الوسم: bath

السلام عليكم و رحمة الله و بركاته ..(f)

عزيزاتي .. عروسات المنتدى .. اليوم جايبة لكم فكرة حمام رومانسي تدلعين فيه الزوج .. الفكرة قديمة يمكن و كثير سووها .. بس حبيت أعرض لكم افكاري فيها و كيف سويتها .. و ان شاء الله الكل يستفيد و يطبقها (a)

في البداية .. لا تنسون يا الغاليات ذكر الله .. ما شاء الله تبارك الله (f).. حتى لو ما عجبكم شي

جتني الفكرة و انا جالسة و تأخر زوجي في العمل .. فكرت اني اعمله شي يروقه و يريحه اول ما يرجع من الدوام و شي جديد و من غير ما اتكلف .. يعني اخذ الموضوع كله بتجهيزاته ربع ساعه تقريباً .. و كل شي متوفر عندك في البيت (a).. و الاحلى و الاحلى انك تبسطين زوجك و تريحينه و تدلعينه .. و يكفي تشوفين البسمة الحلوة على وجهه و كلمات الشكر .. و فوق هذا كله .. ترضين ربك .. لانك ارضيتي زوجك (f)(f) طبعاً انا حبيتها تكون كشكر مني لزوجي على وقفته معاي في الفترة الماضية فترة اختباراتي … عسى ربي يخليله لي و لا يحرمني منه .. و يسعد جميع العروسات بأزواجهم يااااااااااارب

نبدأ الحين بسم الله .. خطوة خطوة ..

اول شي كانت فكرتي اني أرتب الممر المؤدي للحمام – كرمكم الله – .. انا عندي ممر طويل من باب السويت حقي لباب الحمام – كرمكم الله- على طول بدون ما يمر بغرفة النوم او الصالة .. فاستغليت هذي النقطة .. جبت طاولة بنية عندي و حطيتها في الممر جنب باب الحمام – كرمكم الله – .. و حبيت ازينها بشرشف و ورود مجففة و شموع (f).. بس هينا جت المشكلة ما لقيت شرشف يناسب حجم و لون الطاولة !! و طلعت افكاري ..(a) جبت غطايين للمخدات اضافية عندي لونهم بيج يمشون مع لون الطاولة البنية ..

جبت غطا المخدة الاول و لفيته بطريقة لولبية :tongue: و ربطته من الاطراف بخيط رفيع قريب من لون الغطا بحيث اني اثبته .. و جبت الثاني و سويته بنفس الطريقة .. و بعدين رتبتهم على شكل قلب فوق الطاولة .. و نثرت حوالينهم رورود مجففة و الشموع المعطرة :15: .. بهذي الطريقة ..

و بعدين احتجت اوراق و اقلام و اسكتيرات .. عشان اكتب اللفتات .. طبعاً كان ودي اسويها بالكمبيوتر احلى و ارتب .. بس مثل ما قلت لكم ما كان عندي وقت ابد .. – بس انصحكم إذا بتسوونها سووها بالكمبيوتر احلى و ارتب و حطي صور و شغلات رومانسية مرة بيطلع شكلها جنااااان (a)-

طبعاً استغليت استكيرات قلوب لقيتها في مكتبي الظاهر حقت وحدة من صغيرونات العايلة:tongue: .. وطبعاً راحت عليها 😮 وهذي هي ..

جبت ورقة و كتبت عليها هذي العبارة ( ضع اعراضك الشخصية هنا من فضلك دون الذهاب لغرفة النوم ) و علقتها فوق الطاولة البنية إلي جهزتها .. بحيث انه يحط اغراضه الشخصية ( محفظة – قلم – مفاتيح ..وووو إلخ ) وسط القلب إلي سويته .. و هذي صورة الورقة ..

—>> الخط يفشل لوووووووووول 😮

و بعدين جبت سلة الملابس الوسخة إلي عندي و حطتيها بالجانب الثاني من الممر و كتبت فوقها ورقة ( حبيبي ..ضع ملابسك هنا من فضلك .. كل ملابسك :wink و علقتها فوق سلة الملابس ..

طبعاً من العجلة بدل ما اكتب هنا كتبت أنا لوووووووووووووووووول 😮 يقول زوجي قريتها ولا عشر مرات إلي فهمتها !! خخخخخخخخخ

و هذي شكلها مع سلة الملابس..

و بعدين كتبت ورقة أخيرة و علقتها على الباب ..

و كتبت اسمي طبعاً 😉

و بعدين جبت روب الحمام حق زوجي .. و عطرته و بخرته .. و لفيته بطريقه حلوة داخل بوكس لقيته عندي من هدية قديمة جابتها لي وحدة (a)

و حطيت بوسط الروب رسالة شكر و كلام حب و هالحركات :tongue: تقدرين تكتبين كل إلي بخاطرك فيه .. حتى لو خاطرك بشي تشترينه صديييييييييييييقني بعد الحمام و الدلع إلي بيدلعه كل شي بيقوله لك حااااااااااااضر :tongue: – كيدهن عظيم (6) – لوووووول

نرجع للتجهيزات .. بعدين نثرت بتلات ورد على الممر كاااااااااااااااااااامل .. (f)

و الحين نجي عن تجهيز الحمام – كرمكم الله – و البانيو ..

اول شي بعد ما غسلت الحمام و نظفته و عطرته .. نثرت ورود مجففة حوالين البانيو مع الشموع المعطرة ..:15:

وهذي صورة من جهة ثانية و الانوار مسكرة..

و على المغسلة كمان ..:15:

و الانوار مسكرة ..

و بعدين جبت البوكس إلي فيه روب زوجي و حطيته و حوالي شموع بعد ..(f)

و بالاخير جهزت أملاح البانيو و الرغوات من زهور الريف ..روائحهم مررررررررة خطيرة
و جهزت كاسين بمشروب بارد .. عشان نخفف حرارة الموية شويه بهالجو البارد (a) و طبعاً استخدمت الكاسات المضيئة عشان تعطي جو حلوووو و رومااااانسي ..

في النهاية .. هي مجرد فكرة بسيطة و تنفيذها ما يحتاج اي تكاليف ..كل شي متوفر في البيت و لا ياخذ ولا وقت اببببببببببببداً.. بس شوفي كيف فرحة زووووجك لما يشوفك مجهزة هالحمام الحلوووو و لابسة و كاشخة له .. (a) تسوى الدنيا و ما فيها ..

اتمنى انه جميع العروسات الحلوات يستفيدون .. و هي مثل ما قلت فكرة جداً بسيطة .. بمقارنة مع الافكار المميزة و الرائعه إلي تعرضونها في المنتدى .. و لكن حبيت اشكاركم جزء من افكاري البسيطة إلي على قدي :wink:..

تمنياتي للجميع بحياة زوجية هادئة و سعيدة ..

و إذا عجبك موضوعي و استاهل التقييم .. قيميني (f)(f)

مع حبي ،،
طبيبة أسنان ..:15:

( يمنع النقل منعاً باتاً )

ربي يسعدك .. شرفتي يا حلوة