هاى السلام عليكم انا محتاجه مساعدتكم انا بشرتى كانت ناعمه زى الاطفال خصوصا وجهى و بعدين رحت الكوافير
علشان اعمل وشى بالفتله فجأة وجهى كله اتملىء بالحبوب الصغيرة
و انا كتب كتابى يوم 5 سبتمبر الشهر القادم
و مش عارفه اعمل ايه فيه
و ياريت حد يقولى اى وصفات او ماسكات اعملها بس ياريت
احيانا بيكون فى الوصفات اللى انتوا بتقولوها كلام مش فاهماه بالمصرى
ياريت توضحوا معانى المكونات فى الوصفات او الكريمات باللهجة المصرية
و اللى يقدر يساعدنى بشىء اكيد ان شاء الله يبقى جزاه الله كل خير و ميرسى اوى :shy:
السلام عليكم
ممكن تستخدمي للبشره الحساسه لانو باين على بشرتك انها حساسه
النشاء وشويه من ماء الورد على بشرتك كقناع
وكمان البطاطس تنفع للا لتهابات
تعطعيها شرايح وتحطييها على وشك نصف ساعه
وكمان
ممكن تستخدمي المرطبات مثل الزبادي ( الروب)
على البشره كقناع والعسل ايضا مفيد جدا للبشره
واي استفسار انا جاهزه
اختك جود
أنا كمان حصلى نفس الشئ قبل خطوبتى بأسبوع لأتى انا كمان بشرتى حساسة جداااااااااااااااا
المهم قعدت احط فى زبادى وفى ثلج وبرده بيفضل الأثر واضح بس مع الميكب بيختفى ومتقلقيش دى فترة وبيروح الأثر نهائيا ومش بيطول عن أسبوع أو بالكتير عشر أيام وزواج مبارك ان شاء الل[/frame]
اولا الف الف مبروك وربنا يتمملك على خير … بس انا مش هقولك الواصفة غير لماتعزميني الاول
ههههههههههههههههههه
بهزر طبعا
بصي ياسيتي
اولا انتي كدة تقريبا دي اول مرة تعملي وشك ؟؟؟ صح ؟؟
دة غلط لازم نجرب الاول اي حاجة جديدة بنعملها لاول مرة ونشوف نتايجها ايه ونعالج العيوب ونصحح مواطن الضعف لتجنب المفاجات اللى بتحصل في وقت مش مناسب خالص
يعني تتعلمي من الموضوع دة بعد كدة ان شاء الله
طبعا في خلطات كتير كانت المفروض تتعمل في نفس الوقت بعد نزع الشعر مباشرة
لكن طبعا خلاص فات الاوان
دلوقت احنا محتاجين حاجة تنشف الحبوب دي وتشيلها وتخفيها وحاجة تزيل اثارها
والحمد لله الوقت اللى قدمنا كافي
بصي انا عن نفسي واللى انا بعمله في الموقف دة كالتالي
كل يوم من دلوقت تجيبي نص ليمونه تدهني بيها الحبوب دي براحة خالص
او ممكن مرتين في اليوم الصبح وبليل ، وكمان ممكن طمي مغربي مع ميه ورد وليمون وتحطيها بتجفف الحبوب وبتنضف البشرة في نفس الوقت.
ولما تلاقي الحبوب نشفت تمام تجيبي ترمس مطحون وزبادي وعصير ليمون وتحطيهم على وشك لحد مايجف وبعدين تفركي
دة بيشيل الجلد الميت ويعمل تقشير وبالتالي يروح اثار الحبوب
وان شاء الله النتايج تكون كويسة وتكوني احلى عروسه
هههههههههههههههه
تنورينى يا قمر و ميرسى كتير و انا حجرب ده و على الله التوفيق يا قمر
و ميرسى مرة تانيه
هههههههههههههههه
تنورينى يا قمر و ميرسى كتير و انا حجرب ده و على الله التوفيق يا قمر
و ميرسى مرة تانيه
والف مبروك إن شاء الله……..
