والله ماني عارفه شقولكم احس اني بعتصر
من الضيق 🙁
بنتي بتكمل ثلاث شهور وآنا احاول قدر مااقدر اعطيها
طبيعي بس مشكلتي اني اعاني من تسطح الحلمة فاستخدم
الحلمة الصناعية وطول شهرين تقريباً كنت معتمده على الطبيعي
بس احياناً اضطر للصناعي تعرفون ساعات الواحد يروح مستشفى
او اي مكان فاخليها عند احد واحسها الحين بدت تتعود عالصناعي
كون المرضعة اسهل لها من هالحلمة الصناعية اللي مسببة لي ازمة
والله مو ذنبي يوم كنت حامل محد قالي سوي تمرينات للحلمة عشان
تطلع :confused:
وليومكم قبل ما اعطيها الصناعي احاول اعطيها طبيعي عشان
لايأنبني ضميري بس هي تقعد تصيح ماتبغي والله هاللحظة تخليني
احس بشعور مااقدر اوصفه 
واضطر اعطيها صناعي ساعتها وتهدأ
بس متى ماقبلت الطبيعي اعطيها وساعات اشفط لها طبيعي مع ان
احياناً مايطلع حليب وايد ومااقدر اشفط وهذي حالتي بين الحلمة الصناعية
والشفط والحليب الصناعي وكل هذا بس عشان مااعتمد على الصناعي بروحه
احس روحي بستخف ماني عارفه شسوي مع هالمشكلة
و لا اتخلين شي يأثر ع نفسيتج
نفس المشكلة واجهت …
يبالج صبر و اللـــــــــــــه راح يفرجها
الحل:
ساعديها ع الرضاعة الطبيعية …حاولي تمسكين صدرج من تحت مب حركة المقص….و حاولي و ياها و انشالله اتساعدج …
كثر الشفط يطلع الحلمة و راح يكون صدرج اوكي للرضاعة ( جربي تشفطين قبل لا ترضعينها بشوي و بعدها وقفي شفط و خليها ترضع ع طول منج )
النفسية واااايد اتأثر ع الرضاعة خل تفكيرج ايجابي واتغذي عدل والله الله في العصاير و السمن والرهش )
لا اتكثرين صناعبي لين تتعود عليج و جربي اترضعينها وقت تكون يوعانة عشان اتحاول اكثر.
تقدرين اتسوين مساج الحين باستخدام زيت الزيتون.
الله يوفقج ويصبرج و يخلي لج بنوتج
اي استفسار انا حاضرة
بيستسهلوا الصناعى انا بنتى بديت اديها صناعى من شهر لأنى بديت اشتغل فبسيبها بالساعات
فبحس ساعات انها مش عايزة ترضع منى وخاصه لما جالها زكام فكلنا نقع فى الموضوع ده
فربنا يعينك:shy: :shy:
كلنا مرينا بنفس المشكلة تسطح الحلمة خاصة في أول مولود
فلما عطيناهم الصناعي ولو مرة حبوه ليس فقط من أجل الحلمة
ولكن من أجل الطعم أيضا فالصناعي أحلى (r) ، لذلك نصيحتي:
ثانيا: عمل مساج قبل كل رضعة
ثالثا: إذا شعرت بأنه لم يرضع جيدا اشفطي الحليب وأعطيه مرة أو مرتين في اليوم بالمرضعة.
رابعا: إذا اضررت إلى استخدام الحليب الصناعي مع الطبيعي ، فاستعملي نوع مقارب لطعم حليب الأم مثل حليب نان حتى يتقبل الاثنين.
خامساً: أكثري من الدعاء أن ييسر الله عليك إرضاع طفلك ..
الله يوفقج وطمنينا عليج:shy:
كثر الشفط يطلع الحلمة و راح يكون صدرج اوكي للرضاعة ( جربي تشفطين قبل لا ترضعينها بشوي و بعدها وقفي شفط و خليها ترضع ع طول منج )
النفسية واااايد اتأثر ع الرضاعة خل تفكيرج ايجابي واتغذي عدل والله الله في العصاير و السمن والرهش )
لا اتكثرين صناعبي لين تتعود عليج و جربي اترضعينها وقت تكون يوعانة عشان اتحاول اكثر.
تقدرين اتسوين مساج الحين باستخدام زيت الزيتون.
الله يوفقج ويصبرج و يخلي لج بنوتج
أحس كلنا مرينا بهالمشكلة مع أول بيبي، انا أول ماربيت كنت اعاني من نفس مشكلتج بس في صدر واحد، فكنت كله ارضعها من صدر واحد والثاني ماكانت تتقبله عسب الحلمة مب بارزة، فحسيت انه الثاني دوم يكون مافيه حليب، فاختي جزاها الله خير قالتلي لازم ارضعها من الاثنين لانه يوم تكبر شوي واحد ما بيسدها، فدوم كنت أمسح الحلمة بزيت واحاول أشدها لبرع، والحمدالله…
اختي اصبري على البنت ولاتستلمين، بنتي بدت ترفض الطبيعي وعمرها من عمر بنتج لاني رديت الدوام، بس الحمدالله صبرت عليها و رضعتها تقريبا لين الشهر الثامن…
