أهل الولد ما بيرضون وبيقولون تبغي تتزوج وحده ما نعرف من وين محصلنها او من وين جايبنها او متعرف عليها او يقولون تريد تتزوج بنت من بنات المراكز والشوارع . طبعا الولد مستحيل يعمل هذا الشي ويوضع نفسه في هذا الموقف اللي بدايته ونهايته معروفة ، لا و بالعكس بعد ، إذا قال لأهله بيتهمون البنت اللي متعرف عليها بأنها بنت حرام تريد تخدع الولد وتريد ترمي بلاها او مصيـبـتها على الولد..الخ
ملاحظة : حتى لو كانت البنت تقول انا بنت حلال وبنت عائلة معروفة محترمة وسمعتي ما عليها كلام ، هذا الرأي حتى لو كان حقيقة او صحيح فهذا مقتصر عليك وعلى اللي حوليك ، بس اهل الولد ما يعرفون هذا الشيء وحتى مابيفهمون هذا الشيء وخاصتنا في مسئلة الزواج ( وخاصتنا لانة ولدهم تعرف عليك بالترقيم… وغيرة ، وهذا الشيء يدل على انة البنت مب زينة و مب محترمة واخلاقها تعبانة والتعارف بالترقيم وغيرة سمة او صفة تـنـتسب لبنات الشوارع والمراكز ..وغيره
وطبعا الشباب عندهم كذبة معروفة لهذي المسئلة يقولون للبنت انه بيقول لأهلة انك صديقت اختي اوعرفـتـك عن طريق اختي وأنتي صديقتها وخلاص وفي طبعا كذبات اخرى على حسب الوضع
تحسون من هذي الكذبة اوالخطة لتغطية العيوب والعيب الكبير في علاقتهم والخروج عن المألوف(وهم ما ذكروها الا لأنهم يعرفون ان في شيء مب طبيعي في علاقتهم) ، وأنها في الأصل كذبة وليش هو مطر للكذب مدام هذا الشيء مب عيب او يجوز (هذي الكذبة مخصصة للبنات) ثاني شيء حتى من هذي الكذبة لو كنتي مصدقـتـنها هو بيكذب على أهلة على امة وأبوه ، هل تتوقعين من واحد مثل هذا الكذاب انة ما يقدر يكذب عليك بعد?! ، واذا هو قالك انة يكذب عشان هو يحبك وانة بيكذب على اهلة عشانك وعشان هذا الحب ، انا اقول هو يكذب عليك عشان تستمرين معاه في علاقتكم وبس . وفاقد الشيء لا يعطية
واذا جالك انا برتب مع اهلي او انا متفاهم وياهم ، تتحرين هذا الكلام بهذي السهولة تتحرين انة هو يوم كذب عليك يقدر يكذب على اهلة وخاصتـنا مع ابوه أسئلتهم بتختلف عن الأسئلة اللي تسئلين فيها نفسك وتسألينة فيها هذا الكذاب اللي متعرفة عليه ، وشعورك وانتي تسألين هذي الأسئيلة تختلف عن شعور أهلة وخاصتنا ابوه يعني انتي شعورك تريدين منة انة يطمنك بانة مب كذاب ويريد يتزوجك ، لاكن أسئلة الأهلة لازم يكون فيها استنكار لهذا الشيء ولازم في نوع من الرفض يختلف عن نوع سؤالك ، انتي سؤال في نوع من الترجي والطلب عشان يتزوجك
منقول
أختي انا متزوجه تقريبا من أربعه أشهر..وزوجي شافني فالدوام مره وحده بس ..وبعدين راح عند اهله وقال ابا اتزوج هالبنت لكن لأسف رفضوا لانهم يتحرون انه بيني وبينه علاقه. ويريدونه يتزوج من الاهل كان اصرار زوجي أقوى من رفضهم بعد شهر تقريبا وافقو على الزواج .. والحمد الله صار كل واحد من اهله يحبني حتى ابوه وامه صارو يتولهون علي
أدا الولد صدق مصر على أنه يتزوج من البنت الي يعرفها ما بيغلبه حتى اهله…
🙂
عاشوووه
اللة ايةفقج يارب اتعرفين المجتمع والناس ما ادري ليش جذية يحكمون على طول
أختى التمساحه بقولج شئ ومثل ما قلت الاخت عاشوووه أذا الولد بغاء
وحده ما بيغلبه شـــــــــــــئ وخصوصا الحين ..
