من الساعه 10الين 3 الفجر وهو في بكااااء شديد يتمغص والله اكرعه واقلبه ع بطنه واسويله نعناع بس مافي فايده يهدا خمس دقايق وخمس يبكي وهاذا حالي
تعبت والله تعبت :badly:
وش اسويله ؟
حتى نقط المغص اعطيه بس مافي فايده
ياليت القى عندكم حل
وحاولي تمتنعي عن اكل الأشياء الحارة او الحاالية كثير والغازيات لأنها تسبب له مغص
وقبل النوم سبحيه بموية داافيه وادهني جسمه وسوي له مساج خفيف لبطنه وظهره وان شاءالله يرتااح
آنه عانيت مع بنتي وايد
شوفي في الحواج او حتى في السوبر ماركت
تعرفين ماي المرقدوش ؟
في خاص للاطفال مكتوب علية مرقدوش للاطفال
وفي بعد نفس الغراش مكتوب عليه ماء الحلوة
وماء الغريب
ماء الغريب وايد زين للغازات
اخذي له منهم
وحطي في مرضعه صغيرة ماي وخلية فيها من كل واحد شوي
ان شاء الله بيخف
وحاولي تدلكين بطنه
يعني خلية نايم على ظهرة وسوي له تمارين بيدك على بطنه ان ترفين يدج فوق وتحت على خفيف وانتي ترفعين رجلة وتنزلينها على خفيف
هالتمارين علمني عليها دكتور لما وديت له بنتي
والحمد الله بعد كم يووم خفت واايد على هالتمارين
والله يشفية يااااااارب
اختي ما فيه حل للمغص غير اللي تسويه هي فتره و بتعدي
اكيد بتتعبي مسكينه بس كل الأمهات يمروا بهالمرحله و بتعدي ان شاء الله
انتي سوي اللي عليكي سويله مغطس مي دافيه لبطنه شربيه شويه يانسون مثلا بكميه ضئيلة
بلاش النعنع يقولوا مو زين للأطفال و أسالي طبيب عنه تأكيدي إذا قلك اوكي اعطيه شوي
شيلي الولد و امشي فيه رضعيه
و الله يكون معك
مااستعملت نقط لأني سمعت أنو النقط بيأثروا على الكلى لاسمح الله أنا بجيب زيت الزيتون وبدفيه شويه وبدهن فيه على بطن البيبي
مظبوط وماأترك أثر للزيت حتى يمتصه الجلد وأحط برضه زيت زيتون على الشرج عشان تطلع كل الغازات وبلف البيبي جربي طريقتي وانشالله
بيرتاح ولدك وخبرينا عن النتائج
مغص جامد , انتي الحين ابتعدي عن التفاح , ملفوف , زهره , فلفل اخضر بارد , هالأشياء
تسوي غازات , ولكن هذي الأشياء مفيده , فناكله بالتدريج , مثال اليوم ربع تفاحه , اذا غداج
خضره , شريحة ملفوف وشريحة فلفل وحبة زهره مع الأيام زيدي الكمية , عشان بطن ولدج
يتعلم على على النوعية من الغازات , الهريس ممنوع , المشروبات الغازية ممنوعه ,
اذا تخطرتي حيل اشربي بياله وحده , الساعه عشر موعد نوم البيبي , رضعيه مرضاعه
اذا صاح البيبي وما سكت فوحي له ينسون , بعد ما
تشخلينه , خليه يبرد عطيه وهو دافي , وحطيه في المرضاعه , بدون سكر , اذا رفض ,
المرضاعه ورفض الصدر اهني اخذيه الطواري عشان يعطونه تحميله ضد الغازات , لأن الصياح
لمده طويله ممكن بعيد الشر يترتب عليه لا سمح الله تشنجات .
انا ارضعه طبيعي وصناعي
بالمرضعه وانتي تغلي الماي للحليب حطي له ينسون وحلوة واذا كنتي ماتعطيه حليب صناعي عادي اغليهم وبرديهم وعطيهم اياه
