اولياء الامور اللى اولادهم فى منارة الايمان
لو سمحتم محدش يدفع مصروفات السنة الجديدة اللى طالبنها اول 6 عشان ده استعباط يعنى اية ندفع المصروفات كلها قسط واحد قبل السنة ب 3 شهور وكمان الزيادة الغير مبررة فى المصروفات
ارجوكم كلنا نطالب بإجتماع اولياء امور نناقش فيه الكلام ده ويقولولنا المصروفات دى مقابل اية بالظبط فى المدرسة اللى كل حاجة فيها بندفع تمنة طول السنة
كفاية استعباط بقى
عايزين نتفق كلنا عشان مصلحة ولادنا
اللى يحب يبعتلى نمرتة على الخاص اكلمة
قولنا الامر لله ودفعناها على قسطين
والسنة دى زودوا برضه 1200 او اكتر شوية
كمان عايزنا ندفع مصروفات السنة الجاية كلها كاملة قسط واحد اول الشهر الجاى!!!!!!!!!!!!!!!!!!!!!!!!
ده غير ان المفروض احنا بندفع مبلغ كبير المفروض شامل الانشطة الواقع ان اى نشاط فى المدرسة بفلوس واشتراك شهرى
جفلة المدرسة اللى المفروض يعملوها مجانا او على الاقل بحاجة رمزية واخدين من الطفل 100 جنية اشتراك غير تذاكر اولياء الامور
وهايعملوها فى حوش المدرسة يعنى مش مكلفاهم تعريفة قوليلى انتى بقى يبقوا اية الناس دى اللى مبتشبعش فلوس
زهقنا دفع فلوس طول السنة ومش يختشوا على دمهم على مزودينها وكمان عايزنها بدرى دفعة واحدة
انا اللى مخلينى متمسكة بيهم انهم فاصلين البنات وعندهم تحفيظ قرءان بكم لا بأس به وغير كده جنب بيتى
بس الاستغلال مش كده
وكل ماكلم حد فى اولياء الامور يقولولى بنروح نشتكى ومفيش فايدة
وهما مش عايزين اولياء الامور تتجمع عشان مايثوروش عليهم انا بقالى سنتين من اول مافتحت ماعملوش ولا اجتماع اولياء امور واحد يوحد ربنا
فقولت اجمع اولياء الامور على النت عشان نتحد وناخد موقف بس واضح ان السلبية واخده حدها معانا وعمالة اكلم نفسي
