هلا بكم ياحلوين ارحبوا والله لترحبواااااااااااااا
بعد مانزلت موضوعي بعنوان ((الله يسعدهم ذولا البنات فادوني ودعيت لهم ))في قسم الشئوون الاسريه
جيت هينا اكتب عن الخلطات والاشياء اللي استفدت منها وفادتني
وهذولا البنات الله يسعدهم ويوفقهم ويشرح صدورهم ويرزقهم ويحرم وجيهم عن النار
الله يجعلها ما تشوف ضيقه ولاهم الله يجعلها ماتعرف الحزن والغم الله يفرج لها ويسهل امرها ويسعدها وين ماكانت الله يفتحها بوجهها بنت الرجال والله والله لواكتب فيهم مجلد ما اوفيهم حقهم الذوق المحترمات
ونبداء بأول خلطه 00 خلطه السدر للوجه
عباره عن م ص سدر وطحون +م ص حليب بودره +تعجن بماء دافي مايل للحراره
وتفرد على الوجه وتترك حتى تجف ثم تفرك ببطء حتى تزول تماما ثم تغسل بماااااااء بارد
هذي الخلطه تشد البشره وتبيض وتسكر ابو المسامات وتنظف وتجننننننن حطوها يوميا
هي للوجه والجسم بس انا استخدمها لوجهي بس لما تفركي افركي بشويش
وبالنسبه للسدر تلقونه عند العطارين ومامنه ظرر ان شاء الله لانه طبيعي
وتقدرون تضيفون ماء ورد بدل الحليب بس انا ماجربتها
2- الخلطه الثانيه لليدين تنعم وتبض تهبل تهبل
علبه كريم جلسوليد الاحمر+عصير ليمونه+نص فنجال ماء ورد تخلط مع بعض وتحطي منها كل يوم
3- الخلطه الثالثه الي تجنننننننن الله يوفقها اللي قالت عنها الله يسعدها من جد روحي الله يحقق لك ماتمنيتي ياعسل يابنت الرجال
هذي خلطه للشعر تستخدم والشعر نظيف يعني تحطيها مثل البلسم وممكن والشعر جاااف بعد
وهي تنعم وتلمع وتسيح الشعر وتغنيك عن البلسم
عباره عن 3 م كبار حمام زيت اي نوع +م ص زيت اي نوع +م ك عسل اي نوع
تخلط مع بعض وتوضع على الشعر وهو نظيف بعدين تشطف بالماء
حطيها اي وقت عادي بس لاتنامي فيها ولا تغسلي شعرك بعدها بالشامبو بس مااااء
4- خلطه الريفيدووووووووور تجنن تنعم موت وتبيض
عباره عن بياله من كلونيا ريفيدور +كاس عصير ليمون +علبه كريم جلسوليد الاحمر +فقس
تخلطينها زين زين وتحفظينها بعلبه بلاستك وتحطي منها كل يوم على الجسم فقط الوجه لا الوجه لالا
اللي في جسمها جروح او حبوب لا تستخدمها 00انا عن نفسي لما احطها احس بوخز شويه بس يروح على طول
اغسليها بماء وصابون او بس ماء 00الريفيدور تلقونه في البقالات وعند العطارين والاسواق القديمه
5- صنفره جنااااااااااااااااااااااااااااااااااااااان تنعم بشكل رهيب ريحتها تهبل ورخيصه عسى اللي قالتها ماتشوف حزن بحياتها اللي يوفقها ويدخلها الجنه
عباره عن 3م كبار اي نوع صنفره حتى لو بخمسه ريال +م ك سكر+م ك ملح خشن +م ك ملح الحليب ابو خمسه ريال تلقونه عند العطارين
تخلط مع بعض وتوضع على الجسم المبلول وتفرك بشويش بشويش وبعدين تشطف بالماااااء
تجنن يابنات
6- الصابون المغربي +الليفه تجنن تجنن تنظف من قلب وتبض تلقونها عند رامز وعند العطارين بعشره ريال لا يضحكون عليكم تراها رخيصه وليفتها بريالين او خمسه او عشره مو اغلى من كذا لا تاخذونها من بودي شوب وتخسرون انفسكم
الصابون عليه طريقه الاستعماااااااااااااال
7- مزيل العرق عباره عن علبه كريم اي نوع +نفس مقدار الكريم شبه +قطرات مسك او اي عطر زيتي +م ص بودره اي نوع تستخدم بعد الحماااااااااااااااااااام وارمي كل المزيلات العرق
8 شامبو vo5جنن وريحته تهبل ورخيص وينعم الشعر واللي يقول انها مسرطن كذاااااااااااااااااب
9- اسكينول بأي نكهه انا عندي باليمون تلقونه في البقالات والصيدليات وعند العطارين بخمسه ريال تحطي منه في قطنه وتمسحي وجهك ورقبتك وممكن بين الفخوذ امسحي كل وقت وكل حين
ينظف ويعقم ويهبل
تم بحمد الله وتوفيقه
لااحد يجي يقول هذا ماناسبني وهذا حرق شعري وهذا سولي وفعل بي الناس يختلفون عن بعض
يمكن اللي يناسبي ما يناسبك والعكس صحيح 00 والناس اذواق
انا كتبت هذا الموضوع اولا شكر لهذولا البنات ويعذروني مش فاكره اسمائهم وعشان افيدكم
والاهم من لايشكر الناس لا يشكر الله
والبنات هذولا الله يسعدهم وين ماكانوا
الخلطات هذي انا كتبت كيف تستخدمونها وين تلقونها واللي تستخدمها غلط لا تجي تشتكي بعدين هذا سوء استخدامها مش غلطي
واللي تستفيد تدعي للبنات بظهر الغيب ولا تكتبها في الردود
وشكر الكم ياحلوووووووووووووووووووووين
