هلا
مين جد راحت لتونس
الصراحة امبين عليها روعة و مكاتب السفريات هاذي السنه عاملين باكيج عليها و في التلفزيون يو احط عليها الصراحة مناطقهم حلوة
بس خابين نستفيد اذا حد منكم راح لها او يعرف حد رايح لها من قبل
علشان نستفيد
يعني احسم المناطق
و الفنادق
و الاماكن التاريخية او الاثرية
معاملة الناس
المواصلات
العملة
الاسواق
اختي العزيزة اوبرا انا من تونس ومن اصيلة المهدية وهية بلاد تاريخية و ان اردت ان تاتيالى تونس او بالتحديد الى البلاد التونسية فانت تستطيعين المجيء اليا فسوف اضيفكي عندي و هذا الاميل
basma_1978@yahoo.fr تستطيع ان تكتب لي متى شءتي
مشكورة و ما قصرتي حبيبتي
بس لو تخبريني عن اهم المناطق السياحية و المهرجانات عندكم
انا رحت تونس وطبعاً تسمى تونس الخضر وهي رائعة … وجميلة وصغيره وخاليه من المضايقات وهي تسمى سويسرى العرب في اكثر المجلات السياحيه …
واهم المناطق هي تونس العاصمة وعندك فندق ابونواس ولكن جداً باهض الثمن واصلاً البلد غاليه ليس كالمغرب وتركيا وسوريا او حتى ماليزيا ولكن كاسنغافوره يمكن .. ويوجد في نفس العاصمه حديقة كبيره ورائعة اسمها اذا مانسيت الفناتير وتعد اكبر الحدائق في العالم العربي ..
وايضاً ملاهي دحدح حلوه وكبيره ورائعة وهي اكبر ملاهي في الوطن العربي وهي تابعة لملاهي عطلة بجدة (( المملكة العربيه السعودية )) والارض السعيده بدمشق .. فصاحبها واحد وهو سعودي الجنسية وشريك في ملاهي دحدح والارض السعيده وايضاً تخرجين من الملاهي الى ( شاطي ميامي ) والله فاكره انه كذا لاني مسافره قبل اربع سنين المهم هو يسمى شاطي ميامي او احد المطاعم مسماه شاطي ميامي وعندهم بتزاريا .. (( بيتزا )) رائعة جداً واصلاً هي محلات جنب بعض ومقاهي وهي رائعة جداً
ثم تخرجين من العاصمة الى مدينة الآثار الفينقيه والرومانيه وهي مدينة قرطاج ولاتبعد كثيراً عن تونس يمكن 30 كيلوا تقدرين تروحين لها وترجعين في نفس اليوم لتونس العاصمة …وهي مدينة الآثار ومسرح قرطاج واشياء رائعة وطبعاً تشوفين القصر الرئاسي وماراح توهين فيها تلاقي مرشد على الباب لانها برسوم من غير رسوم الدليل وهو راح يقولك اشياء روعه وتاريخ عظيم تسمعينه من فمه احسن .ز وتعطيه بعض المبلغ ,,,
وعندك المدينه الصغيره الرائعة واسمها (( سيدي بو سعيد )) جميلة وخلابه وهي جبل وتنزلين من هذا الجبل الى البحر وانتِ اسفل انظري خلفكِ الى الجبل مغطى بالخضره الرائعة والنخيل وسبحي الله تعالى …
فقرأت في كتاب انها سميت سيدي بو سعيد لان عابد من الناس زهد من حياة المدينه ((تونس العاصمة )) وطلع الجبل هذا وتعبد فيه وسميت بأسمه فهي رائعة وحتى الجبال هناك يخرج منها الماء وتنظرين اليه …
التنقل بالتكاسي رخيص وطيب فهم محترمين جداً وناس رائعين وحالهم حال نفسهم …
وعندك مرس القنطاوي فهو رائع لكن انا ناسيه وين هو بسوسه والا الحمامات المهم رائع وتشوفين اليخوت والسفن الرهيبه وهناك مطاعم وتاخذ نفس الليخوت الى رحله بحريه ولاتنسين تشرين شاهي اخضر تونسي وطبعاً اكلتهم الرائعة الكسكس فهو اطعم من المغرب وله طريقتهم الخاصه في طبخه لايفوتك انا توحمت عليه وتعبت عشان الاقي تونسي يطبخه لي ,,,,
وعندك مدينة نابل صغيره وتمرين عليها افضل تشوفين الفخار وتشترين منه وهي حلوه وقريبه من سوسه مدري والله يمكن الحمامات لان هذه المدينتين ساحليه والخبط بينهم ..
وطبعاً سوسه تستحق الزياره
والحمامات وسكنت في فندق الهناء بيتش على البحر ورائع واسعارهم ( سوسه والحمامات ارخص من تونس العاصمه )) ..
القيروان يوجد المسجد (( مسجد القيروان )) … بس حاره وبسيطه جداً ..
المهم في معلومات مثل السوق الشعبي في تونس العاصمة وشارع الحبيب بو رقيبه وبعض الاشياء مثل القلعة في الحمامات هذي كلها تجدينها في كتاب او مطويات تاخذينها من المطار دون رسوم تجدينها في مكان معلق عند مكاتب السياحه الكثيره الموجوده في المطار ….
بلد رائع ومحافظ ومريح رغم ان الشعب اكثره يتحدث الفرنسيه لكن لاتجدي صعوبه في المعلومات او ماتنزلين من الطياره الى مطار قرطاج الدولي لاتخرجين من المطار الا وفي يدكِ كومة من الخرائط والكتب والمطويات عن البلد وراح تستانسين ان شاء الله …
وطبعاً شمال تونس يوجد طبرقه يسمونها مدينة العرسان ولكن بعيده جداً عن العاصمة وتروحين لها بطياره ويمكن قطار ان لم ازورها ولكن ناويه ان شاء الله تعالى .. ولاتاخفين هذه البلد رغم انهم ناس على قد حالهم ولكن لااحد يمد يده يشحد وهذا ما استغربته لكن والله طيبً جداً وخدومين … وحالهم حال نفسهم لان السياح عندهم من العرب قليل والسياح الاسبان والايطالين والفرنسين عدد كثير جداً لان العرب ناسينها او مستكثرين زيارتها رغم انها افضل من اوربا وهي صغيره جداً وتخلصينها في 15 يوم .. طبعاً العاصمة وما حوليها …
ولازم تتنقلين بالبسبور لو كنتِ محجبه لان انا كنت جداً محجبه في تلك الفتره وكان شوي الزي السعودي غريب عليهم فالعساكر في مرسى القنطاوي طلبوا رؤيت جوازي وجواز زوجي وعندما سئلهم قالوا الاحطياط واجب عشان الاخوان المسلمون يسببون بعض المشاكل …
واخيراً ان شاء الله افدتك ولاتنسي تشتري من الجلود مثل شنطه وجكت وغيره فصنعتهم رائعة عندي شنطة من جلد لها اربع سنين كارفتها وكأنها جديده …
بعض الكلامات التونسيه :
عالسلامه .. مع السلامه ..
علوش … لحم غنم
حلوف …. لحم خنزير أكرمكم الله ..
باهي …. حلو ..
برشا …. كثير .
زوز …. يعني جوز (( يعني اثنين )) اثنين عصير او اثنين قهوه قول ليهم زوز قهوه او زوز عصير ..
ويوجد كلامات كثيره بس نسيتها ..
وفي زهران موول وبس 
اخدتا من الطريئ اول مابلشنا نطلع عالجبال
وااااو يابنات حسيت حال عم طيييير
د
