اليوم يايبتلكم باستا الجبن سهله وسريعه
نبدي بالمقادير
علبة حليب
علبة قيمر
3 م ك جبن سائل
1م ك مايونيز
1طماط مفروم ناعم
1كزبره خضراء
كيس جبن مبشور
1مكعب ماجي
1كيس معكرونه
1بصل مفروم
2فص ثوم
1فلفل بارد مفروم ناعم
رشة ملح
1م ك زيت
الطريقه
نفوح المعكرونه مع شويت زيت وملح ومكعب ماجي
نييب جدر نحمس البصل والثوم لين يتحمر ونضيف الطماط والفلفل البارد ونخليه على النار لين يذبل بعدها نضيف المعكرونه طبعا بعد ما نصفيها من الماي ونخلطها مع حمسة الطماط والفلفل ونضيف الحليب والقيمر و3 م جبن سائل وم مايونيز ونخلطهم عدل بعدها نضيف الكزبره ونخلطها عدل ونخلط معاها ربع كيس الجبن المبشور واخيرا نحطها في صينية ونرش باجي الجبن المبشور وندخلها الفرن تتحمر
وهذا الشكل النهائي
ملاحظه ممكن اضافة مشروم او دجاج شاورما او زيتون اسود كل وحده وذوقها انا احط مشروم بس اليوم خالص
الله يعطيك العافيه
والله يعطيكِ العافية
أرجو الرد على رسالتي لكِ على الخاص بخصوص موضوعك
تسلم الايادي
يشهي يعطيكي الف عافيه
