الوسم: الاسعار

مع انى زعلانة منكم كلكم بجد معادا ناس قليلة جدا جدا هى الى سئلت عليا طول فترة غيابى و الى يضحك كمان ان البنات لسة بتبعتلى على الخاص تسئلنى على حاجات و مش ملاحظين اختفائى

المهم انا عايزة اوريكم انهاردة روتين العناية ببشرة وجهى اليومى او Skincare Routine بتاعى

لان بنات كتير بتسئلى انا بعمل اية و بحط اية فا قررت اعملة موضوع مستقل احسن علشان كل البنات تقدر تشوفوا

و طبعا انا مش زى اى حد بيعمل مواضيع هنا و يجرى فا موضوعى بالصور (واضحة جدا مش مزغللة ) و بلس الاسعار

الفرق بس انى مش هتكلم على تفاصييل اى product

و الى عايز يعرف تفاصيل اكتر عن اى يتابعنى بقى فى موضوعى دى اللينك

مشتراياتى للعناية بالبشرة بالصور و الاسعار و الاماكن ( ملف متجدد)

هحط reviews لكل حاجة انا بستخدمها و انتوا برضوا ممكن تقولولى عايزيين ابدء اعمل reviews عن اية الاول

ملاحظات هامة:

-الروتين دى كلة بدائتة مع بعضة 13/12/2009

-نوع بشترى مختلطة يعنى عندى منطقة الجبهة و الذقن و الانف دهنية و خدودى عادية مايلة للجاف اكتر فى الشتا

-كل المنتجات تقدرى تشتريها من الصيديلة ماعادا الكريم بتاعى من كلارنس دى من لابوتية

دى صورة كل حاجة بستخدمها لبشرتى يوميا

اولا: صابونة دوف البيضة : دى بغسل بيها وشى مرتين الصبح و بليل و ممكن مرة فى نصف اليوم السعر 5 جنية بس

ثانيا: ماء الورد: كبديل للتونر بحطها بعد ما بغسل وشى بالقطن المدور و استنى لما وشى ينشف خالص اسمها لمسة من شركة ياسمينا السعر 7جنية و نصف بس

ثالثا: القطن المدور : دى بستخددمة مع ماء الورد او ممكن اى تونر و الماركة دى كويسة اوى انا مرتاحة عليها اسمها Bellawa السعر: 12 جنية

رابعا: كريم من كلارنس اسمة Hydra Quench Cooling Cream للبشرة العادية و المختلطة دى تحفة تحفة بجد و دى بستخدمة الصبح و بليل و بستخدمة تحت كا كريم تحت العين كمان ( لو عايزة تعرفى لية مش بستخدم كريم عين تابعينى فى مواضيعى الى جاية ) و على فكرة الكريم دى لسة نازل جديد من اللاين بتاع Hydra Quench و بجد دى احسن كريم فى العالم لو بشرتك مختلطة و فى الشتا دى السعر: دى يمكن الحاجة الوحيدة الى غالية عندى السعر 415 و انا بستخدمة كاكريم ليل و نهار و عين

خامسا: الميلك المنظف من بيوديرما للبشرة الحساسة دى ارق بجد ميلك استخدمة جربت قبل كدة كذا حاجة و عمولولى حساسية فا دى الى مشى معايا كويس جدا السعر : 89 جنية دى بقى بستخدمة فى كذا حاجة اولا كمزيل سريع و لطيف اوى على البشرة و مرطب فى نفس الوقت لما ارجع من برة و ابقى عايزة سريعة اشيل بيها الميك اب و التراب و كدة بستخدمة مع القطن المدور و ساعات بستخدمة كمنظف بدل ما اغسل وشى لما كان وشى بيبقى جاف شوية بدل صابونة دوف و بعد كدة بكمل الخطوات عادى ماء الورد و الكريم

بس كدة عايزة اشوف رودوكم الحلوة

لو عجبك موضوعى و استفتيدى منى قيمينى



لا احلل ابدا اى واحدة تاخد صورى و او موضوعى و تنسبوا لنفسها لان دى جد شخصى

الى عايزة تنقل موضوعى او صور من صورى تاخد اذن منى اولا ثانيا تذكر اسمى Stacy و منتدى عروس

شرفنى مرورم على موضوعى و تابعينى دايما

موفقة ان شا الله