سلاااااام يا أحلى صبايا في العالم…
الله يسلمكم وأنا اتصفح عالنت..شفت بعيني وسمعت باذني يعني صوت وصوره
لقائات مع العارضات ويكشفون فيه عن اسرار نضارتهم..والله انهم يستخدمون اشيا بسيطه
ولكن مفعوووله رهييب على بشرتهم لووون وااحد ومشع بالنضاره والجمال.. والله يابنات حتى في منهم بشرتهم غااامقه جدا جدا (سوداء) لكن نضره ولون وااحد سواد صحي مب أشهب
المهم نبدأ بعارضات فكتوريا سكريت ولى عارضات شركة فةرد ولى من وين..
قبل ما أبدا حبيت أأكد لكم شي اتفقو عليه كللللللللل العارضات وحتى دخلت على منتجع عالمي صحي أكدو على هالشي وهو:
التغذيه…لازم من داخل تكونين اوكي عشانه بيعكس على بشرتج..
وركزو على الخضار والفواكه وشرب الماااااااي والرياضه والنوم من وقت..ع فكره العارضات ينشون من خمس الفجر ماشاء الله ويرقدون من وقت و هذا شي أساسي عندهم ومن عقبه اني للمنتجات اللي يستخدمونها..
المهم خلونا نبدأ بعارضات فكتوريا سكرت..
سرهم الكثير من الماي والعصاير وماياكلون واايد + تتقبلين نفسج مثل ما انتي وتحبينها+ البرونز يموتون على شي اسمه تاااااننق لول حتى لو ماخذوه من الشمس عندهم كريمات تعطي تسمير بسيط مب قوي…وطبعا الثقه بالنفس وانهم مستمتعين بحياتهم..
الحين عارضات فورد..
وحده اسمها اريل ..ماشاء الله لونها واحد وسرها بسيط ومعروف وهو تحط بيبي جونسون الجل ووياه كريم وترطب فيه جسمها…ولشفايفها اتيب فرشاه تخليها مخصوصه لشفايفها وبعد ماتفرك شفايفها تحط اي مرطب…. وطبعا تكلمت عن التغيه..
وفي عارضه رووعه بعد أكلها صحي مرره اسمها زليكا…أنا قلت اكيد اسمها زليخه
المهم بشرتها ولونها اسود بس نضر وشعرها اجعد بس مرتب ماشاء الله وسرها..
التغذيه والماي+ زيت الزيتون فالمساء ترطب فيه الكوع والاماكن الجافه… ولوجهها تبلل ويها بالماي وتحط شويه ملح في ايدها مخفف بالماي وتفرك ويهها فيه يعطي نضااره أونه..
وتقول التونيكات اللي فالسوق فيها كحول وهذا مب زين وتسوي تونيك خاص وهو عباره عن
خل التفاح نص كوب وماي نص كوب وتحطين عليهم حبة ثوم مفرومه وتخلطينهم وعقب تصفينهم في زجاجه وفالمساء تمسحين فيه ويهج بقطعة قطن..طبعا ريحته مب حلوه بس فالبيت عادي ..تقول هالتونك ينضف ويعطي نضاره للبشره وهي بشرتها ماشاء الله..
وعن الشعر..تستخدم شامبو بانتين للأستخدام المتكرر وبعد البلسم من عقبه وتحط شويه زيت أو سيروم على اطراف شعرها عشان ماينشف ..وبس… وشعرها حلو مع انه أفريقي بس مرتب..
خلونا من العارضات وشفت بعد بنات من شرق اسيا حاطين خطوات عنايتهم ببشرتهم
وااااو بشرتهم حلوه مع انها مركبه او دهنيه… بس لاحظت وايدين يستخدمون منتجات كلينك
مب هينات بعد هالشرق اسيا ع بالي كله يستخدمون اسكينول وهالشغلات اللي موجوده عندنا..
المهم يابنات هذا كله لقيته في يوم واحد عاليوتيوب..بس اكتبي skin care routine أو Hair care routinr وبيظهرون لج وااايد بنات وحريم اجانب ومن شرق اسيا وافريقيا يتكلمون فيه عن طرق عنايتهم …اتمنى ان كل وحده تشوف وتجرب شي وتستفيد منه اتي تخبرنا…شو سوت
وانا ان شاء اللهأول ماتخلص المنتجات اللي عندي ببدأ اطبق طريقتهم..
ومناليوم يالسه اطبق الخضره والفواكه والماي….وان شاء الله كلنا نلقى نتايج حلوه
والله يسترنا ويوفقنا كلنا قولو امين…
سوري عالكتابه السريعه بس لأني ادري ان ماكتبت لكم بهالطريقه مابكتب لكم أحسن من جذه لأني تعبااااانه وعاطيه نفسي راحه من كل المسؤوليات…
اللي تستفيد تدعي لي اذا تكرمت بأن الله يوفقني انا وخطيبي ويجمعنا بالحلال..
وتصبحون على خير
العفو ياجميلااات….فعلا خطواتهم بسيطه ولكن مفعولها راائه…لأنهم مركزين اكثر شي عالتغذيه والماي والنوم من وقت ويستمتعون بوقتهم