بقولج علي شئ اناااااااا أعرف وحده قريبه مني واااااااااايد تعرفت علي
واحد علي الانترانيت وصدفه كان في نفس المكان الي تشتغل فيه
وتزوجته والحين عايشين ومرتاحين وحااااااااامل بعد …
الوقت تغير والحين الولد الحين بيقول لزم يعرف البيت وهي كيف تصرفتها
شخصيتها كل شئ عنها ..
هذا راي
وتحياتي
بنت ديره
:shy:
صحيح كلامك……
أختي عاشووووه……الرجال بس شافك…….ولا صارت علاقه بينكم من
قبل…….
حبيبتي تمساحه…….لاحظتك في كم موضوع……مقهوووره من نظره
المجتمع…….(الحب)
التمساحه
الله يعطيك الف الف عافيه عزيزتي على هذا الموضوع الرائع
والتي تفتحين فيه نقطه حساسه جداا ونجدها كثير هذه الايام بنينا
بس برايك ماهو الحل لهذا الشى.. صح كل كلمه تناولتيه في موضوع
بس نفكر في حل.. انا انسانه اعمل وغير متزوجه صارت في عمر ما يقارب
الثلاثين ولم يتقدم لخطبتي احد.. لديه زميل بالعمل يحترمني واحترمه جداا
جاء يوم وطلب فيها يدي بكل جدية.. ماهو احل في رايك؟؟
اولا: هل اخبر اهلي بان فلان يحب ان يتقدم لخطبتي وهو زميل في العمل؟
ثانيا: هل اخترع الكذبات والحيل على هلي حتى يمر عليهم الموضوع؟؟
ثالثا: هل يأتي يتقدم لخطبتي وستنكره بأني لا اعرفها ممكن كان يشوفني
انا لا اشوفه في العمل؟؟
طيب هل كل هذا تمر بسلام على اهلي؟؟ ام هناك نظرتهم الخاص التي سوف تتوجه لي؟؟
اجد كل هذا الامور صعبه بس كلها بإرادة الله تعالى لو كتب نصيب في هذا الشخص
سبحان الله الاهل سوف يتقبلوا الامر من غير ما اينظروا للرجل من اين يكون هذا
بس بعد اقول لنقاش هو الحل حتى نصل إلى بعض المفاهيم الصحيحة
تحياتي القلبية لك دائما
بسم الله الرحمن الرحيم
ماشاء الله عليج يالتمساحة والله موضوعج وااااايد حلو!!
حبيت أشارك فيه لأنه صديقتي مرت بهذا الموقف…..
حبت واحد وبعد مرور الأشهر قال لها أنا لما بروح أكلم أهلي بقوللهم إني كنت مار عندج الدوام أخلص معامله وشفتج وعجبتيني….
المهم صدقته المسكينه!! بس سألته ليش تسوي جي!!
قال عشان أهلي مايعايرونج بعدين!!
المهم صار اللي صار وكلم أهله وتقريباً موافقين إلا جدته!!
ومايعرف كيف يتصرف معاها؟؟!!
بس مثل ماقالوا الخوات اللي يبقي حد يسوي المستحيل عشانها!!
بس الله يهدي الجميع وربنا يستر علينا 😮
في هذ الوقت منو مايحب
حبيبتي
سمعي يعني شو بيفرق اهله اختاروا ولا هو اختار
على الاقل اللي يحبها يعرفها زييين
ولو ماكان واثق فيها ماااااخطبها
والواحد ما يضمن هاي اللي اهله خطبوها عندها علاقات ولا ولا
اكييد مافي وحدة بتقول اني اكلم شباب ولا احب
صح ولا
السلام عليكم ورحمة الله وبركاته
هذا الموضوع حساس حيييل ومشكورة اختي اللي طرحتيه خاصة اني هاليومين اعيش حاله نفسيه سيئة بسبب مشكلة من نفس هالنوع صايرة مع اقرب انسانه لي وحبيت استشيركم فيها ..
