القطريات الأرشيف - عروس الامارات

سؤال للسيدات القطريات 2024.

[CENT
ER]السلام عليكم ورحمة الله وبركاته[/CENTER]
خواتي عضوات منتدى عروس عندي استفسار ان شاء الله عندكم له الجواب الله يسلمكم السنة الجاية أبي أدخل بنتي الكبيرة الروضة للتمهيدي والصراحة ماعندي أي فكرة عن الروض الزينة في البلاد حاولت أدخلها روضة المها لأنها روضة اسلامية وانجليزية ما اقبلوهالأن العدد عندهم فل مع احنا تونا في شهر أبريل وهم عندم كامل العدد سمعت عن مدرسة دار الأرقم وفيها تمهيدي وأكاديمية قطر بس ماأعرف عنهم أي شيء فياريت اللي عندها أي فكرة عن هالمدرستين أو أي مدارس ثانية تعلمني وانتو خواتي وين دخلتو عيالكم وايش المدارس اللي بتختارونها

حبيبتي انا اختي مدخله عيالها روضه النور للغات رووووعه
وهي مدارس النور يعني فيها روضه وتمهيدي ومدرسه

واتمنى اكون افدتك

الارقم وايد يمدحونها
حتى النور

في فرع ثاني ق المها فالدفنة..
انا بنتي في روضة العوسج المستقلة في مسيمير ..تابعة لمدرسة موزة بنت محمد
واي معلوات ثانية انا حاضرة

شكرا لكم ….. أنا سعودية وأحلام صغيرة والبنفسجة البنفسجية على هالمعلومات بس خواتي ماعندكم فكرة عن أكاديمية قطر

اكاديمية قطر حلوه وفيها من التمهيدي لين الثانوي .. يعتمدون على الانجليزي وفي المرحله الاعداديه يخيرون الطالب بين الفرنسي او الاسباني .. ما شاء الله تلاقين الطفل من التمهيدي يعطي جمل بالانجليزي لان مدرساتهم اكثرهم من بريطاني وامريكا ..
يعيب عليهم ضعف مواد الشريعه والعربي ..

هلا أختي أنا بنتي الكبيرة في أكاديمية الأرقم والزين في هالمدرسة انها بس للبنات مافيها أولاد وماشالله عليها تعرف تقرا لج قصة بالانجليزي لانهم على نهاية الأسبوع يعطونها قصة ودفتر تقرا القصة وتكتب كم جملة في الدفتر وترسم كم رسمة ما ادري احس نظامهم وايد حلو وتعرف تحرف الكلمة بالعربي وتقراها ومحفظينهم قرآن يعني في وقت حق تحفيظ القرآن وهو بداية الدوام والسنة الجاية بتكون أول وأنا ناوية أخليها اتكمل عندهم وبدخل أختها الصغيرة kg1وبس اذا عندج اي سؤال أنا حاضرة…

ابي رايكم يا القطريات !!!!!! 2024.

الســــــــلام عليكم ورحمة الله وبركاته

شخباركم يا بنات عساكم بخير و مرتاحين؟؟

انا الله يسلمكم عندي عرس قريب شهر 2 وللحين ماحجزت حق الشعر لاني ماااااااعرف عند من احجز

لاني ابي تسريحه رااااااااااااقيه ولبنانيه جي مثل تسريحات اليسا يعني

ومابي شي دفش وكله اسبري والشعر جني لولو الصغيره ,,

لاني ولامره سويت تسريحه وطلعت حلوه لان يسوون لي مااااااااال اوووووووووول 🙁 ف قلت هالمره ان شاء الله آخذ رايكم واتوفق :shy:

ويعطيكم العافيه

جربي زينه اللي في صالون جاك ديسانج حلو الويفي اللي تسويه , قوليلها ابي نفس اليسا وبتسويه لج ان شاء الله عروس

حبيبتي انا جربت ام راتب شغلها حلو
انتي راويها صورة للتسريحة اللي تبينها اضمن لك عشان تفهم شتقصدين

remeiaفديتج دووم تساعديني

ناتلي

مشكوووره حبيبتي واذا تقدرين اتطرشين لي رقمها عالخاص

يعطيكم العافيه

remeiaفديتج دووم تساعديني

ناتلي

مشكوووره حبيبتي واذا تقدرين اتطرشين لي رقمها عالخاص

يعطيكم العافيه (f) (f)

