر ما اعيد بالكلام عن كندا
http://www.3roos.com/forums/226/t259708.html
الصور بيب لج دقايق بس
و هذا صورهCN
و هذا صوره مونتريال القديمه
و هذي صوره كنيسه في اولد مونتريال …نسخه من كنيسه نوتردام في باريس ((على فكره مونتريال اصلا كانت تابعه للفرنسين علشان جذي حلوه لان فيها نمط اوربي قديم ))..و من داخل حلوووه بعد
و هذا الملعب الاولنبي …فيه مثل حديقه مغطاه صغيره عباره عن اربع مناطق استوائيه و قطبيه و غابات مطيره و مائيه ..بالاضافه الي العربه الي توديج لاعلى البرج الي بالصوره
و هذي صوره البرلمان في اوتاوا …
هذي بعض الاشياء الي ممكن تشوفيها اذا زرتي كندا
و ان شاء الله اذا زرتيها تعجبك
