كان عندي عزومة يوم الجمعة الي فاتت، 6 أفراد وطفلين، بس الناس الي عزمتهم كانو عازمينا ابل كدة انا وزوجي وكانت بصراحة الست منوعة في الأكل وعاملة أشكال وألوان.. عشان كدة انا كمان نوعت وشكلت.. اقولكم الأول هي كانت عاملة ايه، وبعدين هقولكم انا عملت ايه بالصور اوكي.
هي كانت عاملة:
الشوربة: شوربة لسان عصفور
السلطات والمقبلات: سلطة خضرا + كول سلو + ليمون وفلفل مخلل + محشي كرنب + محشي كوسا + محشي فلفل
الطبق الرئيسي : بطة محمرة + دجاجة بلدي كبيرة محمرة + بوفتيك بانيه
الأطباق الجانبية: كشك + ملوخية + مكرونة بشاميل
المشروبات والحلويات: شاي + عصير الطبقات + جاتوه
أقولكو بأة انا عملت ايه وبالصور
قائمة الطعام:
الشوربة: شوربة لسان عصفور (ما لحقت اصورها)
السلطات والمقبلات: سلطة خيار بالزبادي مع ورق عنب محشي باللحمة المفرومة + سلطة خضرا + ليمون وزيتون مخلل (ما لحقت اصوره)
الطبق الرئيسي:
ديك رومي مشوي + دجاج بانيه + جلاش باللحمة المفرومة والفلفل الرومي والطماطم + أرز بسمتي بالخلطة (بس كنت عملاه بطريقة جديدة وكان رااائع) + صينية تورلي باللحمة الموزة
دة الجلاش باللحم المفروم
الدجاج البانيه
أما عن صينية التورلي باللحم الموزة دة الرابط بتاعها
بس في الرابط دة كنت عملاها في يوم ابل كدة بالبطاطس والجزر بس، اما يوم العزومة كانت معمولة بــ (الجزر والكوسة والبطاطس والبسلة والفاصوليا والفلفل الرومي) وكانت روووعة
http://www.3roos.com/forums/t329603.html
وسامحوني يابنات بقية الأكل ما قدرت اصوره لأن زوجي زعألي ادام الناس عشان بصور الأكل، قالي انتي بتصوري الأكل عشان تزليه بيهم ولا ايه!! وما عرفت اصور غير بس الأطباق دي في الخباثة كدة
بصراحة يابنات الأكل كان طعمه رووووعة، ومرتب ومنسق، وكمان كان نفسي اصور ورق العنب، كان روووعة وشكله جميل ومنسق في الطبق ومزين بوردات الليمون
اما الحلو فكان
كيكة الأناناس والتفاح + جاتوه + شاي + عصير كوكتيل
اتمنى تكون الصور عجبتكم واي سؤال انا حاضرة
أما زوجج حكايه هههههههههههه ما يدري أنك ناوية تنزليهم في عروس
تذكرت شكلي لما كنت أطبخ وأصور الأكل بالتلفون ومنحرجه لا أحد يدخل علي المطبخ ويشوفني ههههههههههههههههههههه
بس حابه تعلميني طريقة الديك الرومي لأن بموت فيه واللي أعرفه أنه ياخذ وقت طويل في الإستواء، لأن تعرفين إحنا في الخليج ما نطبخ الديك الرومي أكثر شي الدجاج.
وشكرا
يمي يمي
جوعتيني
ما شاء الله عليج
اختي ممكن تقوليلي طريقة الدجاج البانيه
شكله عجبني 😮
بالنسبة للديك الرومي ابدا ما ياخد سوا.. انا حطيته الساعة 1.30 وخرجته الساعة 4، يعني حوالي ساعتين ونصف وكان مهري خالص وطري جدا..
بالنسبة لطريقته.. انا جبت ديك رومي 4 كيلو، نظفته ونقعته في خل ومل وماء، وبعدين عملتله تتبيلة (ملح – فلفل أسود – بصل مفروم – توم مهروس مع زنجبيل – ليمون – كمون )
وحطيتله كمان صويا صوص وزبادي وكاتشب.. الصويا والزبادي عشان يطرى.. مع انه مكنش محتاج.. اما الكاتشب عشان يتحمر ويبأة طعمه حلو
المهم.. فتحته بالسكينة في كل النواحي.. يعني غرزت السكينة في صدره والفخذ وكل المناطق.. عشان يتشرب التتبيلة
وحطيت التتبيلة جوة وبرة وتحت الجلد وفي الفتحات وكل حتة، وبعدين حطيته في الكيس الحراري الي بيتحط في الفرن، ولو معندكيش ممكن تحطيه في ورق فويل او حراري.. اكيد طبعا عرفاه
حطيه في صينية وعالفرن.. ساعتين ونص وهتلائيه استوا ومهري.. دنا كمان مطلعتوش إلا لما حسيت ان ريحته طلعت وقرب يتحرق.
جربيه وموفقة ان شاء الله
: 