نصائح ذهبيه في طريق تفتيح المناطق الحساسه مع بنت الغالي 2024.

بادخل في الموضوع على طول …………..

اغلب البنات هنا يعانون من الاسمرار في المنطقه الحساسه والفخوذ …….. انا كنت وحده منكم ولازلــــــــــت ……… كنت اظن تفتيح المنطقــــــه مستحيــــــل……… واعترف ان هالمنتدى الغالي فتح عيني على اشياء كثيره وأهمها …..

الاهتمام بالمنطقه الحساسه ,, يعني قبل ماكانت عندي أدنى فكره عن الغسول الخاص للمنطقه أو طريقة الحف وضرورة الترطيب …….. نصايح بسيطه نفذتها ولاحظت الفرق طبعا الي تبي توصل للتفتيح الكامل لازم تصبر وتستمر ……. يعني مب تهتمون يوم ويومين وتروحون تدورون طريقه ثانيه ……….. انا بالنسبه لي بديتها مع البتادين لاحظت تغير بسيط بس رجع لي الاسمرار يوم تركته والسبب اني ماستمريت ……… بعدها اتبعت الاتي وهي اشيا بسيطه نقدر نتبعها في حياتنا اليوميه يعني لاكريمات ولا مبيضات ولاكورتزون نخاف منه ……….اتمنى من البنات الي ماتزوجوا خصوصا ينتبهون لهالشي عشان مايتعبون في المستقبل …….

انا بقولكم الخطوات الي اتبعتها ولاااااااااحظت في شهر الفرق ………
1- لبس الشورت القطن الطويل والاستغناء عن الي مايغطي الفخوذ لان الاحتكاك من اهم مسببات الاسمرار …لاتقولون ماتعودنا انا كنت مثلكم ومن تعودت احس بنظافه وحتى يساعد في شد الجسم

2- ترطيب المنطقه باستمرار ………بالنسبه لي كل ليله احط كريم جليسوليد الاحمر نعووومه خيال + تفتيح مع الاستمرار كنت استخدم الكريم الي بعلبه مدوره للمنطقه الحساسه واللوشن (لأنه أخف واسهل للتوزيع) للفخوذ والمنطقه المحيطه
وهذي صورة الكريم واللوشن

الكريم للمنطقه الحساسه

لوشن الجسم

3- تقشير المنطقه اسبوعيا بالطريقه المعروفه وهي :
زيت زيتون وسكر ( لتجديد الخلايا )

4- استخدام غسول خاص للمنطقه مع كل استحمام … انا استخدم كيرفري

5- ممكن اذا كنتي مسافره تحمين نفسج خصوصا عند دخول دورات المياه في الفنادق أو المجمعات لان الامراض والالتهابات ممكن تنتشر لهالمنطقه باااسهل طريقه انا دوم اخذ معاي هذا المطهر وانظف قبل لاستخدم أي شي وهو على شكل اوراق كلينكس خاصه للتطهير وممكن مسح المنطقه الحساسه فيه كبديل للغسول ان لم يوجد

6- التنشــــــــــــــــــيـــــــــــــــــــف … قبل كم يوم قريت تساؤل في احد المواقع عن اسباب عدم شكوى الاوربيات من الاسمرار في هالمنطقه …….والجواب بسيط : (( انهم مايعترفون بالماء في النظافه وبس يكتفون بالتنشيف يعني بياض عالفاضي بدون نظافه!! )) لهالسبب شكواهم بسيطه من هالشي …… لكن ديننا حثنا عالطهاره وضرورة الاغتسال وانا انبهكم مثل مانبهوكم بنات كثار ان التنشيييييييييييف مهم جدا يعني لاتخلين ولانقطة ماي في هالمنطقه قبل لاتلبسين الشورت …

7- الاستــــــــــــــــــــــــــمرار : يعني مب تهتمون اسبوع وتقولون لين الحين اسمرار !! لا حبيباتي استمروا واستمروا واستمروا وبتشوفون الفرق

هذي كانت بعض النصايح الي حبيت انقلها لكم من واقع تجربتي الي انا ناويه باذن الله استمر عليها لان النتيجه عجبتني واااااااااايد ومتاكده لواستمريت بوصل للمطلوب …….صدقوني اهم شي الاستمرار ……. والي عندها تعليق أوتجربه أو نقد بكون ممتنه …….