السلام عليكم ورحمه الله وبركاته
مرحبا بنات
محتاجه لكم بقوه
احس اليوم يروح علي ويطير وشغلي احسه يتكوم علي:confused:
ودي كل وحده تقولي وش طريقتها بترتيب بيتها
وشلون مرتبه حياتها مع ترتيب بيتها ؟
لأني احس اني مضايقنيومتعبني ذا الموضوع
تنظيف المطبخ والملابس والبيت وتكرمون الحمامات
من متى الوحده تصحى وتسوي غدا زوجها
بناااااااااااات احتاجكم لاتردوني :confused: :confused:
وعليكم السلام ورحمة الله وبركاته
شوفي اختي يمكن انا ماقدر اساعدج لان انا ماعندي بيت لكن عندي ملحق صغير في غرفتين نوم وصالة وحمام واحد الله يعزج ومطبخ صغيرونو وماعندي غير بنت وحدة الله يخليها ان شاءالله
لكن بقترح عليج فكرتي وان شاءالله اقدر اساعدج لكن بالاول ماقلتيلنا عندج خدامة ولا لأ مع انه من كلامج مبين ان ماعندج لكن ياريت اتوضحين وكم طفل عندج, تشتغلين ولا لأ , عيالج كم اعمارهم, بيتج كم غرفة فيه.
لا ماعندي خدامه وبيتي مو كبير
وماعندي اطفال الله يرزقني ان شاء الله
وعندي غرفه نوم وغرفه ملابس وصاله ومطبخ وبس
وماأشتغل
وانا عندي نفس المشكله وش الحل ؟؟ ؟؟
الله يجزاك خير ويرزقك بالذريه عاجلا غير اجل .. سبقتيني وكتبتي اللي في خاطري ..
 |
اقتباس |
 |
|
 |
المشاركة الأساسية كتبها فراشه فوشيه |
 |
|
 |
| |
|
|
| |
لا ماعندي خدامه وبيتي مو كبير
وماعندي اطفال الله يرزقني ان شاء الله
وعندي غرفه نوم وغرفه ملابس وصاله ومطبخ وبس
وماأشتغل |
|
 |
|
 |
الله يرزقج بالذرية الصالحة انشاءالله
شوفي حبيبتي تقريبا بيتج كبر بيتي بالنسبة للمطبخ انتي كل يوم تطبخين صح والطباخ ياخذ تقريبا 3 ساعات يعني ممكن تبدين من الساعة 9 لكن تقومين من رقادج الساعة 7 اذا امكن وتغسلين الملابس ومش كل يوم يكون غسيل ملابس, يعني يوم لغسل الملابس ويوم لكي الملابس اوكي.
بعد ماتخلصين من الغداء انتي وريلج تشطبين على الاواني وتغسلينهم وتروحين اتريحين مع ريلج شوي وتنامين لك ساعتين وبعد ماتصحين تبدين بتنظيف البيت من كنس ومسح الطاولات من الغبار وهذا بياخذ من وقتج تقريبا ساعة او ساعتين بالكثير واعتقد البيت مايحتاج تنظيف يوميا, كل يومين نظفي مرة بما انو ماعندج اطفال ونفس الشي بالنسبة للحمام الله يعزج اذا نظفتيه عدل بتم لك يوومين او ثلاث ايام نظيف يعني مش يوميا اتغسلينة, وبالنسبة لغسيل المطبخ خلي يوم او يومين بالاسبوع بس لغسيل الارضية بالماء والصابون اما الايام الباقية فمجرد كنس الارضية بالبروش.
والله يعطيج الصحة والعافية ان شاءالله
dana2
جزاك الله خير اختي
والله يجعلها في ميزان حسناتك
لو شفتي حالتي شو بتقولين … انا عكسج تماما بيتي كبير بس مو قصر دور واحد وفيه غرفة نوم رئيسية ووغرفة ملابس وغرفتين للضيوف وغرفة معيشة وغرفة جلوس…. وصالة وأربع حمامات ألله يكرمكم ومطبخ رئيسي ومطبخ للطبخ واداوم من الساعة 7.30 لين الساعة 4.30 اوصل البيت الساعة 5 العصر … لكن حالتي حالة واحس مقصرة في حق عائلتي الصغيرة المكونة من بناتي الثنتين وزوجي وأنا … الله يحفظهم من كل سوء إن شاء الله……بس مشكلتنا وحدة عقدتي الوقت احسه يمر بدون اي شغل… بس بعطيج اقتراح إذا يناسبج …. قومي على الساعة 8 افطري بعدين رتبي الصالة أول شيء بعدين نظفي فناء البيت وبعد ذلك غسلي الحمام وبعدين رتبي غرفة النوم من 8.30 لين الساعة 11.30 تقريبا خلصتي 70% من شغلج وبعدين اطبخي حقكم غدا وبعد ما تخلصين خذي لج دش وبعدين صلي الظهر وبعد الإنتهاء من صلاتج روحي حطي الغدا لكم وبعد الإنتهاء من الأكل غسلي اللأواني وبعدين نظفي المطبخ …. وبعدين ريحي ونامي ساعتين ….. وفي الليل بتكونين فاضية ما وراج غير الطبخ حق العشا …. وخصصي لج يومين لغسيل الملابس ويومين لكيهم وسلامتج……..
لو شفتي حالتي شو بتقولين … انا عكسج تماما بيتي كبير بس مو قصر دور واحد وفيه غرفة نوم رئيسية ووغرفة ملابس وغرفتين للضيوف وغرفة معيشة وغرفة جلوس…. وصالة وأربع حمامات ألله يكرمكم ومطبخ رئيسي ومطبخ للطبخ واداوم من الساعة 7.30 لين الساعة 4.30 اوصل البيت الساعة 5 العصر … لكن حالتي حالة واحس مقصرة في حق عائلتي الصغيرة المكونة من بناتي الثنتين وزوجي وأنا … الله يحفظهم من كل سوء إن شاء الله……بس مشكلتنا وحدة عقدتي الوقت احسه يمر بدون اي شغل… بس بعطيج اقتراح إذا يناسبج …. قومي على الساعة 8 افطري بعدين رتبي الصالة أول شيء بعدين نظفي فناء البيت وبعد ذلك غسلي الحمام وبعدين رتبي غرفة النوم من 8.30 لين الساعة 11.30 تقريبا خلصتي 70% من شغلج وبعدين اطبخي حقكم غدا وبعد ما تخلصين خذي لج دش وبعدين صلي الظهر وبعد الإنتهاء من صلاتج روحي حطي الغدا لكم وبعد الإنتهاء من الأكل غسلي اللأواني وبعدين نظفي المطبخ …. وبعدين ريحي ونامي ساعتين ….. وفي الليل بتكونين فاضية ما وراج غير الطبخ حق العشا …. وخصصي لج يومين لغسيل الملابس ويومين لكيهم وسلامتج……..
