الوسم: المتوسط

هلا أختي umlamis ..

اسمحيلي اختي ما اقدر اساعدك لأني مش من جده ..

واعتقد يكون افضل لو دورتي عن طريق المدارس..

لأن موضوعج يا عروسة البحر المتوسط عن الحمام المغربي واللي مثبت في هالركن جربته واليوم لي ثالث مره كل اسبوع أسويه والنتاااايج مذهله وأغناني هالحمام عن كل شي هو تفتيح وهو توحيد وهو نظافه ولمعان وريحه حلوه وانتعاش وصفاء وراحه نفسيه يغلظ شعر الراس ويطوله وينعمه
يخفف شعر الجسم والنقط السودا تخف بدرجه كبيره هو بديكير وهو منيكيير… باختصاار استغنييت عن كل بروجراماتي للعنايه بيدي ورجلي وبشرتي وشعري واكتفيت بالحمام المغربي على طريقتج

صح المسأله تاخذ وقت بس هي ساعه ونص بالكثير ومره فالاسبوع وبقية الاسبووع يكون الشور عادي دلع في دلع…

بس زيدت من عندي كركم الجسم شويه وليمون..وللبشره أضفت المقشر (سكرب) .. لاتقولون الوقت طويل يابنات بالعكس مع الوقت بتتعودون وبتشتاقون لهالحمام صحيح فالبدايه لخبطت لكن مع الوقت بديت احفظ الطريقه واتبعها عدل..اكثر شي يقهرني بهالحمام هي البلاوي اللي تطلع من الجسم كيف ما ادري بس النهايه حلوه والحمدلله…

وعشان اختصر الوقت من بعد ماسك الجسم على طول حطيت ماسك الشعر وثم رحت لبشرة وجهي سويت تنظيف بشره بالكلينكس وعقب حطيت الصابون المغربي السائلوغسلته وعقب المقشر واخر شي ماسك الوجه.. ثم نزلت للرجلي سويت لها تقشير وفركت بالحجر الاسود باطن الرجل واخر شي تقشير ليدي.. وفالنهايه غسلت جسميمن الماسك وفركته بالليفه المغربيه مره ثانيه وعقب غسلت شعري بالشامبو وغسلت جسمي بالشاور جل……وخلااااص طلعت من التواليت رطبت جسمي بالكريم وحطيت تونيك على بشرة وجهي ولبست وتعطرت وصليت وياسلاااااااااام كأني انولدت من يديد ههههههه صدق ما أبالغ ريحني وايد هالحمام وهالطريقه بالذات لأني جربت عدة طرق ورحت الصالون بس ماستفدت كثر هالمره…… وماية الاعشاااااااب مهمه يابنات بالذات للشعر اووفف شقى شعري تحسن الحمدالله.. الحمام المغربي ياخذ من وقتي ساعه وربع بالضبط من بداية الحمام ليييين نهاية ماتعطرت وصليت…

شكر ثاني كبييييير لأختي الغاليه قطرات دافئه والسبب مضوعها هذا..
http://www.3roos.com/forums/t359113.html

اثاري الصابون هو سبب البلاوي….كانت بشرتي فيها نقط سود عند الخشم ودهنيه بالكاامل
ومانفع وياها ولا شي ولا دكاتره ولا ادويه كيميائيه ولا ماسكات طبيعيه بالعكس النتيجه تزيد سوء في بعظ المرات يا خسارة التقشيؤات الكيميائيه اللي سويتها ايس فالبيت بسبت هالتقشيرات اللي مامنها فايده بس تشويه للويه…

الحمدالله دايما كنت ادعي ربي ان يعطيني بشره صافيه كالاطفال طبعا كان شي شبه مستحيل بس ثقتي بالله ويقيني به انه قال ادعوني استجب لكم ماخلتني ايئس من سنيين وانا ادعي وبفضل الله اللي خلى قطرات دافئه تنزل موضوعها وطبقته بدت تنحل مشكلتي بدرجه كبييره جدا
اللمعان مااشي والنقط السود خفو واااايد وخشمي صغر الاثار القديمه راحت اغلبها بقي القليل والمسام صغرن واايد هذا وانا ماصارلي غير اسبوع تقريبا…حتى اليوم اول مره اسوي التقشير الاسبوعي خليته ويا الحمام المغربي مره وحده..هذا يوم العنايه الفائقه بسميه…

طبعا لأن بشرتي دهنيه خفت استخدم الميلك والمرطب فاستغنين عنهم اكتفيت بمناديل نونو اللي تستخدم لتنظيف وترطيب منطقة الحفاظ وتونيك هيمالايا بالليمون يسكر المسام ..وبسسس

ومبروك على النتيجه اللي وصلتي لها وان شاءالله من احسن لأحسن