السلام عليكم ورحمة الله وبركاته
ازيكو يا بنات(f) كنت عايزة اسألكو عن اماكن سوق الأقمشة وسوق العطارة في اسكندرية
وبرده فين اماكن بتبيع اقمشة سواريه وفرح حلوة وشيك
وجزاكن الله كل خير وبارك فيكن
السلام عليكم ورحمة الله وبركاته
:9_28:
انا من اسكندرية وعايشة فيها من يوم ما اتولدت
عايزة قماش سواريه حلو وبسعر مناسب تروحى الزنقة
سوق الخيط
هناك هتلاقى كمية محلات لا حصر لها
والمنافسة هناك شديدة جدا فى انواع الاقمشة والاسعار
اما بقى عن العطارة
فانتى الافضل انك تروحى مكان نظيف مش عطار اى كلام
اركبى تاكسى وقولى له جناكليس على الترام
وهناك هتلاقى سوبر ماركت فتح الله
اول ما تدخلى من الباب هتلاقى قسم كبير للعطارة
كل بضاعته نضيفة وهتلاقى كل اللى انتى عايزاه
واى خدمة انا تحت امرك
السلام عليكم ورحمة الله وبركاته
تسلمي يا حياة رائعة وجزاك الله كل خير يا قمر
انا فعلا بحس ان العطارة عند فتح الله مميزة وكتيرة ما شاء الله
بس كنت عايزة اسألك بالنسبة للزيوت(زيوت الشعر زي الخروع وجوز الهند والجرجير والحاجات دي) بتبقى كويسة وفريش علشان حمام الزيت,انا محتارة ما بين الزيوت اللي معبئة جاهزة وبين اللي عندهم في قسم العطارة.
بس بالنسبة للتوابل والحاجات دي ما شاء الله عليهم.
معلش سؤال كمان علشان انا مش من اسكندرية,انا عارفة الزنقة,هل هيا نفسها سوق الخيط ولا سوق الخيط ده جنبها ولا ايه؟؟؟
كده كفاية انا متقلة عليكي اوي,معلش استحميليني يا عسل(توقعي مني اسئلة كتير لأن اسكندرية ماشاء الله حلوة)
وبارك الله فيكي وجزاك الله خيرا
السلام عليكم ورحمة الله وبركاته
:shy:
