الموضوع وما فيه ..
انه باقيلي تقربيا عشر ايام وبخلص الاربعين ..
وعرس اخت ريلي يوم الاثنين هذا ..
فما اعرف شو اسوي ؟؟
يعني اتعرفون الوحدة يوم تطلع من النفاس لازم تكشخ وتتحنى وتشل الخ…
وبما انه عرس اخت ريلي الاثنين هذا .. فلازم اتحنى واشل شعر ايدي وريلي ..
وانا قلت بعد كتغيير للوك بقص شعري مدرج .. (منه للعرس ومنه لطلوعي من النفاس )
بس المشكله انه لين ما اخلص العشر ايام والله اعلم يمكن اطول اكثر .. بتم بقايا الحنة عايدي . والشعر بيبدا يطلع .. وشعري مقصوص ..
الزبدة انه يوم بخلص من الاربعين ريلي ما بيحس بالفرق ..
انا كان خاطري اسويله حفلة صغنونة او مثل ما اتقولون ليلة خاصة افاجاه فيها واكون كاشخة ..
اتمنى فهمتوني ..
شاوروا علي شو اسوي ؟؟
اولاا مبرووووووووووك عالمولوود اليديد >> مدري بنت ولا ولد ..
ثانيا : عادي لو انا منج كنت بروح بقص شعري وبتحنى وبسوي كل شي ..
وبعد يوم تخلصين الاربعين ولو حتى بعد كم يوم من الاربعين ارجعي وسوي حفلة صغنونه لكم >> وتكون لسبب انج خلصتي النفاس .. بس حاولي تسوين لج فستان خفيف .. وحركات حلوه علشان بيحسسسسسس بالفرق ..
>> تجهز لنفسها بعد بخلص الاربعين قريب ان شاء الله هعه
في حفلة اخت ريلج اتعدلي واكشخي وسوي اللي تبينه
واما في الحفلة الثانية حاولي تغيرين كل شي مثلا غيري تسريحة شعرج اذا انتي سويتيه نازل المرة الثانية رفعيه
وطبعا اللبس بكون غير والمفاجأة بتكون احلى
ما يبالها شي .. شقري ايدج ( ريلج محد بيشوفها ) حق العرس ومب لازم تتحنين صبغي ظفورج بس وقصي شعرج القصه اللي تبينها
ويوم بتطلعين من الاربعين شلي شعر ايدج وريلج وتحني وصبغي شعرج وجيه بتكونين غير
تحني لخلصتي الاربعين
وحجزي لج في الفندق وتحني وتمكيجي ولبسي فستان
