امس رحت للسوق واشتريت مجموعة عطور واكثرها اخذت اسمها من اخواتي في المنتدى بس رجعت البيت احس اني ندمت ما احس شي ثبت رغم اني شريتهامن محلات راقيه
مثلا رحت لأجمل وشريت عطر وصال والف ليله وليله وجذاب تعطرت من الف ليله وليله اول ما تبخي زين ريحته بعدين ما احس فيه ريحه يعني مو ثابت والكل يقول يثبت يومين
وطلبت مخلط بخ ما عجبني شي عندهم ورحت اكثر من محل ما عجبني شي ومحد يفهم الي تبغيه ولا اخاف يديني شي مو ثابت احترت ولا عرفت وحده من صديقاتي عندها مخلط يجننن تبخه ثابت فيها وريحته قويه انا احب المخلط الي مائل للعوده المركز سالتها مارضت تقولي الله يسامحها الي تعرف اسم مخلط حلو ويجنن ويدوم تساعدني فديتها وين القاه
المهم بعد ما خلصت من العطورات العربيه دخلت على وجوه طلبت منهم عطورات الصيف الأخيره اكثر الروائح حلوه من اسكاد وجفنشي الأخير وفي عطر قلي اسمه DKNY قلي ممتاز وتوه نزل الصيف ويمدح فيه حسيت راسي وجعني من كثر كلامه الريحه عجبتني ماشريته احد اشتراه وجربه ريحته قويه ولا لا انا بالمره عجبني بس خايفه اخسر اكثر شريت العطور الثانيه من اسكاد وجفنشي نفس الشي شوي وما احس ريحتها ثابته في ملابسي والله ماني عارفه الكل يمدح في العطور وما احسه تثبت ولا البنات في المنتدى يبالغوا في الوصف الله يسعدها الي تقولي على افضل شي محتاجه للصيفه عطور قويه
و ثانيا يمكن انت تتعودين على الريحه لانها في ثيابج بس اللي يالس معاج يشم الريحه
ياما عطورات تلاقين وصف ومدح وتروحين تشمين ماتعجبج
الناس اذووواق
واذا مااعجبوج وانتي مافتحتي العلب تقدرين ترجعينهم فديتج
بس اللي مستغربه منها الف ليله وليله بصراحه وايد حلوه وثايته ومميزه بس انتي يمكن خذيتي البخاخ الدهن وايد احلى واقوى ويثنت عدل وعن تجربه اما العطر الجديد من DKNY فأسمه دونه كارن جولد وايد حلوه ريحته انا شفته في وجوه بس ما شميته ورحت بعد يومين تعنيت وشميته وعجبني بس بصراحه ما شر يته لاني فايضه من العطور بس اكيد راح اخذه وبالنسبه للعطور الصيفيه اذا كنتى من عشان مس ديور شيري فنازله لميت ادشن وايد حلوه مثل اللي قبلها بس اهداء شوي يعني صيفيه وفي كلوي وايد حلوه بصراحه عطر جدا راقي انا عجبني بصراحه وفي جفنشي الجديده حلوه بعد والين الصيفي حلوه مثل اللي قبلها بصراحه وايد عطور صيفيه بس انا من خلال اللي قريته منج اعتقد ان افضل شي انج انتى تروحي وتشمين عدل لانه في النهايه الناس اذواق مو شرط اللي يعجبني يعجبش صح وسامحيني طولت عليج
لونه موف وعليه زي الألماسات من فوق
هذا كانك من محبين العتور العريكه والثابته والأنثويه
انصحك فيه
عشان كذاااا روحي محل وجوه وانتي اختاري بس اذا جاك واحد من حقين المحل اللبنانيين قولي له حل عني وخليني اركز خخخخخخخخخخخخخخخ تراهم يصجووووون الوحده وربي ولا يخلونك تعرفين تشترين شي
انصحك بعطر بربري الي لونه ذهبي من برا اعتقد اسمه بربري قولد روووووووووووووووووووعه وثااااابت وراح تدعين لي لو مالقيتيه في وجوه روحي المصباح لاني مره رحت وجوه قالي البايع ان الشركه نزلته فتره ووقفوه بس طلع كذاب لاني لقيته في المصباح 
وفي عطر قوتشي الجديد توه نازل لونه اسود وغطاه ذهبي هو بعد ثابت وقويه ريحته وكل ما تبرد كل ماتحلى ريحتهااا
لو رحتي وشميتيهم ارجعي عطينااا رايك فيها
وحق الصيف عندج لاكوست ..وانتي ماتشمين الريحة وتحسين انها ثابتة لانج تعتي عليها بس عن نفسي اذا حطيت قوج وشوبارد أشمهم مع لوليتا واي استفسار انا حاضر ولو بغيتي احطلج صورتهم هم مستعدة احطهم …
البنات في المنتدى كل وحدة تعرض تجربتها مع العطر اللي جربته
بس هاذي اذواق
والاذواق تختلف من شخص لآخر
فأنت مو على طول تشترين اي عطر تسمعين عنه
اولا لزم تجربينه
عجبج او لا؟؟؟؟؟؟؟
و على العموم الله يهنيج بعطوراتج الجديدة
هلا وغلا بالغاليه
ليش الندم يا قلبي ؟؟؟
العطر الي فتحتيه وماعجبج تقدرين تخلينه بصينية عطور الضيوف أو عند مغسلة غرفة الطعام أو حتى تهدينه لصديقة ما بينج وبينها تكلف…
المهم لا تندمين أكيد تدرين ان لو تفتح عمل الشيطان..
وخلي الموضوع درس يعلمج ما تمشين على كلام الناس الا بعد تجربة ..
بالنسبة لي ما أشتري الا العطور الكلاسيكية الي متعوده عليها و أحبها من سنين ولا تغريني العطور الجديده لكن أتعرف عليها من الهدايا الي تييني وماشاء الله حظي حلو من ينزل شي جديد ألقاه واصلني واذا فتحته وعجبني أرجع أشتري منه ..
مدري بتقتنعين بوجهة نظري لكن العطور الكلاسيكية لها طعم وريحتها ثابته وتصير أروع مع العطور الشرقية لكن أغلب العطور الجديده مالها ميزة .
موفقه يا قلبي
بس رح أحاول ألاقي عند ايفيروشي أو أوريفلام 