مبارك عليكم شهر رمضان 
بنات انا عندي مشكلة مع ولدي الصغير ، عمره سنة و9 شهور تقريبا .. صار لي حوالي 10 ايام من فطمته عن الرضاعة الصناعية ( هو ما يرضع طبيعي ) ومن فطمته واحواله تغيرت صاير عصبي واقل شي يعصب ويصيح ويتحجج ويزن يعني ما ابالغ لو قلت ما تمر نص ساعة ما يصيح فيها وللحين يقعد شوي الليل وفي النهار صار ما ينام واذا كلش داخ بينام له بالكثير نص ساعة وممكن اقل ..والليل بعد ما ينام الا مطلع روحي ، تلاقونه منبطح ومغمض عينه بينام وما اشوفه الا يرد يصيح بروحه من غير سبب ويتقلب كأن فيه أرق ومو قادر ينام ..
هو للاسف ليلة اللي فطمته مرض وفي البدايه عذرته وقلت مريض لكن الحين الحمدلله صار احسن لكن اطباعه ما تغيرت .. مع العلم انه الحين ما يجيب طاري الرضاعة لكن اطباعه ومزاجه معتفسين عددددل ونسيت اقول بعد انه صاير لصقة فيني ولما نطلع بيت ناس من الاهل ما يبي احد ( يعني مثلا اذا اخذته امي تلاعبه يقعد يصيح ما يبيها لكنه يكون عادي مع اليهال ويلعب معاهم ) ..
ملاحظة :: انا مستغربة لاني فطمت اخوه من قبل وبنفس الطريقة بالضبط استخدمت التدريج في الفطام لكني ما تغربلت مع اخوه ابداااااا بس اول ليلة قعد يصيح وتعبني وبس بعدين نساها ولا جاب طاريها ولا قام يقعد بالليل ولا تغيرت اطباعه ولا اي شي
ارجوا المساعده لاني واااااااايد تعبانه خصوصا هاليومين وزحمة شهر رمضان وبعد اسبوع تقريبا اخوه بيداوم في الروضة يعني بتزيد المسؤوليات أكثر ..
ونسيت اقول اني وديته المستشفى وطلع انه فيه بس زكام وشوية احتقان في البلاعيم حتى ما كتب لنا الدكتور مضاد حيوي بس شوية ادوية والحين صار احسن ..
انت فطمتيه عن الرضاعة في الليل لما كان صغير؟؟؟
هل تدرجتي معاه في عدد الرضعات وققلتيهم بحيث كانوا بس رضعتين في اليوم من وصل 10 – 12 شهر؟؟؟
هل كان عادي عنده يتقبل الاكل ؟؟؟
هل استبدلتي المرضعة بالكوب من وصل عمره 12- 15 شهر ؟؟؟
 |
اقتباس |  |
 |
المشاركة الأساسية كتبها ام شجاع  |
 |
 |
| ممكن اسالج كم سؤال:
انت فطمتيه عن الرضاعة في الليل لما كان صغير؟؟؟ هل تدرجتي معاه في عدد الرضعات وققلتيهم بحيث كانوا بس رضعتين في اليوم من وصل 10 – 12 شهر؟؟؟ هل كان عادي عنده يتقبل الاكل ؟؟؟ هل استبدلتي المرضعة بالكوب من وصل عمره 12- 15 شهر ؟؟؟ |
||
 |
 |
اهلين اختي ام نجد ::
بالنسبة عن الرضاعه في الليل لا والله ما فطمته بالعكس انا فطمته حزة اللي هو قاعد ما اعطيه مرضعه بس حزة النوم اعطيه ويكون بمقدار 1 – 2 في الليل ومرضعه وحده في النهار اعطيه علشان ينام وانا على هالحال صار لي كم شهر ..
بالنسبة للاكل كان ما ياكل كلش والدكتورة خبرتني ان هذا بسبب الحليب لاني اعطيه نيدو 1 وهذا فيه دهون فيشبعه ويقلل شهيته لكن من حوالي اسبوع يعني بعد ما فطمته بدا ياكل احسن من قبل والحمدلله ..
عن استبدال المرضعه بالكوب للاسف ما جربتها .. يمكن لاني جربتها مع اخوه وما نفعت كان ما يبي الحليب الا بالمرضعة ومن فطمته لحد الحين ما شرب حليب ابداااا وهذا اللي مو مشجعني اسوي هالخطوة مع حمود الحين ..
يمكن في اخطاء في طريقة فطامي لكن اللي سويته الحين مع حمود كان هو نفسه اللي سويته مع حسون وتوقعت تنجح السالفة ونسيت ان كل طفل يختلف عن الثاني 
نسيت اقول بعد ان حمود الحين كل هواش مع اخوه وصاير ما يتنازل عن شي ،، يعني الاول كان اذا يصير خاطره في لعبه معينة واخوه ياخذها عنه عادي يسكت ويروح بس الحين يتهاوش مع اخوه علشان ياخذ هاللعبه ويصير الضرب والصراخ والصياح .. وبعد صار الحين يصمم على انه ياكل بروحه ما يرضى ان نأكله وهذا اللي مزيد تعبي أكثر لانه اذا اكل معناته بيوسخ المكان وبيوسخ نفسه ولااااازم حمام بعد ما ياكل لان الاكل يوصل لشعره حتى والمسكين ابوه يشتغل على تنظيف المكان هههههههه
ولد اخوي كان هادي مؤدب صار يضرب ويعض ويزن
اني نفسك ودي اعرف السبب الي خلي الطفل يتغير مع ان اخوتها مثلها انفطو صغار وماتاثرو
الله يهديهم يارب
ومثل ماقالو اليش الاخوات استبدلي المرضعة بالكوب ..اخدي اليه كوب عليه رسوم اطفال اللي فيه العود حتى يتشجع ويشرب منه واعطيع فيه الحليب او عصير او حليب ورد حتى يشربه ..وشوفي
وان شاء الله تهدأ أموره وياش
راح اجرب سالفة الكوب وان شاء الله يتقبله ويهدئ من اوضاعه ، انا بعد احاتي تطوّل معاه هالحركات خصوصا ان احنا ناويين اذا الله كتب نسافر في العيد وخايفة يغربلني هناك (w)
وثاني شي هو ما تعود على الاكل وهذا غلط، كان المفروض تعلمينه على الاكل وتقللين الحليب ، تخلينه ليما يجوع وحزتها تعطينه اكل مو حليب
وثالث شي كان ابتديتي بتعليمه على الكوب من زمان
المهم اللي صار صار وخلاص ما راح يظل عصبي على طول كلها اسبوع او اسبوعين بالكثير ويتعود صدقيني
اما عن العابه ودفاعه عنها هذا شي عادي اختي انا نجودة ما تقبل احد ياخذ العابها والا تقلب البيت زلزال هذا الشي من علامات النمو الفكري عند الطفل