حبيبتي عندج وحدة اسمها ليلى وصالون لينا في المرخية روعة ووحدة اسمها نعمات

مشكووووووووووره يا قلبي العنبوره

مشكووووووووووره يا قلبي العنبوره
:angry:

:angry:

شـدعوووووووووووووووووووووووووه شدعووووووووووه وينكم عاااد ردوا
كله يسفهون لي :pain:

تبين تسريحات حلوة ومبتكرة ونااعمة والسبري يكون اشوي …… أنصحج بوحدة اسمها لبنى حبوبة وعادي فهميها انتي شنو تبين بالضبط وهي بتسوي لج ….

مافي افضل من مرسيدس فنااااااااانه

خواتي القطريات 2024.

مرحبا

حبيت اسئلكم خواتي عن صالون قنطار الي في السد شلون مكياجهم ومن احلى واحده تحط عندهم

وحبيت اسئل من تمكيج حلو وتجي البيت

وشكراااااااا

حق البيت >> ميرا

مكياج قنطار غالي عالفاضي

انا سويت عندهم حق حفلتي الاساس مالهم ساح وتشقق

شدو العين كان جدا عادي وبسيط واستخدمت بس فرشاه وحده حق كل الالوان مع انها فرشاه كحل!

غير ان ادواتهم كانت مفتوحه ووصخه واللي تحطه في ويهج تحطه حق غيرج!

يعني ببساطه مو ذاك الزود في احلى منه

بس شفت وايد بنات يمدحونه بس انا ماعجبني

تحياتي

طيب حد سمع بصالون لينا الي فالمرخييه

شكراا

لينا تساريحه البف والكيرلى حلو

لكن مكياج بصراحه ماعندي خلفيه

مكياج خلود الكلدي روعة ولا يعلى عليه بصراحة سوت لنا مكياج في عرس بنت خالي والله الكل سال عن مكياجنا اتيج البيت ونفسيتها حلوووووة وبنت عسل وحاجزتها بعد في شهر 12 لعرس قريب لنا لو بغيتي ثقيل ولا ناعم سبشل وخطوبة وهدية عروس بتسوي لج نصيحة مكياجها وايد راقي ونظيف وهاي رقمها ومب مقصره معاج 5369965 والكل راح يسال عن مكياجج مثل ما استوى لنا انشاللله اكون ساعدتج موفقة

:Zd_bye_3::Zd_bye_3:

يالقطريات الفزعه 2024.

بسم الله الرحمن الرحيم

يابنات قـــطر .. محتاجه لفزعه
عرس اختي بعد كم شهر ..
وقريت بالمنتدى عن صابونه التبييض
أسمها "سفيــد أب" وابي أخذها لاختي
ولي طبعاً :cool2: ممكن تخبروني وين ألقاها

ماخليت عطار ما رحت له .. يقولون بتحصلينها بسوق الايرانيين
وين سوق الايرانيين اللي بسوق واقف ولا غير

ساعدوني .. يقولووون نتايجها مضمونه ميه بالميه
لإنها صابونه اعشاب .. احسن من البابايا وغيرها

يالله نفيد ونستفيد

انتظر الرد … بليززززززز لا تسفهوني

هبوب

السلام عليكم ورحمة الله وبركاتة
هلابك هبوب
اختي هالصابونة ماسمعت عنها قبل هالمرة بس اظن بتلقينها في العالم الجديد لانة فية من هالنوع عندهم
وبالنسبة لسوق الايرانيين هو نفسة اللي بسوق واقف بس من الناحية اللي ورا مشاهد سوق الاحمد من الخلف فهمتي غاليتي
اتمنى انة تلقينها والفال لج انشاءلله

😥 😥

حــــــــرام عليكن يا بنات قطر
وانا قلت من راح تشوفون الموضوع
بتردن علي ما توقعت هالسفهه
حرررررام والله محتاجه اعرف وين ألقاه

همتــــــــــكن معاي .. واكون لكن من الشاكرات

هبوووووووووب

أختي أملااااااااااك شكراً حبيبتي على الرد

حبيبتي انا ماعرف عن هالصابونه شي ولاعرف من وين ممكن تحصلينها بس عندج NADREEN حبيبتي ممكن اتساعدج هي اتعرف كيف يسوودنها ….عندج ياها سوي معاها تحقيق وفكي روحج
سويها بروحج وانشاء الله تنفع معاج

تحياتي
اختج
#رومانسية#

والله ودي اساعدج بس ماسمعت عن هالصابونه

بس جربي صابونه الطاووس انا اجربها واحسها وايد اوكي طبعا مع حمام مغربي

انتظر الرد … بليززززززز لا تسفهوني

والله ياحبيبتي ماودي اسفهك لكن منيب قطريه

اتمنى تلقين طلبك حبيبتي

يبيعونها في المعرض اللي يسونه بين كل فتره بس ما انصحج انصحج بوايت سكين صابونه عجيبه بعد من المعرض

سمعت عن هالصابونه في المنتدى بس ماجربتها ولا شفتها

بس اذا قالوا لج البنات تلقينها عند العطار

روحي العطار اللي عند السوق ،، اعتقد يسمونه سوق الأيرانيين

هو عند سوق الأحمد في شارع حمد الكبير

بنات وين احصل صابونة الطاووس

عمري قطر

فديتج والله مادري وين يبيعونها

فزعتكم يالقطريات بسررررعه بليزززز :( 2024.

بنات قطر بليز ابغي رايكم في أمينــــــه الجاســــــم ؟؟

قبل 10 – 2 – 2024 م

لاني حجزت عندها عروس

ماعندي فكره

وبنات قطر مايقصروون انشالله

ماشاء الله عليه رسوم العيون عندها ممتاز بس عيبه البودره تبعها تشقق لكن عطيها البودره تبعك وخليها تحطلج منها لكن باقي الخطوات عنها روعه من عيون وتحديد انف ….الخ ممتاز

تسلمين حبيبتي ..

والباقي وين رايكم يهمني بليزززز عروس

مايعجبني مكياجها وايد …. لان بودرتها بيضه شوي …. بس اذا انتي شايفته وعاجبج خلاص … عروس

والله ماقد جربتها ولاشفت مكياجها

وانشالله البنات يفيدونج اكثر عروس

مكياجها ماعليه كلام بصراحه ومثل ماقالوا البنات عطيها بودرتج وقوليلها ماتبيضج وايد

مع خالص حبي

اذا تحبين الدفش بيعجبج ماعجبني بصراحه
وحتى الهام ماانصحج فيها

والله يوفقج

هلا اختى انا بصراحه شفتى على رفيجتى مرتب مكياجهاا وحلو بس ماحس انها تغيرر لان شفت رفيجتى نفس ماهي مافي اي تغير ويبلها شوى تبرز العين بس مرتب مكياجهااا(f)

تسلمون ياحلوات .. بس انا بحط عندها وللعلم العرس مب قريب يعني بحط ميك اب وبقعد مكاني عروس

اعلان للطالبات والمدرسات القطريات!!! 2024.

أحب أعلن لجميع الطالبات والمدرسات والباحثين والباحثات في قطر عن وجود أخت فاضلة تقوم بطباعة الأبحاث والدراسات باللغتين العربية والأنجليزية. كما وتقوم بعمل عروض البوربوينت للمشاريع.

كما وأن اسعارها ممتازة جداً ومنافسة للكثير من الاسعار الأخرى…

كما تقوم بعمل الصور للهدايا والتغليفات الأخرى…بالحجم والشكل المطلوب…

اللي يحب يتعامل مع الأخت يرسل لي وبرسلها الرقم على الخاص…

ومشكووووووريييييييييييييييييييين

وسلامتكم،،،

مساعده من القطريات 2024.

