السلام عليكم ورحمة الله وبركاته
اذيكو يا قمرات
ده اول موضوع ليه فى المنتدى وياريت نشجعونى
وهبطل رغى وادخل فى الموضوع علطول
عاوزة ريحة الثوم مش تلزق فى شعرك وتحطى ثوم وانتى مطمنه
والحل لو لزقت فى شعرك
وبذر قاطونه والحنة والمشاطوالموز والماسكات مش يلزقو فى شعرك
والبخاخة تبوظ لما تحطى فيها ميه اعشاب مطحونه ومصفيه
والرز يعفن لما تطحنيه وتخزنيه
طبعا فى بنات يشوفو وصفه فيها ثوم ويسمعو شعر فى الثوم تقوم جرى تحطى مع زيت وتعملو حمام زيت
وبعدين تغسله تلاقى لسه فى ريحة تعد تغسل لحد ما الشامبو يخلص ويبقى لسه فى ريحة
ومش عارفه تعد جنب حد وكل ما تيجى جنب حديقول فى ريحة توم
وتعد بالشهور فى شعرها وتموت شعرها من الغسيل
وكده تكون ضرته اكتر ما نفعته
الحل باه
تجيبى الزيت يا قطه وتضربى معاه الثوم وتسيبيهم منقوعين تلت اربع ساعات كده او نحطيهم لى النار
كده الزيت خد فوايد الثوم
وبعدين تجبى حته قماشة قطن خفيفه
حاجة شبه فلنه اخوكى الصغير ههههههههه
او شراب فيليه وتحطيه على كوبيه او طبق
وتحطى فيه الزيت بالثوم وكله وتصفيه
ومتصقيش بالصفايه لانها مش دقيقه
وهتنزل ثوم بردو
وانا عملت كده مع زيت ضربت معاه ثوم وجرجير ومجرد ما حطيت البونيه على راسى مكانش حد عارف انا حطه ايه على راسى ومجرد ما غسلت بالشامبو مكانش فيه ولا نقطه ريحة
والزيت هستعملو كام مرة وهقولكو على النتيجة وكل حاجة عنه بالتفصيل الممل وكده تحطى ثوم وانتى مطمنه
والحل لو انتى حطيتى ولزقت خلاص الحل الوحيد الحنة
بس طبعا مش هتعرفة تضبغى
بس ده الحلى الىحيد ان شاالله تعجنيها بميه وتحطيها ساعة هى اللى هتشيل الريحة على فكرة انا قبل الحنه ببشر بصلة وباخد ميتها واعمل بيها مساج لراسى وبحط الحنةولا حد بيعرف ان حاجة حصلت
واى نعم هتبقى ريحتكو حنة بس ارحم من البصل والثوم
2- بذر القاطونه
تيجى واحدة تحطو على شعرها الجل بالبذر بكله وتسيبه ينشف على شعرها
هتيجى تغسله البذر مش هينزل من شعرها وهيلزق
تقول هصفيه بالصفايه مش هينفع لانه جل وبيبقى كتله و مفيش نقطة واحده هتنزل
الحل تجيبى شراب فيليه وتحطى فيه الجل بالبذر وتعدى تعصريه جامد معلش هيتعبك فى التصفيه
لانه جل بس ارحم ما البذر يلزق فى شعرك
ولو حطتيه لوحده ممكن تعدى بيخ مع اى حد ومحدش واخد باله لانه مش ليه ريحة
وممكن تغسليه من غير شامبو لان شعرك هيبقى امتصه
3-الموز
لما تحطى ماسك موز هتيجى تغسلى شعرك هتلاقى فىحاجات صغننه كده عامله زى القشر فى كل شعرك وهتعذبك وانتى بتغسليه ومش هتنزل بالمشط لوحده
الحل تحطى على شعرك بلسم او حمام كريم وتغرقيه ده قبل الشامبو طبعا
وتفقى تحت الدش وتسرحى شعرك بالمشط وياريت يكون ضيق وهتنزل كل حاجة
وبعدين تغسلى بالشاامبو وتحطى البلسم او حمام الكريم بتوعك عادى خالص
4-الحنة
فى ناس مش بيحبو يعملوها عشان الهدة بتاعة الغسيل
