السلام عليكم ورحمة الله وبركاتة
بنات عروس حبايب قلبى
لكل واحدة كانت مثلى بتتعذب عند وضع الزيت
الزيوت إللى عندى شكلها كدة
براشوت أسهلهم عند الوضع لأن فتحتة صغيرة جدا بنقط منها على شعرى
لكن عيبة إنى لازم أقسم شعرى فى كل مرة أدهن منه
فاتيكا فتحتة كبيرة وبيسيل على إيدى وعلى العلبة نفسها ولازم كل مرة أمسح الزيادة
دابر أملا لازم أصب منه فى راحة إيدى ويعدين أدهن شوية شوية مع التقسيم بردة وتقع العلبة وتغرق الدنيا وتهدر الزيت (ودة حصل لى إنهاردة)
وكله بيبهدل المكان حولى وبيبهدلنى وبتفضل أماكن لم يصل إليها الزيت فى شعرى
إنهاردة لقيت حل ريحنى جدا بفضل الله
ألا وهو
إبرة الدواء :I:
إملئيها بالزيت
خللى رأسها فى شعرك وهى توصل الزيت إلى الفروة مباشرة
مع مساج خفيف باليد الأخرى للتأكد من تشرب المسام ليه
بدون التسييل على الملابس ولا الترابيزة
وبعد الإنتهاء لفيها فى منديل وضعيها مع الزيت فى علبتة
وفى فكرة ثانية وهى القطارة
لو عندك واحدة فاضية ممكن تمليها بالزيت وتوصليها للجذور
—————————————————–
وفى حلول ثانية معروفة وسهلة مثل
أى عبوة عندك بخاخ أو لها طرف طويل تصلح للمهمة دى
ملحوظة
البخاخ لا يستعمل مع الزيوت الثقيلة مثل زيت الخروع أو زيت الزيتون
ولكن فقط فى التونر مثل منقوع السدر أو أى ساءل سيولتة مثل الماء
أرجو إنى أكون أفدتكم
أحبكم فى الله
وصلى الله على سيدنا محمد وعلى اله وصحبه أجمعين
والسلام عليكم ورحمة الله وبركاتة
اللهم أغفر لى ولوالدتى وأسكنها فسيح جناتك