السلام عليكم حبيبااتي الرشيقات ههه ..
اليوم افتتح قروبنا من جديد للسنه الجديده ..
قروب خلونا نخفف للبحـــارنه 
..!
وطبعا بعد ما اجتمع قروبنا ..
ع انو لازمنا تخفيف بشكل جماعي ..
فأقلنا خلونا نتشجع ونزل لنا موضوع ..
نخفف من خلاله ونشجع بعض ..!
والفكره قديمه وكانت تراود الكل واخيرا تحققت ..
وطبعاا ..
اعضاء لقروب هم ..!
أم الجسمي .. عبير البنفسج ..
دموع الحياة .. أم علاوووي .. همسات ..
عس عس .. وردة مستحيه .. AL-7alema ..
أم الحلو .. اسيرة زمانهاا .. عنوني ..
وردة امل .. دارين .. نور الورد ..
يارا المحتاره .. كلي احسااس .. ايسمار ..
أم حسون ..
ان شاء الله ما طاح اسم سهووا ..
..
وطبعا هدفنا من هذا لقروب ..
نخفف وننزل من وزناا طشونه خخ ..
مو عن طريق رجيم صارم وتعذيب للنفس .. لالا..
عن طريق التخفيف فقط !
/
وراح يكون لرجيمنا قائمة ممنوعاات ..
وهي كألتالي ..!
-الكاكوات بانواعها والحلوويات حتى العلكه ..
-البيبسي .. الاجباس .. ونقلل كثير من المقليات ..
والابتعاد عن الوجبات السريعه والفاست فود !
-والتخفيف من النشويات ..
من رز ومعكرونا وناكلها بمقدار صغنن لا يجاوز 10 ملاعق أكل ..
ويفضل الابتعاد عنها بعد ..!
-وحتى الخبز لو نبتعد عنه ولو ما يصير ..
يفضل الخبز الاسمر واحد بس ولا نكثر ..!
/
وطبعا المسموحات كثيرر :-#
ممكن تاكلون كل شي بس مع التخفييف اكيد ..
بدال 2 يصير 1 ..
ونحاول نتجنب كل شي ممنوع ..!
# في البداايه اتمنى نتجنب الرز + المعكرونه ولو ما صار وهو كان الموجود بس!
يكون الاكل من هاي الاصناف ما يتجاوز 10 ملاعق فقط ..
# شرب الماااي وبكمييات كبيره خلال اليوم يعني ..
8 اكواب في اليوم ..
وتكون قبل كل وجبه ..
اول اسبوع كوب وبعدين كوبين !
لين نوصل 3 اكواب قبل كل وجبه ..!!!
راح تكون مثل السحر للتخفيف :thumbs_up:
# كل يوم راح احط لنا تمرين بالصور ..
وكلنا علينه تطبيقه ..!
وراح تكون التمارين كل يومين لمنطقه معيينه علشان ..
نركز ع كل جسمناا ونحركه ونحرق سعراات ..
ونحاول بالرياضه ننزل كم شحمتين ..!
وع الكل الالتزااام بتمرين باليوم وعدده و تطبيقه ..
# وقت الاحسااس بالجوع باي وقت..
لازم ناكل فاكهه بس ..
اي نوع ونبتعد عن المانجو + العنب + الموز ..!
لانها غنيه بالسكرياات ..
ولو كانت موجوده بس حبه وحده باليوم بس ..
بس باقي الانواع كلهاا عادددي ..!
# وممكن ندخل لنا بعض الاشياء الا تساعد ..
ع تنزل الوزن من شاي اخضر وكوفيات الرجيم الانانااس ..
وكلها بتساهم للوصل لهدفنا :thumbs_up:
# الابتعاد عن شرب العصيرات اثناء الاكل ..
والابتعاد عن شرب العصيرات في هذي الفتره ..
واستبدالهم بالمااء قبل الوجبات ..!
# وجبة العشااء لازم تكون من وقت ..
يعني الساعه 6 او 7 او 8 بالكثير !
ويفضل تكون وقبل النوم اقل شي
بــ 3 ساعات ع الاقل ..!
ويفضل تكون خفيفه او شي مشوي ..
# راح يكون في يوم بريك ..
لكل عضوه تختار اليوم الا يناسبهاا !
وبلاش خرابيط واجد 
# وما ننسى فيساتنا ..
راح يتخلل تجمعنا الاهتمام في البشره ..!
والمنتجات الا نستخدمها :adore: ..
وهذي الاشياء الا يفضل تكون ونلتزم فيهاا ..
لانها راح تساعدنا ننزل بسرعه وبصحه يارب ..
/
والحين عباره عن نصائح ..
قرائتها وحبيت انقلها لكم ..!
– السمك بأنواعه طازج أو مثلج "يطهى بدون زيت"
يسلق أو يشوى.
– الدجاج يزال عنها الجلد. تسلق أو تشوى،
أى تطهى بدون أى نوع من الزيت "الزيت أو السمن أو الزبد"،
يمكن إضافة الخل أو الحامض إليها.
– الجبن والألبان القليلة الدسم ويفضل أن تكون خالية
الدسم أثناء الريجيم.
– الخضراوات بأنواعها على شكل سلطة ومسلوقة قليلاً.
أو مطهوة على البخار أو فى الميكروويف.
والماء الذى يسلق به الجزر يستعمل للشرب.
– الفاكهة بأنواعها مسموحة شرط عدم إضافة السكر إليها.
– عصير الفاكهة وعصير الخضار ..
شرط عدم إضافة السكر أو أى مادة للتحلية.
– الجوز: مسموح به لكن باعتدال ويمنع عن تناوله فى المساء.
– الخبز: يستعمل الخبز الأسمر "الكامل بنخالته" أو خبز البروتين.
قطعة واحدة او قطعتين فى اليوم.
– السلطات ذات الأوراق الخضراء بأنواعها.
– المربات الخاصة بالريجيم والخالية من السكر.
– القهوة أو الشاى بدون سكر.
– التوابل تضاف حسب الرغبة إنما باعتدال.
– الكاتشب والخردل والكبيس والمايونيز يؤخذ ملعقة صغيرة ..
من أحد الأنواع الأربعة وليس كلها..
وتؤكل مع بعض الأطعمة من وقت لآخر ويفضل الاستغنااء عنهاا ..
..
طبعا ع بنات قروبنا القمرات ..
يدخلون يقلون كل وحده حابه تنزل كم كيلو ..!
والوزن مو مهم نعرفه خلوه سيكرت 😎
بث في لقروب 😉
وكل وحده تنزل لنا شنو كان اكلها اليومي ..
وحلو لو كان مدعم بالصور علشان كلنا نتشجع ..
ونشجع بعض ..!
وكل اسبوع لو وزنت تقول كم نقصت ..
وهذا لقروب راح يكون مدته 3 شهور ..
لما نجوف شنو بيصير ..!
وراح نبدااء من بكره السبت
( 1 – 1 – 2024 ) ..
راح ننزل فيه بداية يومياتنا ..!
وياااربي نضعف بصحه وسلامه ..!
وتكون سنة خير وصحه وعافيه ..
يعطيكم العافية ، اني هنيه ارفع معنوياتكم 
واحط لكم صور تغريكم 
مبروك علينا التجمع الجديد
ام علاوووي
الله يعطيش العافيه
وميزانش معاند
هذووون
انشاء الله بعد 3 شهور بزيد وزنش الكيلوات اللي بنخسرها بتجي ليش
مو ترفسينهم شوفي جم كيلو بتزيدين
وميزانش معاند
انشالله في هااشهر ننزل كلنا كيلوين ههههههههه
هلا بنات اخبارررركم ؟؟
اليوم ريوقي كان بخصمه وشاي حليب
غذاي … صحن صغير عيش ويا دجاج مشوي وآلوو وطمط
العصر بشرب شاي …
العشاء … ما بتعشى ان جعت باكل فاكهه.,.. نظامي اني ما اتعشى او اني احاول تخفيفه قد ما اقدر
وردوووونه … يا ألبي انتينه وحشتيني ألف شوالش يالقمر وشحوال الوردة مريوووم ماشاء الله عليها قريب بتكمل سنة 
الله يحفظها ويخليها ..
عبير … شخارش وشخبارر الكتاكيت … وحشتني سواليف التجمع ,,,
سلام عليكم
اخباركم يابنات البحارنة؟؟؟
ومبروك عليكم السنة الجديدة
ان شاءالله تقولون فيها وداعا للسمنة واهلا بالصحة والرشاقة
الله يثبتنا ويصبرنا ع الرجيمات
مبروووك التجمع الجديد وان شاء الله يكون هالشهر كله همه ونشاط وتحمس وننزل بسرعه
امس وزنت ونقصت كيلو ونص بسسسس يالله احسن من ولا شي
مساعه في دبي حاطين اخصائيه تغذيه وكله تتكلم عن الرجيم والرياضه وغيره في معلومه لفتتني وهي
لاتسوون رياضه عقب الساعه 8 لانه في هرمون الاندرالين يفرز من بعد الساعه 8 واذا سوينه رياضه يسبب قلق طووول الليل
في معلومه بعد عن الدهون
لازم ناكل اكلات فيها دهون بس مو بكثره ويفضل الدهون الغير مشبعه
لانه الجسم في تكوينه يحتاج للدهون للهرمونات للعظم وعلى قولتها كلش هوايه هوايه يحتاج للدهون بس طبعا مو بكثره ولا نشطب الدهون من قائمه اكلنه
يوميات الجمعة
الفطور
3 اكواب ماء
الغذاء
5 م رز
2 سمك صافي صغير
سلطة مع ملح وليمون
كيك
شاي بملعقة سكر
شوية نفيش بملعقة شاي زيت مع ملح
اذا طرأ اي تغيير بكتبه
ان شاءالله انام بدون مااكل شي
