طبق جديد لكم من أحلى شيف
+**+**+RoOoOmy_M+**+**+
طبق سهل ولذيذ يناسب مائدة الشهر الفضيل
المقادير:-
ربع كوب مستردة
ربع كوب حليب سائل قليل الدسم
كوب من فتات الخبز ( بقسماط )
ربع كوب جبنة بارميزان
فلفل اسود وملح
اربع قطع من صدور الدجاج خالية من العظام
(( الكمية تزاد حسب الرغبة ))
الطريقة :-
1- سخني صينية في الفرن على درجة 400 فهرنهايت بعد رشها بسبراي الزيت
2- في اناء غزير اخلطي الحليب مع المستر مع الفلفل الأسود والملح
3- في اناء غزير ثاني اخلطي الجبنة مع فتات الخبز
4- غمسي قطع الدجاج في اناء الحليب مع المستردة بعدين في اناء فتات الخبز مع جبن البارميزان
5- صفي قطع الدجاج في الصينية
6- تترك في الفرن حتى تنضج ويحمر فتات الخبز
(( ملاحظة : انا تاخذ معاي ثلث ساعة تقريبا ))
7- قدميها ساخنة مع خضار سوتيه
وبالهناء والعافية
صدقوني لذيذة جربوها وراح تدعون لي
تحياتي للجميع
[ALIGN=center]
هــ وغــلا بـأحــلـى شــيـف RoOoOmy_M
ويــا ســلام عــلـى الأكـلــة الــحـــلــوة يــا رومــي
والله يــعـــطــيــج الــعــافــية عــزيـزتـــي
ومـبـرووووووك عــلـيج شــهــر رمــضـااااااان
الله يعافيك اختي
+**+**+ أحلى_عيون +**+**+
سعيدة بمرورك وردك الحلو
جربيها راح تعجبك وتعجبك مريومة
تحياتي لك
وكل عام وانتي بالف خير
ياسلام،،، شكلها وايد لذيد وتحضيرها سهل جدا
ان شاء الله لازم اكيد بجربها
بس المشكلة جبنة بارميزان مب متوفرة عندي حاليا،،، ما ادري اقدر استخدم غيرها؟ وكيف شكلها هاي البارميزان؟ اتذكر دورت عليها في الجمعية وما عرفت اي وحدة؟!!! انا على فكرة توني يديدة على الطبخ فلا تضحكون عليه انزين :pain:
تسلمين الغالية على الوصفة الجنان
الله يسلمك اختي
+**+**+ اوركيد +**+**+
معليش كلنا نتعلم من بعض اختي
البارميزان تتوفر في محلات السوبرماركت الكبيرة خاصة في قسم الأجبان في الثلاجات
طيب جربي تحطين فيها مبشور جبن التشيدر العادي Kraft برضوه طعمها لذيذ
تحياتي لك
اممممممممممممممم
شهالريحه الغاوية
اشم ريحه فضيعه .. واثريها من هالمكان
من مطبخ أحلى شيف
+**+**+ RoOoOmy_M +**+**+
ياسلام .. دياي بالبقسماط والمسترده امممممم
بجربها في السحور بإذن الله
تسلمين الغاليه ..
اقووووووووووول
متى بطلعين كتاب للطبخ شبف
+**+**+ RoOoOmy_M +**+**+
أنا أول من يقتنيه
(wink)
تقبلي خاااااااالص الحب والتقدير
:: لمسات ::
:: نونـــــــه ::
الف شكر
لج عزيزتى تسلمين اعيوني
تسلم ايدج
النونه
الله يسلمك اختي
+**+**+ لمسات +**+**+
انا بعد يوم كتبت الطريقة تذكرت آخر مرة سويتها
واشتهيتها بس أمس كنت مرة مشغولة وما قدرت حتى آكل لي لقمة زي الناس
بس ان شاء الله في أول اسبوع في رمضان
ولمن يطلع الكتاب راح اوقع لك عليه واعطيك نسخة هدية
:cool2:
تحياتي لك يا أحلى لمسات وكل عام و انتي بخير
الله يسلمك اختي
+**+**+ النونه +**+**+
أسعدني مرورك وردك
تحياتي لك وكل عام وانتي بخير
:clap::clap::clap::clap::clap::clap:
سووويت الطبخه اليووم على الطوور وطلعت 
بس عاد تعرفين حركه الحريم .. ما اعرف اقرء شيء واسوي مثله بالضبط
ماحطيت بس ماحطيت مستردة الحالها .. حطيت معاها ثاوزن ايرلند وحطيت صوص الباربيكو وصوص فيه قطع مخلل خيار مره صغيره مع مايونيز وشيليز
وحطيت بهاااراات .. بهار البيتزا وزعتر واشياء مااعرف اسمها يعني فحت دولاب البهار وكبيت كبيت كبيت
وخليت الدجاج يتنقع فيها ساعه بعدين حطيت البقسماط مع الجبن
تسلميييييييييييييييييييييييييييين طبخه رووعه .. بس جربي تنقعينها علشان يطلع الدجاج مره طري
مررررررررره عجبت زوووجي وقالي سووي زيها بس برجول دجاج
الله يعطيك الف عافيه هذي الاكله الي انقذت الفطور اليوم
واذا تعرفين طبخات زي كذا يعني اغلبها دجاج او لحم وسهله وفيها جبن وحتى لو من غير جبن تكفيين لا تبخلين علينا
تحياتي
لك روحي