السلام عليكم ورحمة الله وبركاته

هلا اخواتي بغيت تساعدوني ودلوني على وحده تعلم الطبخ (للشغالات)

لان شغالتي فلبنيه توها جايه وكبيره بالسن ولا تعرف تقرا على مااعتقد ماعمرها اشتغلت من قبل وتبون الصدق توهقت معاها لا اعرف اكلمها ولا شي

فياريت اذا تعرفون حد يعلم الشغالات الطبخ لاني انا موظفه ولا عندي حد يعلمها

ومشكورين مقدما

للاسف ماعرررف

اختي افضل شي انا الخدامة اول مرة تشتغل علشان تعلمينها على يدج
المركز اللي يعلم الخدامات عندج مركز الشيف في مدينة خليفة الجنوبية اطلبي الرقم من استعلامات لكن فهميها انا النضافة اهم شي لان المركز يعلم لكن النضافة مش ولابد الافضل بعد تعلمينها انتي

اتمنى اني ساعدتج بايييييييييييييي

مشكوره سحابة حب

مشكوره شيرازيه بس بغيت اسالج هالمركز وش نوع الاكلات اللي يعلمها (( يعني يعلمها طباخ خليجي والا لا)

في انتظار الباقي

ينقل لركن المطبخ والمائدة

مشكلة والله

الله يعينك

عسى البنات يساعدونك

وينكم

حبيبتي اسفة تأخرت بالرد عليج بخصوص الدروس هي المحاشي بجميع انواعها المهلبية والكريم كراميل الكيكات اللرز الاساسيات في المطبخ

منتجات الbeesline . المجربه تدخل والقطريات اذا يعرفون وين تنباع قولوا لي 2024.

ابي اعرف عن هالماركه وكريماتها

واللي استعملتها شلون عن نتايجها ؟.؟

وهل في منها فقطر ؟؟

وياريت تكتبون شنهي الكريمات منها اللي تبيض البشره و الجسم والزيت اللي حق الجسم

عشان اوصي اخوي اذا مب موجوده هالكريمات فقطر يجيبها لي من لندن ..

افيدوووني الله يخليكممم

سلام أختي
هالماركة موجوده بالبحرين بالصيدليات وبالتحديد صيدلية رويان ولها كذا فرع بالبحرين
وانا كنت من محبيها بس ما دري هالشهور غيروا العبوة وصارت تتعبا بالسعودية فالمفعول موش مثل الاول
لكن الديودرنت فضييييع ما ينشف ويجفف البشره يرطبها وتتشربه البشره بسرعه..وبالفعل هو من بعد استخدام بسيط بتلاحظين ان اي اسمرار بالإبط رح يخف بسرعه لان المواد الي به طبيعية و مو عطرية يعني خوش ديودرنت خذي وما رح تندمين وانتجوا مثل ما خبرتك مجموعة جديدة بالورد وبكذا نكهه بس ما جربت منهم غير الي من غير عطر
والصابونا ت حلوه
اما الكريمات فجربت تبع تبييض الوجه لاني ابي اوحد لون الوجه ما نفع معاي ولا مع ربعي وخواتي
وبعد كريم العين ما نفعنا بس يرطب ولكن مو ذاك الزود
هاذي تجربتي مع بيييييز لاين ودعواتي لج بالتوفيق

بصراحه ماعرف عنها الا انها ماركه طبيه وتلقينها بالصيدليات

والبنات يمدحونها بس انا شخصيا ماجربتها

مثل مقالت اختي ظبيه ان هذي المنتجات موجودة في صيدليات البحرين ،،
انا جربت مرطب الشفايف وااايد حلو اهو ستيك اصفر بالعسل وفيتامين E

مثل ما قالو الخوات الديودرنت فظيع ومع الاستعمال راح تلاحظين ان المنطقة بدت تفتح وكلامي عن تجربة

حبيبتي المنتجات كلها بتلاقينها في صيدلية خلود الي في المرخية عند برجر كنج

والله حالي من حالج ادورها بقطر مانزلت

ودي استخدم كذا شي منها وبالذات الديدودرنت وكريم التفتيح مع الصابونه

اذا لقيتيها قولي لي عروس

اقتباس

المشاركة الأساسية كتبها ماركات


	حبيبتي المنتجات كلها بتلاقينها في صيدلية خلود الي في المرخية عند برجر كنج

ياريت تجارب اكثر:sad:

انا استخدمت مرطب الشفاة مرة حلو