بس الحل تدخلى تحت الدش دقيقتين كده لحد ما تنزل من شعرك طبعا مش هتكون
نزلت كلها هتعملى زى الموز بالظبط وكل حاجة هتنزلمن شعرك
على فكرة انا لما بعمل الحنة مبتاخدش فى غسيلها 10 دقايق
5-المشاط
هو المفروض اصلا انك بتاخدى كوبايه ميه مغليه وتحطى عليها معلقة مشاط او اتنين
وتسيبيهم يتنقعو لحد ما يبردو وتصفيه وتاخدى الميه تدهنيها على شعرك وفروتك وتسيبيها كام ساعة
وبعدين تغسليه وممكن تحطى على الميه اى اضافات
زبادى زيت اى حاجة
اما اللى بيعملو زى الحنة كده يبقى هيتغسل زى الحنة بالظبط
وعلى فكرة انا مجربتوش قبل كده
6-ريحة الماسكات
الحل بردو تحطى حمام كريم او بلسم قبل الشامبو وتسرحى تحت الدش حتى لو الحاجة مش لازقة فى شعرك
وان شاء الله الريحة تنزل
وفى حاجه لسه هجربها بعد الشامبو والبلسم او حمام الكريم تجيبى لمونه وتضربيها بقشرها فى نص لتر ميه وتصفيه وتشطفى بيه شعرك وتسيبيه ولما ينشف تشطفى شعرك بميه عاديه
وككمان بتلمع الشعر اوى
7-البخاخة
انا بعمل ايه كل يوم انقعلى اى عشيه فى ميه مغليه وانا دايما ببقى طاحنة كل الاعشاب
وبعدين اخدها احطها فى البخاخة وابخ على شعرى
او مثلا لو هعمل ماسك انا دايما بعمل الماسكات على شعر رطب
فبدل ما ابل شرى بميه ابله بميه اعشاب
ماشى المهم باه
انى ايه كنت نقعه مرمريه
فى ميه وصفيتها بالمصفة وخدتها وحطيتها فى البخاخة
بخت بختين ووقفت
اتاريها اسدت من الحاجات اللى نزلت من المصفه
وطبعا فككت البخاخة ميت حته وعملتله عمليه جراحيه فى المخ هههههههههههه
لحد ما نضفتها
ومن ساعتها وانا لازم اصفى الحاجة فى قماشه قبل ما احطها فى البخاخة
وياريت تتعودو تعملى كده مع الحاجات المطحونه لو مش مطحونه خلاص مش مشكله حطوها فى المصفى
8-الرز المطحون
اه يارزى ياللى كذا مرة يترمى
ليه لانى كل مرة اجى اعمل ماسك رز لوشى اقول هعمل كميه واشيلها
واجى اشيلها تعفن ليه
لحد ما اكتشفت ايه اللى بيخليها تعمل كده
انى بجيب رز انقعه فى ميه بارده 5 دقايق
لانه لو طحنته كده من غير ما يتنقع مش هيطحن كويس
ماشى وينشفه فى حته قماشه فطبعا مش بيتنشف كويس
واطحنه واشيله فبيعفن لان فى ميه
الحل
انى بعد ما اطحنه اسيبه يوم فى الشمش فبينشف وام اشيله مش يعفن وفعلا لما عملت كده مش عفن
ويارب اكون فدتكو ولو بحاجة بسيطه انا عارف انه مش فيه وصفة او كده بس حاجات
مهمة وفى ناس كتير بتحتاجها
واى حاجة افتكرها هاجى اعترف علطول ههههههه
ولو عجبكو الموضوع ادعولى
والتقييم والردود اللى تفتح النفس
عشان محضرة مواضيع كتير حلوة
لانى خدت الاجازة ووووووووووووووقاعدة طول النهار اخترع معلش رغيت كتير اوى ودوشتكو
هههههه اعتبرونى اختكو
والسلام عليكم ورحمة الله وبركاته
عندي سؤال عن لما انقع البابونج مثلا واصفيه واحط الميه بخاخ بس يومين وبعدين بيعفن
ماعندك حل له ياقمرررررررر ؟؟؟؟؟؟؟؟؟
وكل سنه وانت طيبه
يسلمو اختي