استغفر الله…الحمدلله …الله واكبر
اليوم يا اخوات حبيت اخد رايكم في موضوع ..وهو عن ظاهرة للاسف منتشرة وبشكل كبير في مجتمعنا ..مع انها ظاهرة سيئة
وهي هروب اهل العريس بعد زيارة اهل العروس ..كثير حريم بيدورو على البيوت عشان يخطبو لي ولدهم ولكن بعد ما يشوفو البنت يطلعو ولا حس ولا خبر
من حقهم انهم يرفضو البنت …لكن على الاقل يعتذرو ..مو معقول هذا جزاء اهل البنت الي فتحولهم بابهم واستقبالهم :mad:…يعني الواحد احسن له يبطل يستقبل الناس
فا مرة سمعت وحدة تقول احسن شي عشان نتخلص من استهتار هولاء الحريم الغير مسؤلات ..ان نرفض جيتهم..يعني الولد هو الي يجي ويشوف البنت ..واذ وافق والبنت وافقت يتعرفو الاهل
انتو ايش رايكم في هذا الكلام …لن يقولو ان نظرة الولد تختلف عن نظرة الام وفي النهاية الولد هو صاحب الموضوع
عطوني رايكم ..ومشكورين
بس ما نقول الا الله يهدي هالحريم اللي يحبون اللقافه !!
بس تكبر بنتي ما بستقبل احد !!!!!!!!!!!
بس تعرفي انا براي انه العروس ما تدخل الا بعد ما تكون امها متاكده من انه الجماعه كويسين
،،،
فما في داعي تدخل العروس كل مره
السلام عليكم
غريبه بصراحه هل الحركه فيها كتير قلت زوق و ادب!! ما عمري سمعت عن ناس تجي بنية الخطبه وبس يطلع مابيعيدو يعطو خبر لاهل البنت!!!
الحمدلله ماعنا هيك شي هون !
بصراحه انا بخطبتي ,, اجه زوجي مع ابوه بس ,لزيارتنا و ابوي ُالله يخليه لنا على طولُ استقبلهم و اجينا كلنا في الصاله مع امي و خواتي المتزوجات و ازواجهم,, و كانت القعده حلوه وجو عائلي و كل يسال العريس و يناقشونه بمواضيع,, مع العلم هذه كانت اول مره يشوفني فيها زوجي ّ
بعد مارحو اتصل زوجي و شكر ابوي ع حسن الضيافه و قاله ان بدو يتكل على الله و يكمل في الخطبه , اذا ابوي ما عنده مانع,, ابوي قاله الله كريم ياولدي نسال عنك و نسال البنت و نردلك خبر,,
و بعد سبوع تقريباا اتصل ابوي في و قاله اهلاا وسهلاا فيكم في اي وقت احنا موافقين!! بعدها بايام اجه مع عائلته و خطبوني رسمي..
ًبس بدعيلك حبيبتي ان الله يرزقك في واحد يخاف الله فيكي و يستاهلك و يسعدك ويهنيكي معو قريبااا يارب ً
هذه الزيارات بتحصل لما يكونو الناس لسه مش متأكدين بس يظل تصرف قليل ذوق:mad:
رايي انه لما يكون في حالة عدم تاكد ممكن يشوفوا البنت في مناسبة عند ناس من المعارف و بكذه ما راح يكونو ملتزمين بشئ و في نفس الوقت ما جرحوا اهل البنت و البنت..
كمان التصرف الغبي هذا يضر سمعة الولد ،، لان لما يجي يخطب رسمي اهل البنت اللي راحوا شافوها و ما خطبوها بيقولو للكل ان هذا كان جاء و خطب بنتهم و اهله جو للبيت!!!
انا كان يصير معي كذه من وحدة جارتنا: كان كل يوم و الثاني تجيب حد من خواتها و تقول اختي جاية تخطب بنتكم لابنها و يروحوا و خلاص..
هي فاكرة انه بتفرحنا بحكاية الزواج و تضل تقول لامي بنتك بتتزوج على ايدي…مع انو كنت بس 20 سنة ،،
الان مع انو متزوجة و الحمدلله مو عن طريقها 
بس لما نتذكر تستهجن تصرفها و للان ما احبها.
مشكورة على الموضوع و تقبلي مروري
وبعدين ولا اتصلت ولا عطت خبر !
بعد فترة تقولي صديقتي لا ما في نصيب عشان انتي قد الولد بالضبط والله شباب هالايام مرة يتشرطوا 8o|
الله يرزقك بالي يستاهلك حبيبتي ويرزقني معاك في القريب العاجل 😮
