هايااااات صبايا
شخباركم وشمسوين ؟؟؟(f)
بدخل في الموضوع على طووووول
هذك اليوم قلت حق أمي أنا بسوي العشا
عاد دخلت المطبخ من الساعة سبعة ونص
سويت معكرونة بالباشميل
والحلى اللي معاه بسكويت بالكراميل ( انا ماأحب آكل الكراميل بس هذي خوووووش شي (y))
الحين راح اعطيكم المقادير و الطريقة وأكيد ماننسى الصور اللي لها طعم خاص بالموضوع 😎
معكرونة بالباشميل
هذي صورة المقادير
وهي بصلة وسط – فليفلة وسط – جزره حبة وحده وسط – فلفل اسود ملعقتين تقريبا(عاد احنا نمووووت في شي حاااار ) – ملح حسب الرغبة – كيس معكرونة – ملعقة وحده طماط صلصة – جبن الموزاريللا – خلطة الباشميل الجاهزة من كنور (اول مرة استخدمها لاني كل مره اسويها بالبيت , لكن لما استخدمت هذي ضفت عليها كوب صغير ونص طحين أبيض وكوبين صغار حليب بودرة وشوية فلفل اسود)
أوووه نسينا المهم وهو اللحم المفروم
.
.
الحين نحمر البصل بالزيت ونحط اللحم وطماط الصلصة والملح والفلفل الاسود
ونخليه لما يستوي عدل ويكون بهالشكل تقريبا
وعلى مايستوي اللحم نسلق المعكرونة في ماي وشوية زيت ملح
ونجهز خلطة الباشميل الجاهزة
ونحط معاها كاسين ماي ومثل ماقلت لكم أني ضفت الطحين والحليب والفلفل الاسود
ونحركها على النار علشان تتماسك وماتكون سايلة أو مو مستوية زين
يعني نبيها تكون غليظة
مثل هني بهالصورة
طبعا بجذي يكون اللحم مستوي والمعكرونة بعد
ونشخلها علشان ينزل الماي عنها
ونحطها بجدر ونضيف عليها اللحم ونحط شوية جبن الموزاريللا
وماننسى نضيف الباشميل
وبعدين نخلطهم عدل علشان يتمازجون
وهذي قريبة
طيب الحين نحطها في الصينية
ونضيف جبن الموزاريللا عليها
ندخلها الفرن ليييييييين تتحمر
))
وعلى ماتتحمر سويت الحلى بس بعطيكم الطريقة بعد المعكرونة ووأريكم الاثنين مع بعض))
وهذي بعد ماطلعناها من الفرن
؛؛؛؛
طيب الحين نجي للحلى
وهو
بسكويت بالكراميل
المقادير
بسكويت بالشاي – كاس ماي- كيس واحد دريم ويب – كرتونة كريم كراميل بس بدون مانستخدم السايل – 2ملعقة حليب بودرة – 3ملاعق سكر- 3 ملاعق نشا وعلبة قشطة – وجوز الهند ناخذ البسكويت ونغطه في شوية حليب ونصفه في الصينية طبقة وحده بس
وناخذ نص علبة القشطة والماي والكريم كراميل وحليب البوردة والسكر والنشا
ونحطهم على النارعلشان يتمازجون عدل ونحرك ليما يتماسك جذي
ونصبها فوق البسكويت بشرط انها تغطيه
وبعدين ندخلها في الثلاجة علشان تبرد بس أنتبهوا مو تجمدونها
بحيث ان اذا حطينا الطبقة اللي فوقها ماتختلط
وعلى ماهي تبرد
نسوي الطبقة الأخيرة وهي
كيس واحد دريم ويب وماننسى شوية ماي وحليب معاه
ونحط النص الثاني من القشطة
نخطهم لين ماتكون مثل الكريمة المُعتادة
بعدين نطلع الصينية ولازم تكون الطبقة تماسكت
وبعدين نحط الطبقة الأخيرة فوقها
ونرش عليها جوز الهند
وهم نرجعها مرة ثانية علشان تبرد اكثر
وتكون بهالشكل
تُقدم باردة
وكاهي بالصحن
7
7
7
والحين هذي الصورة
:tongue:والعشا جاااااهز وياحلاوتو ياجمال و
ومن جد لذيييييذ 😉 وأتمنى انكم تجربون الطبقين
وقدمناه مع عصير البرتقال الفريش
وهني على قلوبكن
تحية مني لكن
(f)(f)(f)
:15::15: