مثل ما وعدتكم اني انزل موضوع عن
Sigma
ومقارنه بينهم و بين فرش mac
==
قبل ما ابدى حابه اذكركم ان الريفيو هذا عقب استعمالي الشخصي يعني ممكن حد منكم ما يحب الماركه هاي و يعتبر ماك احسن منها او اي ماركه ثانيه 
واكرر الموضوع للافاده فقط لا غير وليس دعايا خاصه للمنتجات ابدا
==
Sigma brushes
لهم فتره بسيطه.. بس وكونوا خلال هالفتره سمعه جدا طيبه بتشوفونها من خلال تجارب البنات الشخصيه و الشرح المفصل عن كل فرشاه
طبعا ما ننسى ان اهم شي في المكياج غير المنتجات الادوات المستخدمه .. الفرشاه تلعب دور كبير في وضع الشادو ودمجه …..الخ
مثلا لو عندج شادو تجربينه بصبعج تشوفين اللون جدا قوي وواضح بس يوم تبين تحطينه على عينج تحسينه باهت حتى لو استعملتي مثبت او شادو كريمي تحته .. ف في هالحاله جربي انج تغيرين الفرشاه اللي تستخدمينها
وجربي اللون مره ثانيه اذا طلع اوضح فالعيب فالفؤشاه !
==
نرجع ل sigma
سمعت عنها فالمواقع الاجنبيه فالبدايه ما اهتميت قلت ليش!! انا اشتري من ماك وخلاص
بس بعدين تابعت التجارب و انبهرت وقلت ليش ما اجرب ما بخسر
على فكره اسعار الفرش جدا جدا معقوله مقارنة بماك والجوده و بكل امانه متقاربه لدرجة 65%
والسعر ارخص بكثير من ماك او فرش الماركات الثانيه
هني بعرض لكم بعض الفرش مب الكل و شوفوا الشبه الكبير بالرغم من ان صاحبة الفرش هذيلا حاولت انها تحط لمستها الخاصه عشان ما يكونون طبق الاصل من فرش ماك
اسعار فرش ماك تتراوح من 95 درهم لين ال 2 و شويه
==
انا خذت 2 sets
12 brushes set
15 professional brush roll
السعر تقريبا ال 12 فرشاه ب 370 درهم يعني سعر 3 فرش من ماك !!
وهني بعرض ال15 BRUSH SET
ما حطيت ال12لاني استخدمتهم عشان جذي سويت الموضوع هذا بعد استخدامي المتكرر للفرش الثانيه
==
نشوف شكل الشنطه والفرش
==
فرشاه F20 اللي هيه تشبه فرشاة ماك 134
الفرشاه هاي لتوزيع البودره على الجسم والوجه
فرشاة F15 لي هيه 131 من ماك
وهالفرشاه مثاليه لتوزيع البلاشر او الهايلايت او البودره بخفه على الويه
فرشاة E50 لي هيه 227 من ماك
هالفرشاه تستخدم لتوزيع الشادو على الجفن كامل اذا حابين نحط لون واحد بس و البض يستخدمها لتوزيع الهايلايت تحت الحاجب
فرشاةE25 لي هيه فرشاة 217 من ماك
والفرشاه هاي تستخدم لدمج الشادو و ايضا مثاليه لتوزيع الشادو الكريمي
—
بعض الفرش الموجوده في الset
F20+L05+F25+E20+F35
ملاحظه: هم مسهلين عليكم كف تعرفون فرش العيون وفرش الوجه
F=Face
L=Lip
E=Eyes
وبعد كاتبين على كل فرشاه وين ولشو تستخدم
—
من الاشيا الموجوده في العلبه
كتيب يعرفج عن كل فرشاه و استخدامها
وطرق تنظيف الفرش والمحافظه عليها
==
تنظيف الفرش
عندنا ال daily cleaning +deep cleaning
Daily Cleaning
تنظيف الفرش يوميا بعد الاستخدام و نستخدم لهالتنظف محلول تنظيف الفرش وممكن تشتروه من عده ماركات بس انصحكم باللي من ماك لانه فعلا ينظف الفرشاه بطريقه فعاله و سهله و الفرشاه تنشف بعد عدة ساعات
كل اللي عليج تسوينه انج تحطين من الحلول شوي على المحارم و تحركين الفرشاه برقه عليها لين ما يرجع لون الفرشاه قبل استخدام اي منتج رتبي الشعر بيدج وخليها على فوطه صغيره و تنشف
Deep Cleaning
والتنظيف هذا يكون عميق وتسوينه مره فالاسبوع خصوصا لفرش الكونسيلر + الفاونديشن + اي فرشاه استخدمتي بها منتج كريمي
تستخدمين شامبو للاطفال وتحطبن نقطه في اليد و تحركين الفرشاه بطريقه دائريه خفيفه و تشتطفينها بالماي
ملاحظه مهمه: ابدا لا تخلين الماي يلمس الجزء لي بين الحديده والخشب ( امسكي الفرشاه مثل ما تمسكين القلم اغشليها واشطفيها بنفس الطريقه و ايدا مب العكس ) ..
رتبي الشعر و وزعي الفرش على فوطه و تاخذ لها يوم تجف
=======
MAC BRUSH CLEANSER
=======
هذا الموضوع لي حبيت انزله لكم وا ن شاء الله يفيدكم لو شوي
وفي بنات وايد ما يعرفون اهميه الفرش وكيف انها ممكن تخلي الوحده مكياجها يبين بروفيشنال والفنش نظيف ومرتب
وحبيت ابين لكل البنات انه سيجما توصل دولي وفرش استثمار لان انتي مو كل يومين بتشترين
وانا كنت ناويه اطلبهم لكن صار ان شاء الله اني رايحه امريكا واطلبها هناك احسن
تحياتي لج ويسلمو علظي الرفيو
وحبيت الفرش
وربي يعطيج العافيه
انا كثير سمعت مدح علي فرش سيجما فى المواقع الأجنبيه
وبعد تجربتك الرائع والمقارنه مع ماك كثير تشجعت اخذلي منهم
والله لايحرمنا طلتك ياقمر ولا يحرمنا مواضيعك المفيده
بس أختي كيف نقدر نحصل هالفرش
عجبتني
وااااايد حبيت تجربتج .. دااايما اشوووف بنات اليوتيوب يتكلمون عن سجيما وان جودتها نفس جودة ماك وارخص .. وانتي بدعتي بموضوعج .. يعطيييج الف عاااافيه ..
فعلا تستحق التجربه
بس انا سمعت ان شهرين لين توصل صح ؟
الله يوفقج و يعافيج يا رب
..
،