حلو الشتاء الدافي حلاوة السميد مصوره من مطبخي 2024.

السلام عليكم ..
زمان ما نزلت موضوع بالقسم ..
بس الحلو اللي اخترته اليوم بينفع لأيام الشتا كتير لأنه بيتقدم سخن وما بياخد وقت .. يعني ممكن تعملي وضيوفك عندك ..
نيجي للطريقه :
المقادير :
كوب سميد
خمس اكواب ماء
2 كوب سكر
ملعقه او اكتر مرجرين او زبده
لوز للتزيين ..

الطريقه بسيطه كتير :
بنحط الزبده او المرجرين بالمقلى وبس يدوب بنضيف لهم كوب السميد وبنحمصه على ما يصير لونه اشقر ..

بنفس الوقت بنكون حطينا طنجره فيها كوبين السكر مع خمس اكواب الماء على النار ..وبنتركهم يغلوا ..

بعد هيك بنضيف السميد المحمص للماء والسكر وبنحركهم على النار الى ان يفتح السميد ويثقل الخليط ويتجانس ..

وما بننسى نضل نقلبهم بهالوقت ..والنتيجه انه بيجمد شوي وبتصير متل هيك :

بنسكبهم في صحون وبنزينهم باللوز المحمص وبنقدم حلاوة السميد وهي سخنه :

في ناس بيحبوا يحطوا بقلبه جبنة حلوم (بيضه )
انا ما كان عندي ..

صحتين وعافيه ..
رأيكم بيهمني اكيد .. بأنتظار ردودكم ..

تسلم أيدك على هالحلو الزاكي
أول مره أعرف طريقته سهله كثير

تسلم ايدك مشرفتنا (f)

اول مره اشوف هالحلى

شكله حلو وطريقته سهلة

تسلمي

عروس اقتباس عروس   عروس المشاركة الأساسية كتبها am slooh عروس عروس   عروس
     
  تسلم أيدك على هالحلو الزاكي
أول مره أعرف طريقته سهله كثير
 
عروس   عروس

وايديكي يا ام صلوح ..شكرا الك على مرورك العطر ..

عروس اقتباس عروس   عروس المشاركة الأساسية كتبها آآآآآهات الصمت عروس عروس   عروس
     
  تسلم ايدك مشرفتنا (f)

اول مره اشوف هالحلى

شكله حلو وطريقته سهلة

تسلمي

 
عروس   عروس

وايديكي عزيزتي اهات ..يمكن هاد الحلو مشهور عنا بالبلاد ..
بس فعلا طريقته سهله كتير ..

ماشاءالله تبارك الله
تسلم ايدك شكله لذيذ اول مره اعرف هالطريقه

ما شاء الله عليك ولا اسهل من كذا

تسلم ايدك ويعطيك العافيه واحلى تقيم عروس

الله يعطيكى الف عافية

وتسلمى على الوصفة الجميلة

تسلم ايدينج والله يعطيج العافيه يالغلا
سهل جدا ولذيذ يعطيك العافية

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.