السلام عليكم يابنات
انا طالبة منكم المشورة..
انا بروح على الاسبوع اللي جاي يعني يوم الاثنين العمرة وباخذ معاي ولدي الصغير عمره 4 شهور اللي ابغي اعرفه هل هناك زحمة موووووت الحين ولا عادي يعني في جاليات بكثرة ولا عادي خصوصا اني رايحة بنص الاسبوع وبرجع باذن الله قبل الجمعة
وهل اخذي معاي ابني الصغير عادي ولا في ضرر
وانا جدا وسواسية اخاف من شي اسمه اختطاف خايفة اني وانا اصلي يختطفون ولدي مني :confused::ss:
ممكن اللي راحت هالفترة او اللي خذت معاها ولد صغير وراحت كان عادي ولا تعب
لاتقولون لي اجلي روحتج انا بموت ابي اروح صار لي سنة وشوي انا احن للروحة وبالذات اني ماعتمرت غير مرة وحدة
وزوجي يقولي اذا مابتمشين معاي بدور لي حد من الربع يروح معاي:mad: لانه في اجازة ومايبي يضيعها
شوروا علي يابنات الله يجزاكم كل خير
هلا حبوبه
انا انصحج انه تخلين ولدج عند امج
تروحين تتعبدين وبالج مرتااح احسن من تروحين وتصلين وبالج مشغول في ولدج
يعني تخافين عليه
خليه عند حد موثوق فيه من الاهل احسن لج
بما انج ما راح تطولين وايد
واحسن حق البيبي بعد من الزحمه وتقدرين تاخذين راحتج في التعبد
بما انج خاطرج تروحين من زمان وهالمره ما تبين تفوتينهاااااااااا
اختج بحرينيه
هلا أختي انا بعد انصحج تخلي ولدج عند امج لان هناك وااايد زحمه لان انا سرت العمره وشفت الحريم يلي مع اطفالهم ما ياخذوا راحتم خاصه وقت الصلاه والعباده واليهال يصيحوا لان امهاتم مشغوليين ف العباده .
اختي انا ما رحت عمره بس فتت اقولك الله يوفقك بالعمره .. وما انصحك تاخذين ابنك والله تعب الكل يقول هيك الصغار ما يتاخذون للعمره تعب جسد وبال لانه الطواف متعب فكيف لما تكوني شايله ولد على حضنك والله تعب خليه عند اهلك احسن ..
حبيبتي خذي ولدك لاكن خذي معك الشيال للطفل تلفينه عليك وعند الصلاه خليه بين رجولك
وهو مربوط في الشيال ولفيه على رجولك وخلاص ريحي بااااااااااااااااااااااااااااااااااااااااااااااالك
هلاا والله اختي
غااليتي انا تووني جايه من العمره
وكاااااان زحممممممممه مووووت
يمكن الحين خف لان انا رحت في اجازه العييد
وبصرااحه ما انصحج تاخدين ولدج معاااج ,, الحريم الي اخدوا عياالهم ويااهم تندموا لان اخدووهم تعبووا واايد وبصرااحه ما يصلح تودين عياالج في عمره او حج لان فيهاا منااسك ولازم تادينهااا وما اضن تقدرين تطووفين وولدج معاااج رااح يتعب وانتي بعد رااح تتعبين
والمده قصيره خليه عند امج او اخواتج احسن
والله يووفقك ي ولا تنسيناا من الدعاااء
تحيااتي
شكر كبير لكل من رد علي الله يجزاكم كل خير بس ولدي صياااااااااااااح مايقعد عند احد وهذي اكبر مشكلة لي
خليه عند امك ….
بيصيح شوي ويسكت …
انا توني راجعه من العمرة صار لي اسبوع تقريبا ..
بصراحه الدنيا زحمة موووووووووووت هناك مع اني اللعام رحت في نفس الوقت بس الزحمة كانت اقل ..
بس عيالي اكبر من ولدج .. انا الصغير عمره سنة و10 شهور ، كنا نوديهم اثنينهم الحرم ونتناوب يعني واحد يصلي والثاني يدير باله على اليهال وكنا نروح بعد صلاة الجماعة علشان الزحمة اقل بتكون ، وكانوا معانا امي وابوي بعد ويساعدونا عليهم ..
اما عن وقت اداء العمرة اول شي راح زوجي وادى اعماله وان قعدت مع العيال في الفندق ولما خلص ورجع قعد هو مع العيال وانا رحت مع امي وابوي وادينا اعمالنا وخلصنا 
تقبل الله منا ومنكم صالح الاعمال ..
على فكرة ترى عمر ال4 شهور ما يتحرك من مكانه يعني انه شاء الله امان انا عيالي كنا نقعد في الحرم وهو يراكضون واحنا عيوننا عليهم والحمدلله لا في سوالف اختطاف ولا شي وبيت الله امان 😉
بس اذا تبين الراحه والتفرغ خليه عند الوالدة مثلا وروحي ع السريع <<<< انا عن نفسي كلش ما اقدر اخلي عيالي واسافر عنهم يعورون قلبي من جذيه اتحمل التعب والمعاناة واوديهم معاي 😮
صعبة يبي اهتمام نزلية عند امك انتي رايحة عبادة وراااااادة
