كيف حالكم؟وش أخباركم؟إن شاء الله بخير؟
هذي أول مشاركة لي بهذا القسم
إن شاء الله فاتحة خير..
المهم:سويت قبل كم يوم هدية وحبيت أوريكم عملي البسيط
وأعتذر عن عدم وضوح الصور؛لأن ما عندي كاميرا,أصور بالجوال,وزاد من عدم وضوحها هداوة الألوان..
نوع الهدية:هدية لصديقتي بمناسبة زواجها.
ثيم الهدية:وردي وفضيأو رمادي.
نبدأ على بركة الله:
أول شي اشتريت بوكس لونه أحمر مقاسه متوسط وبخيته بالبخاخ الفضي,وهذي الصورة:
بعدين أخذت غلاف رمادي وغلفت البوكس وغطاه,وهذي صورة البوكس:
وهذي صورة غطاه:
هذي صورة الأدوات المستخدمة للزينة:
بعد التغليف مسكت جانب من جوانب البوكس وزينته زينة بسيطة (وردة فضية وتحتها شريطة وردية),وهذي الصورة:
أما الغطى حطيت عليه شريطة عريضة لونها فضي على شكل+ ولفيت عليها شريطة رفيعة لونها وردي على شكل778 يعني من الأمام والخلف,بعدها حطيت شريطة عريضة شوي على الشريطة الفضية لونها وردي.
بعدين لصقت فراشة بالوسط,وحطيت ورود على الجوانب,وآسفة جداً لأني ما صورت الخطوات؛لأن كنت أصور بالجوال,وكنت مستعجلة كان عندي اختبار..
هذي الصورة:
الحين نجي لترتيب الهدية:
الطبقة الأولى حطيت شوي من الأوراق المقصقةلونها وردي اللي تستخدم في الهدايا,أكيد عرفتوهاوحطيت عليها الطبقة الأولى اللي هي عبارة عن كتب,وهذي الصورة:
وبعدين غطيتها بقطعة من الغلاف الرمادي,وحطيت فوقها الطبقة الثانية اللي هي:
فستان قصير لونه بني+أشرطة,وهذي الصورة:
وهذ صورة أقرب للأشرطة للدكتور:جاسم المطوع,أنصحكم بسماع أشرطته مفيدة ورائعة.
وغطيتهم بعد بنفس الغلاف,وحطيت الطبقة الثالثة اللي هي عبارة عن:
طقم (لوشن+شاور جل+عطر)من لا نكوم,وهذي صورته:
بعدين أخذت علبة طقم وطلعت اللي ينحط فيه الطقم وبخيته بالفضي,وزينته بالترتر الوردي والفضي وهذي صورته:
وهنا صوته بعد ما علقت الطقم عليه:
وهذي صورة الرسالة اللي كتبتها لصديقتي:
وهنا صورة للطبقة 3 والأخيرة:
وآخر شي:
طبعت ورقة صغيرة وكتبت عليها :
إلى الغالية:………..
(بارك الله لكما وبارك عليكما وجمع بينكما في خير)
أختك:……اسمي……….
وخرمتها وربطتها بشريطة رفيعة لونها أبيض وثبتها ع الغطى تحت الفراشة وصارت نازلة من الغطى,وهذي صورتها وفيها الأسهم للتوضيح:
وبكذا أكون انتهيت وإن شاء الله يكون عجبكم..
وأسمح بالنقل سواء بذكر المصدر أو بدون محللة الجميع.
والسلام عليكم..
وبالبركه حبووبه
والله يخليكم لبعض
عجبتني حركة الكتب مميزة
مشكورة
كل الشكر والتقدير لكم..
تسلم الايادي وربي يعطيكي الف عافية وتم التقييم
ماشاء الله رووووعه الهديه تتهنى فيها
