ررررررررررررررررررررجعت
وهذي كمان حلووووووووه الصراحه ماجربتها بس خطوات واضح انها مفيده حيل
اهي طويله لكن مفيددددده…………………. وهذا موضوعها
اهلين حبايبي
حابه اقولكم على عدة اشيااااااء بتخلي بشرتكم زي البيبي من كثر نعومتهاااااا
عشان ما اطول عليكم بقولكم هيه على طول
بس على فكره يبغالها شويه وقت وطولة بااااااااااااااال ( معليش كل شي يهون في سبيل النظافه واللمعاااااااان ) ههههههههههههه
** الخطوه الاولى…
اول شي شيلي جسمك بشرائح فيت الشمعيه للبشره الحساسه مررررررررررره روعه يابنات والله انها تشيل حتى الوبر الصغير اللي على الاكتاف وألمها خفيف مايقارن في ألم الحلاوه بالمررررررره انا انبسطت عليها لأنها تشيل الوبر وعشان ألمها خفيييييييييييييييييف وهذا الأهم طبعا..
** الخطوه التانيه…
وبعد ماتخلصي شيل اخلطي عصير ليمون مع نشا وموية ورد وحطيهم على جسمك كلو حتى وجهك وخليه الين ينشف بعدين افركيه بيدك وروحي غسليه بالمويه بس…
** الخطوه الثالثه…
اخلطي 4 ملاعق حليب بودره _ 5 ملاعق طحينه سايله _ عصير ليمونه_ سكراب من اي نوع ويفضل اللي عند بودي شوب او اللي بالمشمش وأذا ماعندك سكراب استبدليه بالسكر الخشن _ ملعقتين او 3 ملاعق زيت لوز حلو _ شويه مويه ورد
اخلطيهم مع بعض مضبوط بعدين حطيه على كامل جسمك من وجهك الى رجولك واجلسي فيه نص ساعه الين ينشف بعدين افركيه بيدك بحركه دائريه الين يتفتفت من على جسمك وحتى اللي على وجهك افركيه بس بحركات خفيفه عشان ما تأذي البشره…
*** دحين يجي دور الحمام الله يعزكم***
** الخطوه الرابعه….
بعد ماتخلصي الخطوه الثالثه روحي الحمام عشان تغسلي جسمك غسليه بالمويه بس من غير صابون
بعدين سويلك حمام مغربي وافركي جسمك من قلب بالليفه المغربيه الين ماتحسي ان الجلد الميت كلو طلع واتوصووووووووا بالمؤخره وغسلي جسمك بالمويه بس..
** الخطوه الخامسه…
بعدين حطي على جسمك ماسك مكون من بودرة السفيد اب مع موية ورد طبعا على الجسم كااااااامل وخليه على جسمك الين تحسيه نشف بعدين افركيه بيدك الين يطيح وغسلي جسمك بس المره هذي مو بالمويه بس لاغسليه بالليفه الناعمه والشاور جل ( الليفه الناعمه تجي معاه )..
** الخطوه السادسه…
بعد ماتخلصي كل شي حطي زبدة الكاكاو اللي من عند بودي شوب مره حلوه انا ما استخدم غيرها وحطي منها على وجهك كمان وخليها تقريبا 10 دقايق او ربع ساعه بعدين رشي المويه على جسمك بس مويه (هههههههه)..
** الخطوه السابعه…
لما تطلعي من الحمام وجسمك لسه مبلول اتبخري والطريقه هيه انك تلبسي شي فضفاض او شرشف صلاه وتلفيه عليك بالكاااامل حتى شعرك يعني بس وجهك اللي يكون برا عشان الشعر كمان يتبخر وخلي المبخره تكون تحتك وانتي واقفه الين يروح البخور..
** الخطوه الثامنه ( والأخيره) خلاص بتفتكو مني ومن خطواتي…
اول ماتخلصي من البخور على طول حطي على جسمك ( زيت جل للأطفال ) من جونسون اللي بريحة الزهور مررررررره روعه احلى من اللي بالبابونج والبسي بنطلون وشي كمو طويل عشان يمسك الرطوبه في جسمك ولما تجي بعد كم ساعه تبدلي ملابسك راح تشوفي كيف ملمس جسمك زي الحرييييييييييييييييييييير..
على فكره نسيت اقولكم لاتنسوا تدعكوا رجولكم بالحجره وانتوا في الحمام ( الله يكرمكم )
ولما تطلعو بعد ماتحطو الجل لجسمكم حطوا لرجولكم كمان وبعدين حطوا عليها فازلين والبسوا شرابات
ولما تبدلوا ملابسكم بعدين شيلو الشرابات كمان وراح تشوفوا نعومه مو طبيعيه..
والله اللي بتسوي دي الاشياء راح تدمن عليها لأنها ماراح تقدر تستغني بعد كدا على النعومه اللي صارت لها انا عن نفسي اسويها كل اسبوع والله يابنات مررررررررررره جناااااااااااااااااااااان جربوها بنفسكم وبتقولوا قالت دريم..
طبعا استخدموه كل اسبوع عشان تحافظوا على اجسامكم نااااااااااااااااعمه زي البيبي هيه صح متعبه شويتين
بس لما تشوفوا النعومه تقولوا كلو يهون في سبيلها ههههههههههههههههههه
ترى وقتها حتى الزبده بتغار منكم عشانكم صرتوا انعم هههههههههههههههههههههه
اتمنى لكم اجساااااااااااااااااااام انعم من النعوووووووووووووووووووومه
يتبع
