الوسم: الموضة

حبيت أطرح لكم موضوع وايد مهم .. بس أرجوكم إقروه للآخر .. وانشروه واحتسبوا الأجر ..

والله ما طرحت الموضوع إلا لأني أحبكم في الله

عباية لازم تلبسن فوقها عباية

الموضوع الي صار موضة هالأيام .. العباية الي صار فستان … ما صارت عباية ستر أبد .. صار فستان .. يحتاج لعباية ثانية تنلبس فوقها .. حتى تستر !!

لأن العباية من اسمها عباية .. يعني الستر .. ونحن للأسف وايد منا ما تعتبر متحجبة أصلاً !!!

وبخبركم ليش ؟؟

البعض منا ( عبايتها عفانا الله ) يا اما مطرورة اقصد فيها فتحات !!

أو كأنه قميص نوم فيها دانتيلات وشفافة من الكم أو الظهر او غيره !!!

أو فيها فصوص وتطريز او ملونة كانه فستان او جلابية !!!

أو راصة على الجسم أو حرير راصة على الكتف او ضيجة !! او ماشابه ذلك ..

عزيزاتي .. والله إن الوحدة منا آثمة إذا لبست مثل هذه العبايات المتبرجة !!

لأنها خالفت الله ورسوله عليه الصلاة والسلام !!

ولفت أنظار الرجال !! بتحصل إثم كل حد شافها من الرجال !! وقلدها من النساء وسارت ولبست مثله او فصلته !!

ترضين يوم الحساب توقفين بين يدي الله … والشخص الي شافج بهالعباية ولفتي نظره سواء كان عازب او متزوج او شو من الجنسيات يقول : يارب فلانة فتنتني !!!!

إتقوا الله اخواتي الفاضلات .. إن الحجاب الشرعي هو الي أمرنا الله به ..

مب أي شي موضة تقلدونه !!!

إنتي هدفج في الدنيا شو ؟؟؟ موضة وبعيش حياتي وبس ؟؟

المفروض يكون حياتي كلها في طاعة الله .. يعني اسوي الاشيا الي ترضي الله سواء عبادة أو مأكل او مشرب او لبس او كلام او فعل وغيره .. المهم أرضي الله .

طيب انا وحدة أكشخ والحمدلله .. ومثلا عندي الخير والحمدلله .. وأقدر أفصل مثل هذه العبايات الي تبلغ العباية الوحدة فوق 2000 !! ولكن ليش أستغله بالمعاصي ؟؟

أستغل جسمي بالمعاصي !! ألبس مثل هالعبايات مثلا !!

وأستغل فلوسي بالمعاصي !! أخالف شرع الله !!

أنا الله بيحاسبي على كل شي يوم القيامة _ صحتي بشو استغليته ؟ فلوسي ؟ وقتي ؟ عملي ؟ علمي ؟ وغيره ..

تخيلي تمشين على الأرض .. والناس راضية عليج وعلى موضتج وكشختج .. ولكن الله غير راض عليج !!

شو بتسوين ؟؟

توبي إلى الله يالغالية … واندمي على ما فات .. سواء كنتي تشترين هذه العباية أو تفصلينها او تبيعينها او تنصحين غيرج انه يلبسها ..

اتفق العلماء الموثوق بهم .. انه لا يجوز لبس العباية المتبرجة ولا بيعها وغيره .

فالتوبة تبدل سيئاتك إلى حسنات . ومن ترك شيئا لله عوضه الله خيرا منه ..

والله أعلم .

أنا شخصياً : مريت بموقف من وحدة من أهلي .. في عمري .. قالت لي : فلانة ليش عبايتج مبهدله مسكرة وسيعة شو ؟؟ أبوج أحيده عنده الخير ماشاء الله وحتى زوج !! تراج مطورة في كل شي الا في العباية ليش ؟؟

كان جوابي توفيق من الله :::: رديت عليها بمثل الكلام الي كتبته لكم بفضل الله ..

وأي سؤال إن شاء الله .. سأجيب عليها كيف ؟؟ بنقل فتوى للعلماء الموثوق بهم بإذن الله .

لأن نحن ما نقدر نفتي من عندنا .. من أفتى بغير علم فليتبوأ مقعده من النار . والعياذ بالله . هذا حديث النبي عليه الصلاة والسلام ..

فقط نقل من كلام الله ورسوله عليه الصلاة والسلام ثم من كلام أهل العلم الموثوق بعلمهم بلا تشد وبلا تقصير يأذخون فقط من القرآن والسنة .

(( فالحذر الحذر يا مسلمة من هذه العباءات.. واعلمي أنها محرمة تأثمين بلبسها وترويجها.. أو الدلالة عليها.. اجعليها سوداء سابغة، بلا خط أو اثنين.. بلا فُصِّ أو عشرة.. بلا دانتيل أو كُلفة.. أو توقيع لمحلٍ راقٍ تباهين بالشراء منه.. وإن أردت التغيير فأين أنت من نفسك؟؟ أين أنتِ من التزين ليوم العرض الأكبر؟؟ واعلمي أن من شروط الحجاب الصحيح: ألا يكون زينة في ذاته.. ألا يكون ملفتاً. ))

اللهم هل بلغت.. . .. اللهم فاشهد.

والله الموفق .

منقوؤوؤول