اهي والشاب تعرفوا على بعض عن طريق النت ومع الايام توطدت العلاقة بينهمم وصاروا يحبون بعض وعاهدها انها له وهو لها ومارح يفكر بغيرها طول ماهو عايش ، المشكلة انه كويتي وهي سعودية وكل واحد بديرة طبعا وماهي عارفه شتقول لاهلها من وين عرفته وهو كان دوم يطمنها انه مارح يواجه صعوبة مع اهله وهي خايفه تقول نفس الشي اللي قلتيه اختي تمساحه اش راح يكون راي اهله فيني راح يقولون متعرف على وحده وتثق فيها خايفه من نظرتهم لها قالها بقول كنت مع صاحبي وانتي مع اخوك وصاحبه صديق اخوها ولماسلموا على بعض هو شافها ومن يومها تعرفوا على بعض ،، ابي اسالكم خواتي تشوفون القصة معقولة وهل ممكن اهله يتقبلونها ؟؟
المشكلة الاكبر انه كل ماقالتله افتح الموضوع مع اهلك عشان ننتهي من هالسالفة يقول والله الظروف الحين ماتسمح والوضع صعب في البيت وهي طبعا صارت خايفه ومتشككة انه يضحك عليها ويماطلها مع انه طيب ومبين عليه يحبها وللحين متمسك فيها بس صراحة الواحد مايضمن شباب هالايام ؟؟
برايكم اشلون تتصرف عشان تنهي هالموضوع تجبره يتقدم والا تقطع صلته فيه ؟؟ والا هذا الشي ممكن يخليها تخسره لو هو فعلا يبيها بس عنده ظروف اقوى منه ؟؟ اتمنى تردون علي بسررررعة
اختكم
Ghadi
انا مع الإخت غرنوجة في انه يمكن الأهل يخطبون وحدة بس تطلع علرفه ميت شاب بس لانهم شافوها في بيت الإهل محترمه ما يعرفون شو تسوي من وراهم بس على الأقل هذا أهون من اني ازوج اخوي او ولدي لوحده من البداية اعرف انها ترمس شباب ولا عاد كيف عرفت ولدي ولا أخوي ولي عينها زايغة او تعرض نفسها على الشباب كيف اضمن بعد الزواج ما تم تدور عن ربع غير زوجها ومثل ما تقول أمي دايما خذها من عند ريال وقبضها ريال مب خذها من الشارع أو التلفون أو الإنترنت حتى اخوي مره طرى الموضوع لربيعة قاله اربيعة لا تفكر ابد ربعي الي في الدوام ومتزوجين بالإنترنت مب مرتاحين كل ما راحو الدوام وييلسون اسبوع ما يشوفوا اهلهم الا في الإجازة يوسوسوا ويخافوا من زوجاتهم لانهم يشكون فيهين يقولو مثل ما تعرفوا علينا بيتعرفوا على غيرنا
وبقول ليكن سالفة واحد متزوج يشتغل في ابوظبي ومودر حرمته في الإمارات الشمالية اتعرف عن طريق الإنترنت على وحده ومات عليها عجبته فقال لها من تواعد في نص الأسبوع في مطعم الفلاني فوافقت وراح الحبيب يلاقي البنت في المطعم تعرفون منو لقا ؟؟؟؟؟؟؟؟
كانت حرمته!!!!!!!!!
هو صحيح ممكن حد بعد ما يتزوج يتوب لكن كيف بيضمن الطرف الثاني
والسموحة
البيض مع المايونيز ودي عن نفسي جربتها وكانت جميلة جدا وموضوع الحكة والله ما خد بالي لكن أختي تعملها وتقول مع كتر الاستعمال تحس بالحكة 😮