السلام عليكم ورحمة الله وبركااته
شحااالكم يا خوااااتي ؟؟؟؟
حبيت اسالكم اللي عندها خبره في تمليس الشعر
انا مخطوبه وعرسي جريب ان شاء الله ..
انا شعري هب مجعد واايد بس كيرلي واريد يكون شارات الفلبينيات جدام ريلي لانه يحب الشعر السايح
فشووو رااايكم اني اسوي تمليس سمعت عن تمليس اليوكو …؟؟؟ انا ما اعرف شي عن تمليس الشعر ولا مره جربت واريد اعرف شو اضراره وااخاااف على شعري يوم بجربه …
اتمنى انكم تفيدوني وتنصحووني
واذا بغيت اسويه وين اسوي … ما اعرف اي صالونات تسوي التمليس في بوظبي ….. ما يهمني السعر …. اهم شي مايخربون شعري
والسموووووووووحه منكم
انصحج لا تستوين تمليس لانه يضر بالشعر ويخربه وانا سويت وشعري كله
اتساقط والله قلبي يعورني عليه بس يمكن على حسب الشعر وانتي اسالي
والسموحه منج
هلا الغالية
اختي مسوية تمليس الكيراتين وهو روعة ماشالله اعطى شعرها لمعة حلوووووووووووة..
اذا انتي في ابوظبي سيري عند هيام في صالون الوان وصدقيني ما بتندمين … السعر في حدود 3000 حسب طول الشعر …
موفقة ان شاء الله
انا بنت عمي سوت تمليس وخرب لها شعرها بدا يتساقط ومرات يبان انه شرات المتكسر بطريقة غير مرتبه غمضتني والله شعرها اخترب بس ترومين تستخدمسن سشوار عادي بدون ما تبالغين بهالشي
لان بعد كثرة استخدامه يضر الشعر
ويعطيج العافيه بس بعد يمكن على حسب الشعر مثل ما قالوا الاخوات شوفي وفكري
انا سويت تلميس قبل عرسي والحين ماشالله بكمل سنه ولين الحين حلو وناعم
وهالصالون هو الوحيد اللي عنده هالنوعية من التلميس حتى اذا حبيتي تصبغين شعرج لازم تسوينه عندهم لانه الصبغة خاصة حق هالتلميس!!!
وانا انشاللله بصبغ شعري بس مب الحين انشالله عقب ما اولد
واذا حبيتي اي استفسار طرشيلي ع الخاص
ع فكرة الصالون في دبي في جميرا
قنوشة >>>> شو اسم الصالون ؟؟؟
قنوشة >>>> شو اسم الصالون ؟؟؟
انا سويت تمليس .. .في دبي ف صالون ف جميرا ….
من سنة واختي ما شاء الله من سنتين … وروعة … حتى احس شعري يطول اسرع من قبل …
وتقدرين تصبغين شعرج بعد 10 ايام …
بصراحة روعه … واحسه يغذي الشعر … لكن في كل الحالات سواء بالتملس او لا الشعر لازم يباله عناية … انا انصحج تستخدمين الامبولات .. وايد مغذية …
والمنتجات من ايطاليا …..
واي استفسار ….. انا حاضرة
وين هالصالون اللي في جميرا شو إسمه؟؟
