السلالالام عليكم بنات
انا مشكلتي اليوم مب يديده جديمه يعني من يوم ولدي 3 شهور وانا اعاني
مشكلت الولد ان يوم ينام .. وهو نايم يصيح بصوت عالي .. وزوجي ما يعيبه قلبه يعورة فيوعي الولد ..
مب عارفه سبب البكاء .. بتقولين يحلم بكوابيس .. بس هالشي يومي وخاصتا بالليل ..
ارجوكم الي عندها حل ولا تعرف شو السبب ..؟؟
وهل هالشي طبيبعي ام لا ؟؟
للعلم اني سالت طبيب (من زمان ) قالي يمكن يحلم …
كيف اتصرف في هالموقف وما اخلي زوجي يقوم الولد من الرقاد ؟؟ ( اخاف امنعه واحسسه انه تصرفه خاطئ ويتضايق…
ما اعرف شو اسوي .. والين متى بيستمر فالصياح وهو نايم ……..؟؟
هلا والله اختي والله هو طبيعي انه الياهل يصيح ولا يضحك وهو راقد بس مب دوم عاد انتي حاولي كل يوم يوم تبين ترقدينه اقري عليه المعوذات 3 مرات و الرقية الشريعة و نوميه على يمه اليمين واسقيه ماي زمزم مقري عله قبل لا يرقد وانش الله خير .
وبشرينا انشا لله خير
واالله انا بعد بنتي كل يوم اتصيح نفس حالتج بس هي عمرها سنتين وكم شهر وكل يوم تقريبا اتنش من الرقاد اتصيح
ان شاء الله بجرب كلامج اختي روز وايصير خير بنشوف شو يستوي
اهم شي قراءة المعوذات واية الكرسي على الطفل قبل النووووووووم
يجب قراءة بعض سور القران يوميا على الطفل وخاصة المعوذات والتعوذ من الشيطان وخاصة وقت النوم وان شاء الله ما يشوفون شر
الله يحفظ ولد إن شاء الله.. من تجربتي مع ولدي هالمشكلة تصيبه لما بيسنن،، يبقى كم أسبوع على هالحالة الى مايطلع الضرس،، وأحيانا لما يلعب كثير بالنهار يطاع عليه بالليل فيتحلم ويصارخ..
مثل ماقالوا الأخوات اقري عليه المعوذات،، آنه دايما اقرا بصوت عالي علشان يتعلم ولدي على سماع القرآن وأقرأ له دعاء النوم،، صحيح هو صغير بس هالشي يخليه يتعود على الذكر لما يكبر…
ما شاء الله يعني كلنا نفس الحالة:
ولدي يصيح بطريقة فظيعة وبالليل عودته يرضع من الرضاعة وانا الحين اللي تعبانة وحالتي حالة، لما خبرت امي امس قالت انتي غلطانة لأنج عودتيه يرضع بالليل ثانيا الولد ماشاء الله صار اكبر ويحتاج وجبات غذائية يعني عشى وغدى وريوق، قالت لي بالليل قبل لا يرقد لازم اتعشيه عشا دسم شوية ( مثلا معكرونة مغلاية وهرستها مع الجبن والبطاطا) علشان يشبع ويصير ثقيل وما يقوم..
وتصدقون طبقت كلامها وصار يقوم بالليل بس ع الاقل ينام فترة اطلو شوية..
شسوي حالتي حالة وحامل وولدي حاشرني باللبل الواحد يستفيد من النصايح
اختي مثل ما قالوا الاخوات قراءة بعض الايات على الطفل و يجب ان ينام الطفل على الجانب الايمن او الايسر
ما اعرف سبب صياحه بس يمكن صحيح يحلم .. لان الطفل حتى لو بيسنن غريبة يصيح وهو نايم خاصة لو ماكانت حرارته مرتفعه
اهم شي انه اذا صاح ماتصحونه على طول او تهزوه بالقوة عشان يصحى … هزيه بشويش وانتي تكلميه
قولي له قوم حبيبي شوف ماما .. مافيه شي
لانه لو صحى بسرعة يمكن يتخرع بسم الله عليه .. وهالطريقة حتى مع الكبار لو شفتوا اي شخص كبير نايم ويصيح مثلا يكون يحلم .. لازم تهزوه بشويش عشان يصحى بس ما تصحوه كانكم تصحونه من النوم عادي
مشكورين حبايبي ..
بس انا كل يوم اقرى عليه .. وحليبه كله مسواي بماي زمزم …
ويوم يصيح بالليل اكلمه بشويش اقوله ( ماما انا هني ليش تصيح ) او ( ماما حبيبي شو فيك لا تخاف انا وياك)
بس هاي الحاله لاصقه فالولد من قبل يعني يوم هو 4 شهور
